#نصيبي 💞 حلقة 27 💞
محمد ضحك وجي وراي وضمني عطره خنقني قعدت نكح
محمد : وين بتهربي مني وين
اني ضحكت وغمضت عيوني : مالا خلي تنحرق مكرونتك
محمد : تنحرق تنحرق المهم مافيش هروب
اني : تي حول الطنجرة نشفت
محمد : خيرك جافة بكل الزفت
اني شادة ضحكتي : شن تبي به
محمد : نبيك انتي
اني سكرت عيوني من جديد وفي خاطري : يارب مش حلم يارب مش حلم
محمد : لا ماهوش حلم🌚
اني انخلعت : وانت شن عرفك
محمد بعد مني : بري لطنجرتك
اني توترت بكل نسيت حتى شن نحط فيها 🐸
محمد : حطي بصل بعدين طماطم
اني انصدمت وفي خاطري : جن هذا
محمد : أعوذ بالله
اني : 😨
مستحيل تكون طبيعية هادي كيف قدرت تقلبني هكي وتقلب طبعي ماكنتش نتوقع انه قلبي يدق لي اي بنت حتى هالة ربي يسامحني كنت نفوت بيها وخلاص شهادة لله حاولت نحبها بس ماهيش نصيبي .. جمانة بنت بريئة بمعنى الكلمة وديما جوها حلو اني لا توا مستغرب كيف جوها هكي وعندها مرض زي هذا عندها صبر وتحمل وايمان بربي مش طبيعي الحمد لله الي ربي كتبلي نصيب فيها ❤
حطيتها ع النار لين اذن الفجر طبعا في مصر يأذن 3 قبلنا احني في ليبيا
توضيت اني ومحمد وصلى بيا وفي كل سجدة نسجدها نقعد ندعي ربي يقويني اكثر ويشفيني ويخليلي محمد 💕 كنت نعطل في السجود ونستنى في محمد امتا ينوض بس كان يعطل اكثر مني زعما شن يدعي ؟؟؟
كملنا صلاة وطلعت رميت المكرونة وجبتها
محمد ناض يغسل يديه وجي : وين المشروب
اني : نسيته
محمد : في الثلاجة ولا تو نجيبه
شوي وجي
اني : هيا قعمز وصبلي
محمد : فيها شوية الشيشة مش لازم تشاركيني
وقفت كاشيكي وشفتله : ماتقعدش اناني ره والله ناخد الصونية ونمشي
محمد شرب من فمه طول : به هاتي طاستك
اني : بعد حطيتها في فمك يييع معاش نبي
محمد : احسن😒
اني : محمد (teary)
محمد ياكل وينفخ جت حارة بكل : هاا
اني : شن رايك فيها
محمد : يعني حارة
اني : انت هكي تبي
بعدها خدي غطاه وطلع يتفرج فالصالة لأني قتله بنرقد ... حطيت راسي ع لمخدة وقعدت نضحك لا اراديا ونتذكر في كل لحظة معاه 😍 كان احلى يوم بالنسبة ليا ❤ حايقعد في ذاكرتي لين نموت
.
.
تاني يوم طلعنا نتمشوا ع لبحر ومافيش احداث جديدة زي كل يوم ضحك وبصارة ولعب ومرة مرة يحذفلي كلمة نقعد في حالة😂
يوم لخميس
طلع محمد وكان آخر يوم ينظم للمشروع وبيسلمه واني قعدت نحاول ع رغد لين ردت
اني : رغد كيف حالك
رغد : تمام
اني : وين انتي
رغد : عند لكوافيرة
اني : كملتي ولا
رغد : أي اصبري نفتحلك فيديو
فتحاته قعدت مركزة فيها كأنها مش هيا تجننن صح كان غامق شوية لكن ماشي معاها مابعدك يامراد وخلاص
رغد : هاا انفتحت عندك ؟
لين خش محمد لقاني نكلم فيها
محمد : وريني ترا
اني : امشي غادي عيب
رغد : شني
اني : رووعة بصراحة عيبه غامق بس
رغد : اني نحب الغامق عكسك ومع هذا توقعتك تطلعي احلى مش حلو ظلك 😌
محمد ضحك ضحكة شماتة
اني : ياحيوانة باهي به
رغد : إن شاء الله هذا محمد الي يضحك نحسابه مهناش سكري الكاميرا سكري
اني شفتله لقيته يوزعلي في البسمات : كيف جي
رغد : ياريتك حضرتي وفرحتيلي😞
اني عيوني دمعوا : مكتوب شن بندير
رغد : وتو بنسافر مطولة باش نشوفك😢
اني قعدت نبكي : خلاص به 💔
محمد ضمني عنده : اسسس علاش لبكاء توا
اني : نبي نرووح
محمد : تو نروحوا
اني مسحت دموعي : امتا
محمد : قريب إن شاء الله
شفت لي تلفوني لقيته مفصول من رغد لوحته وزدت نبكي
محمد : خلاص قلنا
اني : غذوة جلستي التانية
محمد ضغط اعليا : عرفتك من الأول علاش تبكي
اني : مانيش خايفة الأعمار بيد الله
محمد عيونه دمعوا : عارف بس خايف تسيبيني
اني : نموت ولا نسيبك
محمد يضحك ودموعه ينزلوا : كيف تموتي ولا تسيبيني كيف جت هادي معناها سيبتيني هكي
اني ضحكت : خليني نخرط
محمد : هي نوضي جهزي روحك واني معاك
اني ابتسمت : هيا ... ومسكت يده ومشينا للدار
محمد : خيرك تشوفيلي هكي
اني : اسفة ع كل شيء 😭 تو نعوضك كان ربي كتبلي عمر جديد
محمد : شن لكلام هذا .. لو كنت بدالك حاتسيبيني ؟
اني : بعيد السوء اعليك
محمد : جاوبي
اني : مستحيل
محمد : خلاص معناها حتى اني مانيش مسيبك مدامني قعد نتنفس مش حانقدر نرتاح لين نشوفك زي الأول وأحسن
