نقش الزمان بقلم زينب المندلاوي

الحلقة الأخيرة

#نقش_الزمان #الحلقة_الأخيرة،،،
#بقلم_زينب_المندلاوي،،،

اني خاين جمانه...
اني...

اي.. انت...

وجان يلزمني من زندي حيل
ودفعني حيل للباب..
وصاح بيه

طلعي من بيتي وما اريد اشوف وجهج بعد

مداااام اني خاين..
طلعي....
اطللللعي برااااا...
وبدفعته وكعت يم الباب... وابجي..

وهو اجه يمي ودنك علي ورفع راسي
اله..

اسمعيني.....

ما اريد اشوفج  ابيتي....

سمعتييي...

وعلى حجايتج هاي..
شو الا ارجعها...

عافني وطلع راح للغرفه..

تكورت بمكاني وابجي..
ابجي على حالي..
والجهال اجو يمي يحظنون بيه..

لارا تبجي وتكول بابا ما احبه..
وساره.. ساكته بس مبين منها ضايجة
سارة.. من النوع هادئة..

وحمودي..
كال..

ماما..
انتي اذا تروحين ماعندج فلوس..
راح انطيج من فلوسي الي بالقاصة  مالتي..

وبس اشوية اكبر..
اكوم اشتغل واجيبلج مصرف..
وراح اضم من مصروفي الج..
.. بس لتبجين..
مجاوبته

ماما... خلي بابا يتزوج وانتي ظلي يمنا

اني شلون اداريهم..

ماما... ظلي لخاطرنه..
...
صح بابا طردج...

بس احنة منكدر بدونج..

ماما... ماما... جاوبي...
راح تعوفينه...

مجنت اجاوبهم..
مصدومة.. ومقهورة...
حظنتهم...
واني ادري بروحي ما اكدر بلياهم..
بس شسوي بعد طردني..

زين وين اروح..
نمت او مانمت بالحقيقة..

الجهال اخذوني وياهم لغرفتهم..
ناموا على رجليه...
وكمت فرشتلهم بالكاع
ابدال اسرتهم..

وفرشت لروحي بنصهم..
كظيت الوقت الي مانمته
بالبجي...

اوف ياجمانه شتشوفين بعد..

حسيت الصبح بالتسعة ونص...
كمت لان متاكدة هو ماكو.

رحت غسلت  وكمت اخظر بهدومي
ومستمسكاتي...

لميت الضروريات بجنطه..
وانتظرت الجهال كعدوا..
ريكتهم..
وبدلتهم واخذتهم ورحت لعيالي..
منكسرة وذليله..

وسولفت الهم عن الي صار
وللامانه كولهم وكفوا ويايه
وكالوا...
ابقي يمنا شكم يوم لحد ما يهدأ
وهو يجي يرجعج..
ترا هو يحبج..
....

اجة العصر واني صعدت لغرفتنا القديمة
ومحبيت اكون متواجدة جوة
و كدامه...

بس اسمع صوت صياحهم ومناقشاتهم..