حد السيف للكاتبتين ( أمل احمد سلوم وهاجر إبراهيم)

تكملة الجزء العشرون

بعد مرور فترة م̷ـــِْن الزمن ..

ببيت سيف كان الكل مجموع حوالين مرهف وهو ماسك بإيد ابو سيف وكاتب العدل قاعد بالنص وبيلقنهم الكلمات لتصير مايا حلالو عسنة •اللّـہ̣̥ ورسولو  ..
الشيخ: الف مبروك ..بالرفاه والبنين انشالله ..
ردو: •اللّـہ̣̥ يبارك فْيَگ ..
اطلقت ام سيف زغرودة وتبعتها زغاريد قريباتها وهنن مبسوطين وبلشو يباركو لمايا ويبوسوها ..

اما ايات كانت بتطلع فيهم وبعدا مو مستوعبة اللي عم بيصير قدامها ..كانت بتبتسم ابتسامة دافية عاكسة الاعاصير اللي جواتها ..
قربت م̷ـــِْن مايا وضمتها: انشالله الف مبروك ميوش ..
مايا: •اللّـہ̣̥ يبارك فيكي وعقبالك ايوشة ..
ايات: انشالله ..

بعدت عنها ومشيت اتجاه مرهف اللي كان قاعد وبيحكي مع ابو سيف .. وسمعها بتحكي: مبروك يا عريس ..
رفع مرهف راسو ووقف وسلم عليها بالايد ..
مرهف: •اللّـہ̣̥ يبارك فيكي ..
كانو الايدين متشابكين والعيون معلقين ببعض.  بهديك الثانية الصغيرة وقف الوقت فيهم وهنن بيسترجعو كل ذكرياتهم الحلوة ..م̷ـــِْن يوم لقائهم لحد هاللحظة .. انتبه مرهف بدمعة علقانة عطرف عين ايات ..كانت بتداري فيها لحتى ماتنزل وتفضح المخبى بقلبها ..
اخدت ايات نفس وفلتت ايدو واتراجعت لورا. .. رجع مرهف قعد  مكانه وهو بعدو بيطلع فيها وفي شعور جواته مو قادر يفسره ..

بعد ماخلصو م̷ـــِْن عجقة الحفلة راحو كل قرايبينهم وضل جان وايات قاعدين مع سيف ومرهف ومايا وسمر ..
سمر: انشالله الف مبروك مرهف ..وانتي ميوشة بدك اتديري بالك عليه مرهف سعرو بسعر واحد م̷ـــِْن اخواتي ..
مايا: م̷ـــِْن هالناحية ماتاكلي هم مرهف «مسكتو م̷ـــِْن زندو » مرهف بعيوني ..
زاحت ايات عيونها وغصت بدون ماحدا ينتبه عليها
سيف: اي هي بما انكون حددتو موعد العرس معد فِيَھ ألي حجة اغار عليكي ..شيلي ايدك عنو وليه ..صحيح انك مابتستحي
مايا: اي شو عملت
مرهف «رجع مسك مايا وشدها عليه »:ورجيني شو بدك تعمل عنتر زمانك ..
سيف: اه يعني شو بدو يكون بدي ..لك انا حكيتلها تبعد لحتى ما اتدايقك ..
مرهف: لٱ ريحلي حالك مارح اتدايق م̷ـــِْن ميوشتي ..
ام سيف: •اللّـہ̣̥ يخليكون لبعض ..
ابتسمت ايات: اي والله •اللّـہ̣̥ يخليكون لبعض ..
جان: هه هي مرهف رح يتجوز ونحنا لسا مكانك راوح ..لٱ اتأهلنا ولا انضربنا عامتنا ..وبكرا بس يتجوز بنصير نشوفو بالمناسبات ..
مرهف :شو قاعد بتبربر لحالك؟
جان: سلامتك شريك
مرهف:  اي •اللّـہ̣̥ يسلمك

بيمسك جان صحن المحلايه وبيبلش ياكل بشهيه

سيف:  ڵـڱ جان يلي بيشوفك بيحكي مسكين مابياكل بالمره
جان:  ليش شو عملت، ،،، ايوش بدك صحنك
ايات:  لٱ
اخد جان صحن ايات ولحقه بصحن سيف ومرهف

ايات : مرهف

انتفض قلب مرهف لما سمع اسمه م̷ـــِْن بين شفايف ايات واطلع فيها، ،،، اي ايات
ايات:  مو ناوي تتصالح مع رفيف خطي بتظل اختك شو ماصار
سيف:  ايات معها حق انا سألتها وين ساكنه وحكتلي بسكن الطالبات