#نصيبي 💞 حلقة 13 💞
نزلنا نتجاروا احني وامي والصوت جاي من حوش جداي اول ماخشينا لقينا عمتي خولة في الصاله وقعدة ع ركابها😱 وتريش في شعرها اني قلت خلاص اكيد هذا محمد قعمزت ع الصالون ونرعش مع بعضي و رغد واقفة وجهة أصفر اصفررر🌕
عمتي خولة : رزوني فيك ياوليدي ينعلييي ياروحي وين مشيت وخليتني
امي تبكي : وحدي الله ياخولة عيب اعليك
عمتى خولة : ااااه يامراد ياغالي ياوليدي توا كنت تبصر وتضحك معانا
بيني وبينكم فرحت انه مش محمد🌚
قعدو دموعي ينزلوا لا اراديا وسرحت في عقلي لين سمعتهم عيطوا مع بعضهم😨 شفت ع اليمين نلقى رغد طايحة وهما يكلموا فيها : حييي اعليا رغد يارغد نوضي كلميني
شوي وخش محمد : علاش هذا كله توا الولد ماماتش مش عيب تفاولوا لا حول ولا قوة إلا بالله
عمتي نجاح : سمعتي ولدك شن قال ولا
عمتي خولة : ولدي يكذب ولدي يكذب عارفاته مات ومايبيش يقوللي
محمد عصب : نوضي نرفعك ليه هيا وتأكدي بروحك
اني قعدت نكلم في رغد : خيتي نوضي مراد قعد عايش
كوثر مشت جابت طاسه امية وقعدنا نرشوا اعليها💦💦
رغد : مراد وين نبي مراد ياويلهم من ربي
اني سندتها : مراد عايش اقسم بالله عايش نوضي هيا نمشوله
رغد قعدت تشوفلي وساكتة وكوثر ناضت جابت 3 عبايات ليا اني و رغد وعمتي خولة وطلعنا
محمد شدني ع جنب : فاش جت مشيتكم
اني : مراد لازم يشوف رغد وحتى رغد مش حاتهدا بكل تحسابنا نكذبوا اعليها
محمد : يعني مراد ورغد ؟؟؟
اني هزيت راسي بمعنى اي
محمد فتح الباب وركب امه : هيا اركبوا بسرعة
ومشينا
رغد : تكذبي اعليا صح 😢
اني : تو تشوفي بعيونك كان مش مصدقتيني
رغد تمسح في دموعها : الحمد لله
عمتي خولة تبكي بصوت واطي
محمد يسوق ويشوفلها : يماا خلاص به
عمتي خولة : هاني سكتت
وصلنا قدام المستشفى ونزلنا لقيناها معبية جرحى ويدين مقطعة ورجلين واني من طبعي لو شفت الدم خلاص تصير فيا حالة والمنظر هذا بالذات مستحيل ننساه خشيت نجري للحمام وقعدت نرجع
محمد قعد يكلم في الاستعلامات وبعدها قعد يدور فيا
اني دورتهم لين لقيتهم
محمد : وين كنتي انتي 😑
اني : محمد خودني من اهني بالله اعليك
محمد : مش قتلك ماتجيش
قعدت نبكي ونمسح في دموعي
محمد قرب مني : اسس معاش تبكي خيرك
اني : وين حاطين مراد
رغد عيونها حمر تشبحلنا وساكتة جايتها زي الصدمة
مشينا واحني نتبعوا في محمد
عمتي خولة : اهني قعد ولا شني
محمد : اي
عمتي مشت بتفتح الباب شدها محمد : قعد تحت العمليات توا بعدين يطلعوه ونشوفوه 💔
عمتي خولة قعدت تبكي بالصوت وقالبة الدنيا : ياعمري لحرف ياحليلي ني كيف ندير يرزيني فيهم كيف مارزوني في وليدي
محمد : تي قلنالك في العمليات عاييش عايش ساد من لبكاء الزفت
اني رفعت محمد من يده وقعمزته ع الكرسي : امك قعدة في صدمة ماتلومهاش خليك اهني ارتاح تو نواسيها
محمد : اني نبيها تصبر وتصبرنا معاها حاجة اهني خانقتني ياجمانة ومانقدرش نتكلم ... واشر ع رقبته
اني قعدت في دوامة لا عرفت نقعد مع محمد 💔 لا مع رغد لا مع عمتي خولة
قعدنا في الممر في حدود 4 ساعات اني كنت مقعمزة جنب محمد وشادة يده ورافعني النوم
محمد : جمانة نوضي
اني نضت ومسحت ع عيوني : اسفة رفعني النوم
محمد : تو ترقدي الداخل اهني رقبتك توجعك
شوي ونشوفوا الباب انفتح كله وطلع منه سرير وبعدين بان مراد قعدنا نلحقوا فيهم
محمد : طمني كيف حاله توا
وخشوا بيه لغرفة تانية قعدنا شوية وخشيناله
اني شديت عمتي و رغد : بالله شدو رواحكم ماتبكوش مراد حاله مستقر ومش كويس ليه الدوشة
قعدنا معاه لليل وهذا كله في غيبوبة ماناضش عمتي خولة روح بيها محمد وقلنلها ارتاحي وروحي للناس الي جاية ع خاطرك تو اول ماينوض نجيبوك
اني : رغد نوضي ارتاحي
رغد : راحتي اهني اني
اني ابتسمت : لهدرجة تحبيه
رغد مسحت دموعها : واكثر
اني : علاش لما نسئلوك تنكري وتتهربي
رغد : لأن مش متأكدة من حبه ليا ومانبيش نوهم روحي
شوي وفتح الباب وكان محمد
اني بصوت واطي : جيت
محمد : اي هي تنوضوا نروح بيكم
رغد : اني لا
محمد شافلي : باه نوضي جمانة هيا
اني : وانت ؟
محمد : بنحطك ونرجعه
اني : لا بنقعد
محمد عطاني نظرة وطلع للبلكونة وطول ماخشش
نضت لحقته لقيته يدخن وجنبه قريب 4 طروف طرف وراء طرف
محمد يشوف لقدام : بري خشي
اني قربت منه وقعدت نشوف للبحر : احكيلي شن مضايقك
محمد حط راسه ع لحديدة وقعد يبكي
اني : محمد 😨
بعدها قمتله راسه و........يتبع>
شنرايكم انزل حلقه14 ف ليل😍😘
