صباح الخير يحلوين.
تجاهلوا الأخطاء واستمتعوا.
-
دخل الغرفه وشافه متكور ع نفسه و واضح انه نايم .. قرب منه وحط البطانيه عليه عشان م يبرد.
انسدح جنبه وعيونه لازالت عليه .. رفع يده ودفن اصابعه بشعره وبدأ يحركه بشويش.
همس آسر : اسف حبيبي.
باس راسه وشده له وغمض عشان ينام هو الثاني بعد م تعب راسه من التفكير.
اليوم الثاني الساعه 6:20 الصباح.
طلع من الحمام ولبس بنطلون اسود رياضي وبلوفر شبهّ خفيف أزرق .. نفشّ شعره وتركه مبعثر ع وجهه وأخذ عطره المفضل وتروش فيه.
لبس ساعته اللي كانت هديته من آسر بعيد ميلاده وطالع بنفسه بالمرايه وابتسم بأتمّ الرضى ع شكله.
دخل الغرفه وابتسم لما شافّ ابتسامته .. قرب منه وحضنه من ورا.
باس آسر كتفه : متضايق مني حبيبي؟.
ابتسم جاد وألتفت له وحاوط خصره : تتوقع يرضيني قلبي ابقى متضايق منك؟.
تأمله آسر وهمهم : لا بس م ابي تفكر باللي صار امس و..
قاطعه جاد : ماني متضايق ولا افكر باللي صار امس وهو اصلا صار وانتهى احنا الحين بيوم جديد 'همس' يبه.
غصب آسر نفسه يبتسم : اي .. يالله خلينا نطلع عشان نفطر.
حرك جاد راسه : جوعان انا.
مسكه آسر ومشوا لبرا : الحين كلنا نفطر وتملي بطنك.
ابتسم كيان لما شافهم : صباح الخير.
آسر : صباح النور.
جلس جاد ع الكنبه : صراحه يبه؟
رد آسر وهو مشغول مع ريان وعبدالله بتجهيز الطاوله للفطور : ايش؟
جاد : طفش هنا .. يعني سباحه معرف اسبح وكله اشرب من ماي البحر بطني بيخترب منه وكمان يعني ياخ انتو جوكم مب جو حلو ومتابعه ورعب وحركات وكذا.
ريان : شتبينا نسوي لك يعني؟.
ابتسم جاد وعدل جلسته : يعني مثلا نطلع كلنا العصر ونروح مدينة الألعاب.
ضحك آسر : رجعنا لسيرة مدينة الألعاب!.
جاد : اايي .. تكفون خلونا نروح نلعب ياخي طقت جبدي.
أنت تقرأ
مشَاعر | BxB.
Romanceرُغم خطَايا الحُب , لَمْ أتوقف عن حبك. - تحّذير ⚠️ ؛ علاقةّ مُحرمة. عاميهّ. مثّليين 18+.
