#نصيبي 💞 حلقة 15 💞
مراد : مكذبتيني يافرخة هيا كلمة وحدة نحبك معناها نحبك وعلاش تسئلي وشادة
رغد : به تعالى اخطبني
مراد فتح عيونه بصدمة : تحكي جديات
رغد : اتبتلي حبك وتعال اخطبني
مراد قلبه يدق : انتي قد المسئولية وواعية للي تقولي فيه ولا شفقانة اعليا
رغد : مستعدة نخدمك بعيوني أقسم بالله المهم تكون معاي وجنبي مايهمنيش فيك تمشي ولا ماتمشيش
مراد قعد مصدوم وعيونه تعبو دموع : بنت اصل وراسك حانعيشك ملكة والي تبيه اني فيه إن شاء الله يوافقوا اهلك بس
وبعدها فتح يديه وحضنها : نحبك يابيبي كبيدتي انتي راهوو
رغد تبكي بالشهقة وضاغطه اعليه بالقوة
عمتي نجاح كانت وراء الباب وخشت : ايييي معاش فيه حشمة امشي اركبي لحوشكم انتي حسابك بعدين
رغد قعدت واقفة وساكتة
مراد اشرلها بعيونه بمعنى اطلعي
رغد طلعت وعمتي قربت من مراد
مراد : رغد ماليهاش دخل بشيء اني إلي طلبت منها
عمتي بهدوء : عمتي شن فيه بينك وبينها ومن امتا
مراد : تو نحكيلك بس خلي كل شيء بينا توا
عمتي قعمزت : احكي
مراد : لنقني نحبها وبنخطبها
عمتي بصدمة : وهيا موافقة متأكد ؟
مراد طارتله وفهم قصد عمته : الإعاقة في العقل مش في الجسم
عمتي : والله مش هكي قصدي ياعمتي
مراد : اي هيا موافقة ونبيك تقنعي عمي ومرت عمي
عمتي نجاح : رغد صغيرة بكل مستحيل يعطوها توا
مراد : شهادة لله عندها عقل وفهم يوزن بلاد
عمتي : يصير خير
.
.
اني طلعت من الكوجينة قعدت ندور ونكلم في منيرة لين خشيت في محمد
محمد : ياحمارة ارزني وديري عيون
اني : ضم فمك 😒
محمد : طويلة ولسانك طويل هلبة هكي
عطيته نظرة ومشيت شدني
اني شفتله : شن تبي
محمد : شن طيبتوا
اني : شوف بروحك
محمد : استغفر الله كيف بنعيش معاها
كلينا مع بعض وهدرزنا شوية وكالعادة نفس الروتين بعد 3 ايام
اني : كوووثر شوفي الباب
كوثر : خيرك انتي
اني : تي اطلعي نقرض في السلاطة
كوثر فتحت : اهلين عمتي خولة
عمتي : كيف حالك
كوثر : كويسة تفضلي
عمتي : وين امك
كوثر : في الدار تو اناديها
دخلتها كوثر وخشتلي في الكوجينة : هادي مرت عمي عدنان
اني : به مرحبتين بيها
كوثر : ديريلها حاجة
قعدت شوية وفتحت الثلاجة بنطلع عصير نسمع فيها تقول رغد ما رغد
فتحت الباب وقعدت نسمع
امي : بنتي صغيرة وسامحيني فيها ياخولة مش قد المسئولية كيف بتقدر تعيش مع مراد وهو بالوضع هذا
عمتي خولة تغيير وجها : مراد يبيها وبنتك عاقلة وتتحمل لين ينوض ع رجليه من جديد
امي كانت تساير في عمتي خولة ماتحسابش انه رغد هيا إلي طالبة : الشور شور بوها تو يجي ونسأله
.
.
تسريع للأحداث حددنا موعد العرس وقراية الفاتحة اني ومحمد وبدي العد التنازلي في الفترة هادي ماكلمتاش بكل ولا كلمني ونادرا مانشوفه أغلب وقتي نبكي ومنكدة ع روحي كابرة اعليا لأني نحب الحرية ماعمريش فكرت اني حانتزوج وبالذات بالطريقة هادي طبعا ماكانش فيه عرس ولا حتى منظومة ماغير عشاء للعيلة وخلاص ع الساكت بسبب الحرب الي صايرة والي صار مع مراد مادرنا شيء أسبوع فات واني نفكر كيف حانقدر نعيش معاه
يوم الزفة طلعت للمزين رفعتني عمتي تسوق وقعدت معاي غادي
الكوافيرة ( مروة ) : عندك صورة معينة نديرلك زيها
اني : لا ماعنديش
مروة : به عندك شيء في بالك
اني : ديري كيف مايعجبك
مروة شافت لي عمتي بمعنى خيرها هادي
العصر كملتلي مكياج وتسريحة خديت الفيلو وخشيت للدار بنلبسه تذكرت تلفوني فتحته لقيت 10 مكالمات ✋☝👌👆
اني : مشاء الله هذا كله به إلي درت حاجة كويسة في عمرك يامحمد
فتحتهم لقيت 5 من مودة 😱
4 من امي 💃
1 من كوثر 😒
اني عصبت قريب نتفجر : حقير حتى رنة لا
عمتي : نخش نسكرلك السريتة
اني قعدت نلبس : شوية بس
لبست وطلعتلهم لقيت وحدة معاي تتجعون هي وراجلها : انلاا بيبي اني نهبك اكتر
اني : نفاق ماعلينا😒
عمتي : لووولللولي الله وحد ع بنت خوي
مشيت قدام لمرايا وقعدت نشوف لي روحي : خسارة فيك يامحمد
مع المغرب روحنا وقعمزت ع الصالون في صالتنا وداروا اعليا دائرة بنات عمتي وخالاتي واني نحكيلهم في النكت 😂 عارفة مش وقته لكن كساد🌚
مودة : خلاص بنموت ساد
اني : هادي وحدة قريتها بكري واني عند لكوافيرة
كملوا عشاء وقالوا محمد بيخش إلي بيلبس عبايته يلبس طبعا بنات خالتي مايتحشموش ع وجوهم مابوش يعدلوا😒 لين نسمع فيهم يزغرطوا عرفته خش
قعدت نشوف لوطة وابتسامتي اختفت
وخش هو يوزع في الإبتسامات اهني واهني وفرحان خيي خواته تفي💦😒
هو عادي نقوله ياحيوان بعد الزواج ولا الموضوع فيه طلاق🌚
عادي
اوكي شكرا 🌚
محمد قرب مني وحوللي الطرحة ومدلي يده 😁 وقعمز احداي
اني : تي نزل عيونك لوطة سادك تكحيل
محمد : آخر مرة
اني : نعطيك خمس دقايق بس
محمد : هادي من إلي لابسة أحمر
اني : هادي مخطوبة ريح روحك 😑
محمد : خسارة والله
وبعدها قعدنا نصوروا ونضنا طلعنا ع فندق بش اليوم التاني نمشوا لي مصر محمد بيكمل مشروعه غادي
محمد : ورينا وجهك به
اني : مش قمتلي الطرحة
محمد : وكيف تبيني نركز والحوش مليان طروف
اني : حسابك بعدين
وصلنا ع الفندق وركبنا للغرفة طول محمد : خلي ننزل نجيب حاجة ناكلوها راك ترقدي
اني : به تو نقاوم
طلع وسكر الباب واني قعدت نلود بالفيلو مش هاين اعليا نسلبه شوي وفتح الباب محمد لقاني ع السرير ونبكي
محمد : تي خيرك
اني : ........يتبع>
