#نصيبي 💞 حلقة 20 💞
ماكنتش مركزة معاه : عادي تقدر تقول من غير مقدمات شن طلعلي في التحليل
الدكتور : انتي معاكي ورم بصي لسه في اول مرحلة الحمدلله انك فقتي بيه دلوقتي .....
معاش نندري اعليه شن يقول 💔 اني فيا ورم ؟؟ كيف ومنين جاني كنت نسمع بيه سمع عمري ماتوقعت انه يجيني
الدكتور : ماتخافيش يابنتي المرض قعد في أوله جلسة جلستين نقضوا عليه خالص
اني : امتا اول جلسه
وقتها نزل عليا صبر من عند ربي وحطيت كل أملي فيه
الدكتور : هاخد رقم جوزك واكلمك ع اول جلسة ماشي
اني وقفت : لالا بالله عليك
الدكتور انخلع : مالك
اني : مانبيش حد يعرف وراس امك يادكتور
الدكتور ( حسن ) : طب ازاي هاتجي هنا
اني : وقتها ندبر راسي عادي
الدكتور : ماشي براحتك ربنا يشفيك في القريب العاجل
اني : تسلم
بالله شن رايكم ننفع في المصري ولا نريح روحي 🌚
ماعلينا
خديت التحاليل ودسيتهم في شنطي وغسلت وجهي بش مانبين شيئ لي محمد وكلمته
محمد : هاني قدام المستشفى سكري
اني : كملت تو نطلعلك
تلاقينا اني طالعه وهو خاش
محمد : شن صار
اني : ماتخافش بردة
محمد : تي هيا هكي البردة
اني : شن قصدك نكذب
محمد : بري اركبي تو نلحقك
اني : لا بنخش معاك
محمد : امشي ره نركبك بطريقتي
طلعت للسيارة لأني عارفاته متع عار يقيمني ماعنداش مشكلة قعدت نستنى في التاكسي
معقولة ماعنداش غير ع مرته مسيبها بروحها مع راجل 😾
.
.
الصراحة اول ماشفتها كان وجها أصفر ومرتبكة خوفتني قلت اكيد يطلع شيئ مرض هيا قالت بردة بس اني ماصدقتش خشيت نتأكد من الدكتور قالي نفس لكلام 😕 يلا حتى لو كذبتها المهم تأكدت واطمنت
.
اني : وين ماشيين توا
محمد : فيه سوق عربي مش عادي بنمشوا نشوفوه
اني : خليها غذوة بنمشي نرتاح توا
محمد انصدم وقعد يشوفلي : معقولة جمانة تبدل الطلعه بالحوش😧
اني ضحكت
محمد : لف يامعلم
خشينا الحوش وكانت ساعه 1:30 الظهر
محمد : ماوصفلكش الدكتور دواء
اني : لا قال ارجعي بعد مدة وخلاص
محمد : علاش مش ع أساس بردة بس
اني خشيت بعضي : اي ماه بيطمن ع حالتي انت عارف المصريين يحافظوا ع صحتهم ويفحصوا اول بااول مش زينا احني
محمد فتح تلفونه واتكه ع الصالون
اني : محمد
محمد فاتحه ويكلم فيا : شن تبي
اني : بنسئلك
محمد شافلي ونزل تلفونه : اسئلي
اني : من كاتب روايتنا
محمد : هبوش
اني : اما قروب
محمد ضحك : في الهواء ياربي
اني ضحكت : وع الفيس ؟؟
محمد : روايات الكاتبة هبوش تي علاش تسئلي به
اني : تمشيط الله وكيلك🌚
محمد : هبلة وربي
وبعدها ناض وقف وحط تلفونه في جيبه
اني : وين ماشي
محمد : بنجيب غذاء
اني : تو نطيب
محمد : مش ليك اصلا 😎
اني : حتى اني بنطيب ليا وبناكل
محمد : سم
اني : ع قلبك
هو طلع واني كسدت ع تلفوني فتحت الفايبر قلت نكلم امي وخواتي نطمن ع الأوضاع .. كيف خاشة تجيني رسالة من رقم بدون اسم كاتبلي " جمانة ردي "
اني " ايواا من معاي "
الرقم " مسرع نسيتيني يا حبي ونسيتي رقمي "
اني طول قلت اكيد وحدة من صحباتي تتبرد " بلا جو زايد من انتي تطلعي إلا مودة 😒 "
الرقم " والله إلا ولد ماني بنت "
رعشت مع بعضي قريب طيحت التلفون من يدي من هذا الي يعرف اسمي " مراد ؟ "
الرقم " لا "
اني " تي باهي مني "
الرقم " اني .......يتبع>#نصيبي 💞 حلقة 21 💞
اني " تي باهي مني "
الرقم " اني هاني "
