نصيبي❤ حلقة 8
محمد فتح عيونه : تحكي جديات انت
عمي : تكلم كويس
محمد قريب يبكي : تي مش ع اساس وافقتوا قدام جدي بس ولما سافرت نسيتوا الموضوع
عمي : والله جدك عاطينا قلة السماح القصة مش بيدينا
محمد حط يديه وراء راسه وقعمز : تو شن ندير في عمري اني
منذر قعد يشوفله ويضحك
عمي : تو نزيد اناقش الموضوع مع عمك ونحددو حتى لو ماتبيهاش بعدين طلقها وتو نفهم عمك
وخش لداره
مراد : الله يسامحك ياجدي😂
محمد : مرااااد
مراد : هاا
محمد شافله : أقلب وجهك
مراد : تي ماتبيهاش نفذ وصيتك وطلقها زواج ع الورق وخود حريتك علاش مكبر الموضوع
محمد : ساهلة هيا ماه نلعب بي بنت الناس
مراد : خلاص ارضى بنصيبك
محمد : تقول واخد صاحبي الزفت
مراد : هههه حي اعليك كان تسمعك
محمد وقف وخش لداره : لا حول ولا قوة إلا بالله
اني قعدت ماسكة تلفوني ونستنى فيه امتا يبعث رسالة بس مابعتش سكرت التلفون ورقدت
محمد طربق باب داره وخش خدي التلفون وحطني في الحظر وولع دخانه
تاني يوم كنت نحلم وراقدة في سلام نتبسم تقول شهيدة
رغد تجري يمين ويسار : وووه اعليا فار فار فار
طبعا اني جت في وذني العيطة بس نوضت مخلوعة : تي من مااات
نحسابها جداي🌚 بعيد السوء اعليها
شفت يمين تجيني خبطة بالمكنسة ع وجهي لين صارلي اغماء
كوثر : تي نوضي تحت السرير
اني : من هو
كوثر : الفار
اني : هو فار قصدك ؟ به هاتي عصا المكنسة
كوثر مدتهالي
ضربتها بيها بس ماصارلهاش اغماء🌚 : تو هذا كله ع فار
طبعا الفار اختفاء احساسي انه في دولابي المهم خشيت توضيت وصليت وطلعت للكوجينة
امي : قعمزي افطري
اني : مانبيش
امي : بتنزلي لوطة توا
اني : علاش تبي حاجة
امي : منيرة قالت ابعتيهالي لما تنوض وهاكي نزلي الصونية هادي لجداك
اني : به شوية نلبس
لبست بشت مفتوح ووشاح لأني لابسة توتة شورت وطلعت
لقيت محمد كيف نازل مع الدروج
اني : صباح الخير
محمد شافلي وكمل طريقه نزل بسرعة من الدروج
اني وجعتني الحركة زمطتها وسكتت لأني عارفة الجو إلي صار أمس مش حايدوم
طقيت ع حوش عمي حمزة
اني : صباح الخير عمو
عمي : صباح النور جوجو
اني : منيرة وين
عمي : شن تبيها
اني : نبيها😒
عمي : هيا ماتبيكش
اني : عمممي
عمي ضحك : نبصر خشي
اني خشيت وهو طلع
سلمت ع منيرة وخشيت وراها للكوجينة كانت تبيني نديرلها وجها ونساعدها في المكياج لأن عندي خبرة فيه وهيا بتمشي لحوش اهلها اول مرة
منيرة حطتلي بريوش وقهوة
اني : علاش متعبة روحك والله ماناكل في الصبح
منيرة : تاكلي توا بعد درته
خديت شوي منه وفتحت تلفوني مش عارفة علاش حطيت ع رقم محمد طول لقيته ماباعت شيء قعدت نخش ونطلع لين ضغطت اتصال بالغلط : ووووه
منيرة : خيرك
اني : شيء ... اكتشفت انه مارنش بكل فرحت بعدها ركزت علاش مايبيش ؟؟ عاودت تاني نفس الشيء مايبيش بعتله رسالة تجريبية مابتش توصل😧 : تي خير امه هذا
منيرة : من هو
اني شفتلها : محمد
منيرة : ولد عمك
اني : اي
منيرة : خيره معاك
اني : تي عنده انفصام في الشخصية امس يضحك ويبصر معاي ورفعني حتى للوادي اليوم شن جاه دارلي حظر
منيرة ضحكت : اكيد بالغلط
اني : حتى واني نازلة كلمته شافلي ماباش يرد
منيرة : معقولة ؟ خيره زعما
اني : ولد الكلب
منيرة : عيب عمك 😂
اني : حشى عمي
هي نوضي نبدالك عطلتك معاي
