مكانك في قلبي بقلم الكاتبه زينب علي

الحلقه الاولي من نوفيلا مكانك في قلبي بقلم الكاتبه /زينب علي

البارت الاول من نوفيلا مكانك في قلبي
بقلمي الكاتبه/زينب علي

ان ابغض الحلال عند الله الطلاق
نظرت له بعين تحتلها الدموع بينما اردف هو بنظره احتلتها القسوه قائلاً:يلا يا عم الشيخ احنا متفقين علي كل حاجه ........

يقف في الشرفه يحتثي القهوه بهدوء زفر بعمق فقد مرت سنه كامله ولكنه لم ينساها قلبه ولو ثانيه واحده، مكانها محفور بقلبه وللان لم يردم،
زفر بضيق وهو يستمع لصراخها باسمه من الخارج، فقد كره حياته لاجلها، تلك التي اجبرته والدته علي الزواج منها كما اجبرته بطلاق محبوبته؛ بحجه انها لم تنجب بعد؛ فقد كان زواجهم لم يتعدي السنه ولكن
"الزن علي الودان امر من السحر"
اقتحمت الغرفه وهي تصرخ بغصب

_بقالي ساعه بنادي عليك يا حمزه
حمزه بضيق:عايزه ايه يا الاء
الاء بغضب:ايه الي عايزه ايه يا الاء انت زودتها وانا زهقت
حمزه بغضب:والله زهقتي الباب يفوت جمل
الاء وهي تضع كف يداها علي صدرها ترطمه بعنف:انت بتطردني يا حمزه

توجه حمزه لخزانه ملابسه يخرجهم منها بعجله وقام بارتدائهم في عجله اكبر قائلا
حمزه:لا يا الاء انا الي همشي
ليخرج وهو يغلق ازرار قميصه صافعاً الباب خلفه

دفع الباب بقدمه وهو يدلف للداخل حاملها بين زراعيه كما الاطفال؛ليغلقه بقدمه الاخري وهو يخطي بها للداخل

بمرح تحدث:هتموتي يا سوسو
اخفضت رأسها بخجل قائلة:استاذ حمزه بقا
قهقه هاتفاً:استاذ ايه بس يا دودو يا حبيببتي انتي بقيتي مراتي
ضحكت برقه:ما انا لسه متعودتش انادي عليك من غير استاذ
ركض بها تجاه غرفتهم قائلاً:ماشي يحبيببتي نتكلم في الموضوع ده بعدين علشان عايزك في موضوع اهم
ملأ المكان بضحكاتهم وهم يغلقون بابهم ليبدؤ صفحه جديده كل منهم يثبت للاخر انه اصبح ملكاً له.

مسحت دمعتها التى تمردت وانسابت علي وجنتها وكأنها تخبرها ان كل ذلك اصبح مجرد زكريات فقط ولم يبقا الان سوا تلك الواقع الأليم فقد كان استاذها وكان حديث التخرج ساعدها كثيرا الي ان اجتازت الثانويه العامه بمتياز فوجدته يعترف لها بحبه ويتقدم لخطبتها.

طرق باب غرفتها لتجفف دموعها سامحه للطارق بالدخول
دلفت والدتها وهي تتقدم منها بحنو قائله:هتفضلي كده لحد امتا يا هدي

فالفتره التي مرت ليست بوجيزه انها سنه كامله؛

هدي ببتسامه: مالي يست الكل ما انا كويسه اهو
نفت والدتها حديثها حين اقتربت الي جانبها:لا يا هدي مش كويسه بس يلا مش عايزه افتح في القديم لتكمل بنبره احتلتها الحنان وسيطرت عليها غريزه الامومه:قومي يلا اغسلي وشك واطلعي اتغدي مع اخوكي
اردفت هدي:حاضر يا ماما

تركتها امها وخرجت لتقابل اخاها الغاضب الذي كان علي وشك الدلوف لها امسكته من يده وسحبته معها بعيداً عن غرفه هدي

الام:رايح فين يا مازن
مازن بغضب:رايح اتكلم مع هدي يا ماما عجبك حالتها دي محسساني انها اول واحده تطلق في العالم
الام بنبره اشبه للبكاء:يبني اختك اتكسرت في سن صغير ومش سهل عليها تنسي بالسرعه دي
مازن:طب ما هو نسي واتجوز ومش فارق معاه هي بقا رافضه كل العرسان ليه  عمرو عمرو صحبي بزمتك ده يترفض
الام:اصبر يبني عليها واهي اتخرجت وتعينت مدرسه قد الدنيا وقريب المدرسه تفتح وتخرج وتختلط بالناس تاني وهتنسي وقلبها هيتفتح تاني صدقني

لتربت علي ظهره بحنان وكأنها تمتص غضبه:يلا يا حبيبي ادخل اغسل ايدك وانا هحضرلك الاكل

خرجت من غرفتها بهدوء لتجلس معهم علي مائده الطعام قائله:ازيك يا مازن
ابتسم لها برغم غضبه منها ولكن قلبه لا يطاوعه علي كسر خاطرها ليردف:بخير بيكي يا هدي
هدي ببتسامه:يا رب دايما يا حبيبي
مازن وهو يتناول طعامه:اعملي حسابك بعد الاكل هننزل نشتريلك شويه هدوم علشان شغلك الجديد
ربتت الام علي ظهره بحنان كأسمها:ربنا يخليك لينا يا حبيببي وافرح بيك قريب قادر يا كريم
هدي بهدوء:ملوش لازوم يا مازن انا.......قاطعها
مازن:مفيش عذر الصراحه كنت محتار اجبلك ايه بمناسبه تعينك ملقتش احسن من كده
حنان:خلاص بقا يا هدي متكسفيش اخوكي
هدي بهدوء كأسمها:ماشي.