مكانك في قلبي بقلم الكاتبه زينب علي

الخاتمه من نوفيلا مكانك في قلبي بقلمي الكاتبه/زينب علي

الخاتمه من نوفيلا مكانك في قلبي
بقلم الكاتبه/ زينب علي

طرقت الباب بخجل كبير وهي تدفع الباب برفق حتي ظهرت من خلفه؛ رفع عيناه إليها ليجدها تقف تضم كتباها الي صدرها وكأنها تحتمي به من فرط الخجل؛ وفستانها الفضفاض الذي زادها حشمه وجمال طاهر.............

ابتسم قائلاً: أدخلي
خطت للداخل وهي تقول: أستاذ حمزه في سؤال من الي حلتهم معانا انا مفهمتوش اوووي
أبتسم حمزه: اقعدي يا هدي
جلست بارتباك وهي تمد يداها بكتباها مشيره علي السؤال
ابتسم وهو يلتقطه منها قائلاً: غريب يا هدي مع إن ده اسهل سؤال
هدي بهدوء: بس مفهمتوش
حمزه وابتسم بود: انتي من الطلبه الشطرين جداً انا لسه متخرج السنه الي فاتت ولسه خبرتي جديده واقدر اعرف الطالب الي بيذاكر والي لا
بس يا هدي السؤال السهل ده انتي اهملتيه علشان كده معرفتهوش ومع كده حليتي الاصعب منو علشان ذاكرتيه كويس باختصار يا هدي التفاصيل مهمه والحاجات الرفيعه مهمه من غيرهم اي حاجه تبوظ لانهم في النهايه جزء من الحاجه الي قدامك فهمتي
أومأت له بهدوء
حمزه بترحاب: هاتي السؤال بقا

عوده للوقت الحالي.........

مر أكثر من اسبوعين علي تلك الحادث الأليم لكل منهم.......

أجلسته بهدوء علي علي الفراش دثرته جيداً وكانت لتهم بالخروج لولا يده التي جذبتها جلست أمامه لترفع عيناها والتي قابلت عيناه مباشرتاً.........

حمزه بهدوء: مش كفايه كده يا هدي
هدي بصمود: كفايه ايه
حمزه: كفايه تجاهل يا هدي كفايه
هدي ولمعت الدموع بعيناها: بس انا مش متجهلاك يا حمزه
حمزه مد يده يجذبها إليه أكثر حتي أصبحت أمامه مباشرتاً أسند برأسه علي صدرها بأنفاسه اللاهثه........

حمزه: كفايه بقا يا هدي كفايه احنا اتعذبنا من حقنا نعيش يا هدي من حقنا يا هدي كفايه
بكت بنحيب وهي تضم رأسه الموضوعه علي صدرها لتقول: مش قادره يا حمزه خايفه خايفه تسبني تاني علشان كده بحاول منكنش مع بعض يا حمزه مش عايزه ذكريات تعذبنا يا حمزه

رفع رأسه وهو يجذب وجهه بين يده: انا بحبك يا هدي وحبي ليكي عذبني أكتر بس خلاص يا هدي تعالي نمحي الماضي من حياتنا تعالي نعتبر ان ده محصلش قولي انك مسمحاني يا هدي ونبدأ من جديد
هدي وأمسكت بيده التي تمسك بوجهه: مش هقدر يا حمزه سيبها للأيام الي عملتو فيا يا حمزه مستحيل انساه بالسهوله دي
حمزه وهو يسحبها معه: هنسهولك يا هدي هنسهولك
ليذهبان معاً في عالم خاص بحبهم عالم وضع هو به قوانين خاصه خضعت لها دون مقاومه منها؛ عالم مليء بالشوق الجارف ها هو معذب قلبها يضيف معانيه الخاصه الي قاموس عشقها حتي تغفل عن الماضي الأليم ولكن عفواً هل لقلب مجروح أن ينسي ما جرحه حتي وإذا التئم الجرح...........

كفايه يا ماما لو سمحتي
تشدقت خديجه بتلك الكلمه وهي تهم بالخروج من المنزل
أحلام:وماله تيم يا خديجه ابن خالتك ودارس بره وشغله بره ومناسب وبعدين الراجل كلمني بس قلي مش هياخد ولا موافقه ولا رفض غير لما يتكلم معاكي
خديجه بنفي:لا يا ماما روحي قوليلو لا تمام
احلام بغضب:اوعي يبت تكوني لسه بتحبي اخو المخفيه مرات اخوكي
خديجه وزفرت بضيق:لا يا ماما ارتاحي مبقتش بحب حد وعن اذنك اتأخرت علي الشغل