#نصيبي 💞 الحلقة 16 💞
محمد : تي خيرك
اني : نبي نروح
الصراحة كان راسي بيتفجر وعيوني حمر ممكن مش راقدة كويس وزيادة كبرت اعليا السفرة كنت واخدتها بمزح بس بعد جيت معاه حسيت الموضوع بدي جدي معاش فيه لعب
محمد حط العشاء ع الطاولة وقعمز ع حاشية السرير ويضحك : لا حول ولا قوة إلا بالله
اني حاطة يدي ع راسي وبيتكسر : شن يضحك فيك
محمد : تي واخد عيل اني
اني : أحترم نفسك 😒
محمد : تعلمي من اختك رغد
اني وقفت : شن جبت به
محمد : تعالي هيا
قعمزت اني وياه جنب الطاولة وقعدة لابسة الفيلو حولت الطرحة وحطيتها ع الصالون ورجعت قعمزت ومحمد كان يتبع فيا بعيونه
محمد : كولي هيا بلا جو
اني : مانبيش ماعنديش نية
محمد : علاش
اني : تو ناكل بعدين
محمد : باهي ع راحتك ... وطلع مشروب ونص مفروم وقعد ياكل
: تي تعالي مش عادي
اني : اقسملي شوية
محمد : لا تو نوكلك في فمك وخلاص 😑
اني وقفت : تف💦💦
محمد شرق : شن قلتي
مشيت واني نضحك خديت تشيرت ابيض وشورت فضي ووردي وخشيت نبدل في الحمام حشاكم
وقفت نشوف للمرايا كنت متغيرة 180 درجة الصراحة وجعتني روحي محمد لا دورني ولا قالي اي شيء يفرحني استاحشت حوشنا لأني اول مرة نبعد💔 فتحت الشيشمة ومسحت المكياج كله كنت مدايرة روج أحمر قعد معبي الحوض وكيف بنطلع قعد خشمي يصب دم ويقطر تاريته من بكري يصب اني نحسابه روج
واني نرعش من الدم موووت قعدت نبكي وخديت كلينكس وحطيته ع خشمي وطلعت
محمد كان متكي ويتفرج ع فيلم اكشن لما شافني قعمز : خيرك حاطة يدك ع خشمك
اني : خشمي دم
محمد : من شني !! 😳
اني : مش عارفة هكي فجاءة
محمد وقف وجاني خداني من يدي : اتكي اهني لين يوقف الدم
اني : تمام
شفته لقيته قعمز ع السرير وفتح تلفونه .. قتلني الفضول وقلت اكيد يكلم فيها هيا
وبعدها قعمزت
محمد : ارقدي خيرلك
اني حولت الكلينكس من خشمي : خلاص وقف
محمد جاء عندي : به حولي من مكاني
اني : نبيه موقعه حلو
محمد : تي بنتفرج حولي
اني : باهي سكر فمك
اني نضت وهو قعمز وقعد غاطس في التلفون
قعدت نلعب بعيوني اهني واهني ونحاول نقرب نبي نعرف شن بيدير
محمد شاده ويشوفله : جمانة اقلبي وجهك
اني : خيرك ماندير في شيء
محمد حطلي التلفون قدام وجهي : هاه فاتح الفيس مانكلم في حد امشي اخطيني
اني عصبت : تي من مدورك انت
ومشيت للسرير قعمزت وقعدت ندير بالكريمة في رجليا وايديا ولفيت شعري كعكه وبخيت عطر
محمد شافلي وضحك : شن معزومة ع حلم مالا
اني : هاه😒
محمد : بترقدي ؟
اني : اي
محمد : تي كساد الهم
اني : تو تهدرز اعليك حبيبتك .. وغطيت وجهي بالغطاء وقعدت نضحك
محمد حط التلفون ع وذنه ودار روحه بيتكلم
اني طلعت عين وشفتله : حي هالحيوان ماصدق
محمد شاف جيهتي : 😏
غطيت وجهي بسرعه ودرت للجيهة التانية وقلبي يغلللي قريب نموت
محمد : نوضي نبصر اعليك
اني : لا عادي خود راحتك
محمد جاني ووقف جنب السرير
اني حسيته واقف غمضت عيوني بسرعه وشديت روحي
محمد : رقدتي يعني
اني هزيت راسي
محمد شاد ضحكته : عمري ماشفت حد راقد ويتبسم
اني فتحت عيوني وقعمزت : تي شن تبي خطاني ياراجل
محمد : كسدت
اني تربعت : تبي نقولك نكتة
محمد : قولي
اني نحط في شعري وراء وذني : به اسمع هادي
محمد انسجم معاي لين رن تلفونه في يده وكان رقم من غير اسم
شفتله لقيته يزمط في ريقه
اني : رد 😒
محمد : فوتيه وخلينا رايقين
اني فكيته منه ورديت ع الرقم وفتحت المايك
هالة : حبي اسمعني بالله ماتسكرش
اني شفت لي محمد بصدمة وتنكد جوي
محمد خدا التلفون و........يتبع>#نصيبي 💞 حلقة 17 💞
محمد خدا التلفون وفتحه من جيهة البطارية
اني : شن ادير
طلع منه الشفرة وكسرها ع زوز
اني انصدمت : علاش درت هكي
محمد : هكي نقدر نتريح ونريحك
اني فرحت وقعدت نبتسم قريب حضنته ع الموقف الي داره معقولة اختارني وفاتها
محمد حط التلفون ع الطاولة ورجع : هي وين النكتة
اني : اممم تبيها أضحك هلبة ولا شوية
محمد : تي هاتي وفكينا من اسئلتك الغبية
اني : باااه مرة فيه واحد خش لمحل لقي شخشير لحمي قاله بالله بكم عصير السيقان🌚😂😂😂
