#شمس الاقدار

البارت 12

#شمس الاقدار

البارت الاخيييييير

.... 

ﺍﺟﻴﺖ ﻣﻦ ﺍﻟﺪﻭﺍﻡ ﺗﻌﺒﺎﻧﻪ ﻭﺻﻌﺪﺕ ﺍﻟﻐﺮﻓﺘﻲ ﻭﻟﮕﻴﺖ ﺍﻣﻴﺮ ﻧﺎﻳﻢ ﻭﺑﺼﻔﻪ ﻋﺎﺩﻝ ﻭﻣﻨﻰ ﮔﺎﻋﺪﻩ ﺗﺒﻮﺱ ﺑﺲ ﻭﻫﻮ ﺩﺍﺭ ﻭﺟﻬﻪ ﻭﻫﻮ ﻣﻐﻤﺾ ﻭﺣﻀﻨﻬﻪ .. ﺍﻧﻲ ﺗﺨﺒﻠﺖ ﺩﻣﻲ ﻧﺸﻒ ..

ﻋﻴﻄﺖ ﺑﺼﻮﺕ ﻋﺎﻟﻲ .. ﺍﻣﻴﺮ ﻫﻮ ﻃﻔﺮ ﻭﺟﻬﻪ ﺍﺻﻔﺮ ﻭﻳﺒﺎﻭﻉ ﺍﻟﻤﻨﻰ ﻭﻳﺒﺎﻭﻋﻠﻲ ..

ﺍﻧﻲ ﺟﺮﻳﺖ ﺍﺑﻨﻲ ﻭﻃﻠﻌﺖ ﺣﺘﻰ ﻣﻦ ﻏﻴﺮ ﻣﺎﺍﺧﺬ ﺷﻲ ﻭﻳﺎﻱ . ﺍﻣﻴﺮ ﻃﻠﻊ ﻭﺭﺍﻳﻪ ﻳﺮﻛﺾ ﻭﻳﮕﻠﻲ ﺍﻧﺘﻀﺮﻱ ﺍﻧﺘﻲ ﻓﺎﻫﻤﻪ ﻏﻠﻂ ﺍﻧﻲ ﻣﺎﺳﻤﻌﺘﻪ ﺑﺲ ﺍﻟﻤﻨﻀﺮ ﮔﺒﺎﻟﻲ ﻭﺩﻣﻮﻋﻲ ﺗﺠﺮﻱ .. ﻫﻮ ﺑﺎﻗﻲ ﺑﺎﻟﻔﺎﻧﻴﻼ ﺣﺲ ﻉ ﺭﻭﺣﻪ ﺭﺟﻊ ﻟﻠﺒﻴﺖ ﻳﻠﺒﺲ ﺷﻲ ﺍﻧﻲ ﺻﻌﺪﺕ ﺗﻜﺴﻲ ﻭﻣﺸﻴﺖ #.. ﺷﻤﺲ

ﺩﺧﻠﺖ ﺍﻻﻫﻠﻲ ﺍﺑﺠﻲ ﻭﺑﺎﺑﺎ ﻳﺮﻳﺪ ﻳﻔﻬﻢ ﻛﻮﻟﺸﻲ ﻣﺎﺳﻮﻟﻔﺘﻠﻬﻢ ﻭﺭﻩ ﺷﻮﻳﻪ ﺍﺟﻪ ﺍﻣﻴﺮ ﻗﻔﻠﺖ ﺍﻟﺒﺎﺏ ﻭﻣﺎﻃﻠﻌﺘﻠﻪ ﻭﻫﻮ ﻳﺘﻮﺳﻞ ﻭﻳﺮﻳﺪ ﻳﺤﺠﻲ ﻭﺍﻧﻲ ﻣﺎﺍﻃﻠﻌﻠﻪ ﺗﺎﻟﻲ .. ﻣﻦ ﻭﺭﻯ ﺍﻟﺒﺎﺏ ﻣﺎﻝ ﻏﺮﻓﻪ ﻳﺤﺠﻲ ..

ﻭﺍﻟﻠﻪ ﺍﻧﺘﻲ ﻓﺎﻫﻤﻪ ﻏﻠﻂ ﺍﻧﻲ ﺍﺧﻮﻧﺞ ﻣﺴﺘﺤﻴﻞ .. ﻋﺒﺎﻟﻲ ﺍﻧﺘﻲ ﺍﺟﻴﺘﻲ ﻭﺣﻀﻨﺘﻴﻨﻲ ﻭﺍﻧﻲ ﻧﺎﻳﻢ ﺣﻀﻨﺘﻬﺎ ﻭﺍﻧﻲ ﻣﻐﻤﺾ ﻋﺒﺎﻟﻲ ﺍﻧﺘﻲ .. ﻭﺍﻟﻠﻪ ﻣﺎﺍﺩﺭﻱ ﻭﻳﺘﻮﺳﻞ ..

ﺍﻧﻲ ﮔﺘﻠﻪ ﺭﻭﺡ ﺍﻣﻴﺮ ﻣﻨﺎ ﺧﻠﻴﻨﻲ ﺍﺭﺗﺎﺡ ﻋﻨﺪ ﺍﻫﻠﻲ ﻳﺎﻣﺎ ﺣﺬﺭﺗﻚ ﻭﻣﺎﻗﻨﻌﺖ .. ﻭﻫﺎﻱ ﺍﻟﻨﺘﻴﺠﻪ ﺍﺣﺴﺐ ﺣﺴﺎﺑﻚ ﻣﺎﺍﺭﺟﻊ ﺍﻻ ﺑﺸﺮﻭﻃﻲ .

ﻃﻠﻊ ﺍﻣﻴﺮ ﻭﺍﻧﻲ ﺑﻘﻴﺖ ﺍﺑﺠﻲ ﻭﻣﺘﻨﺪﻣﻪ ﻻﻥ ﻋﻔﺘﻪ ﻳﻄﻠﻊ ﺍﺩﺭﻱ ﺑﻲ ﻣﻴﺴﻮﻳﻬﺎ ﺑﺲ ﺭﺩﺕ ﺍﺧﻠﻲ ﺣﺪ ﻟﻠﻲ ﺩﻳﺼﻴﺮ ﺑﻌﺪ ﻣﺎﺍﺗﺤﻤﻞ ﺍﻟﻐﻴﺮﻩ ﻣﻮﺗﺘﻨﻲ ..

ﺍﺗﺼﻠﺖ ﻋﻤﺘﻲ ﺗﺘﻮﺳﻞ ﺍﺭﺟﻊ ﻭﺧﻄﻴﻪ ﻫﻲ ﺗﻌﺒﺎﻧﻪ ﺣﺎﻟﺘﻬﺎ ﺗﺘﺪﻫﻮﺭ .. ﻭﮔﻠﺘﻠﻬﺎ ﻋﻤﻪ ﺧﻠﻴﻨﻲ ﻛﻢ ﻳﻮﻡ ﺍﺭﺗﺎﺡ ﻭﺍﺭﺟﻊ .

ﺑﺲ ﻫﻲ ﻣﻦ ﻏﻠﻘﺖ ﺍﻟﻤﻮﺑﺎﻳﻞ ﻣﻨﻲ ﺭﺍﻳﺤﻪ ﻣﺘﻌﺎﺭﻛﻪ ﻭﻱ ﺟﻨﺎﻥ ﻭﻣﺘﺨﺮﺑﻄﻪ ..

ﻟﻠﻴﻞ ﺍﺗﺼﻞ ﺍﻣﻴﺮ .. ﻣﺎﺭﺩﻳﺖ ﺑﻘﻰ ﻳﻠﺢ ﺗﺎﻟﻲ ﺩﺯﻟﻲ ﺭﺳﺎﻟﻪ

ﺍﺳﻰ ﺍﻧﻲ ﻣﺤﺘﺎﺟﺞ ﺣﻴﻞ ﻣﺎﺑﻘﺎﻟﻲ ﺍﺣﺪ ﺑﺲ ﺍﻧﺘﻲ ..

ﻗﻠﻘﺖ ﻣﻦ ﺍﻟﺮﺳﺎﻟﻪ ﺍﺗﺼﻠﺖ ﻋﻠﻴﻪ ﻟﮕﻴﺘﻪ ﻳﺒﺠﻲ ﻭﻳﻨﺤﺐ ﻭﻳﮕﻮﻟﻲ ﺍﻣﻲ ﺭﺍﺣﺖ . ﺍﺳﻰ ﻟﺘﻌﻮﻓﻴﻨﻲ ﻣﺤﺘﺎﺟﺞ

ﺍﻧﻲ ﻃﮕﻴﺖ ﻣﻦ ﺍﻟﺒﺠﻲ ﻭﺟﻬﺰﺕ ﻋﺪﻭﻟﻲ ﻭﮔﻠﺖ ﺍﻟﺒﺎﺑﺎ ﻭﺭﺣﻤﻪ ﻫﻢ ﺭﺍﺣﺖ ﻭﻳﺎﻧﺎ ﻭﺻﻠﺖ ﻟﮕﻴﺘﻪ ﺭﺍﺟﻊ ﻟﻠﺒﻴﺖ ﻳﺎﺧﺬ ﺟﻨﺴﻴﺘﻬﺎ ﺍﻟﻌﻤﺘﻲ ﺣﻀﻨﺘﻪ ﻭﺣﻀﻨﻲ ﻭﺑﻘﻴﻨﺎ ﻧﺒﺠﻲ ﻛﻨﺖ ﺍﺣﺒﻬﺎ ﻫﻮﺍﻳﻪ ﺑﻘﻰ ﺣﺎﺿﻨﻲ ﻭﻳﺒﺠﻲ ﻭﺍﻟﺒﻴﺖ ﻣﻠﻴﺎﻥ ﻧﺴﻮﺍﻥ ﻛﻮﻟﻬﻪ ﺗﺒﺎﻭﻋﻠﻨﺎ .. ﺍﺟﺖ ﺟﻨﺎﻥ ﺗﻌﻴﻂ ﻣﺴﻮﻳﻪ ﻧﻔﺴﻬﺎ ﺣﻨﻴﻨﻪ ﻭﺗﻬﺠﻤﺖ ﻋﻠﻴﻪ ﺗﮕﻮﻟﻲ ﻛﻮﻟﻪ ﻣﻦ ﻭﺭﺍﺝ ﺭﺍﺣﺖ ﻋﻤﺘﻲ ..

ﺍﻣﻴﺮ ﻟﻮﻩ ﺍﻳﺪﻳﻬﺎ ﻭﮔﻠﻠﻬﺎ . ﺍﺫﺍ ﺗﻬﺠﻤﺘﻲ ﺍﻟﻤﺮﻩ ﺍﻟﺜﺎﻧﻴﻪ ﻉ ﻣﺮﺗﻲ ﻣﻴﺼﻴﺮ ﺧﻴﺮ ﻭﺍﺫﺍ ﺍﻛﻮ ﻭﺍﺣﺪ ﺳﺒﺐ ﻭﻓﺎﻩ ﺍﻣﻲ ﻫﻮ ﺍﻧﺘﻲ ﻭﻃﻠﻊ ..

ﻫﻲ ﺑﻘﺖ ﺗﺘﺼﻔﻦ .. ﻭﺍﻧﻲ ﺍﺟﻪ ﺩﻭﺭﻱ ﺍﺛﺒﺖ ﻧﻔﺴﻲ ﻣﺮﺕ ﺷﻴﺦ ﺻﺮﺕ ﺍﻟﻤﻌﺰﺑﻪ ﻭﺍﻟﻮﮔﺎﻓﻪ ﻭﻱ ﺍﻟﻨﺴﻮﺍﻥ ﻭﻣﺴﻤﺎﻳﻪ ﻣﺮﺕ ﺷﻴﺦ ﺍﻣﻴﺮ ﻭﻻﺯﻡ ﺍﺭﻓﻊ ﺭﺍﺳﻪ .. ﻭﺑﺎﻟﻔﻌﻞ ﺍﻟﻨﺎﺱ ﻛﻮﻟﻬﻪ ﻃﻠﻌﺖ ﻣﻦ ﺍﻟﻔﺎﺗﺤﻪ ﺗﺴﻮﻟﻒ ﺑﻴﻪ ﺣﺘﻰ ﺍﻣﻴﺮ ﻣﺘﻌﺠﺐ ﺑﻴﻪ ﻳﮕﻮﻟﻲ ﺍﻟﻨﺎﺱ ﻛﻮﻟﻬﻪ ﺗﺤﻤﺪ ﺑﻴﺞ ﻭﺗﮕﻮﻝ ﺻﺪﮒ ﻣﺮﺕ ﺷﻴﺦ ﺭﻓﻌﺘﻲ ﺭﺍﺳﻲ ..

ﮔﺘﻠﻪ ﺍﻣﻴﺮ ﺍﻧﻲ ﺍﻧﺘﻀﺮﺕ ﺗﺨﻠﺺ ﺍﻟﻔﺎﺗﺤﻪ ﻭﺍﺣﺠﻲ ﻭﻳﺎﻙ #.. ﺷﻤﺲ

ﺍﻣﻴﺮ .. ﺍﺳﻰ ﻛﻮﻟﺸﻲ ﺍﻃﻠﺒﻲ ﺑﺲ ﻟﺘﻌﻮﻓﻴﻨﻲ …

ﺣﻀﻨﺘﻪ .. ﺍﻣﻴﺮ ﺍﻋﺮﻑ ﺍﻧﺖ ﻣﺘﺴﻮﻳﻬﺎ ﺑﺲ ﺍﻧﻲ ﺑﻌﺪ ﻣﺎﺍﮔﺪﺭ ﺍﺑﻘﻰ ﺍﻛﺜﺮ ﺑﻬﺬﺍ ﺍﻟﺒﻴﺖ ..

ﺍﻣﻴﺮ .. ﻳﻌﻨﻲ ﺣﺘﻌﻮﻓﻴﻨﻲ ..

ﺍﺳﻰ .. ﻻ ﺑﺲ ﻋﻨﺪﻱ ﺍﻟﻚ ﺍﻗﺘﺮﺍﺡ .

ﺍﻣﻴﺮ . ﻭﻫﻮ

ﺍﺳﻰ .. ﺑﻴﺒﻲ ﺍﻟﻠﻪ ﻳﺮﺣﻤﻬﺎ ﻛﺘﺒﺖ ﺑﺄﺳﻤﻲ ﻣﺰﺭﻋﻪ ﻛﻮﻟﺶ ﻛﺒﻴﺮﻩ ﻭﺑﻮﺳﻂ ﺍﻟﻤﺪﻳﻨﻪ ..

ﻧﮕﺪﺭ ﻧﺒﻨﻲ ﺑﻴﻬﺎ ﺑﻴﺖ ﻭﺑﺼﻔﻪ ﺩﻳﻮﺍﻥ ﺍﻟﻚ ﻭﻧﻨﺘﻘﻞ ﻫﻨﺎﻙ ﺷﺘﮕﻮﻝ ..

ﺍﻣﻴﺮ .. ﺑﺲ ﻫﺬﺍ ﺑﻴﺖ ﺍﻟﻮﺍﻟﺪ

ﺍﺳﻰ .. ﻫﻮ ﺭﺍﺡ ﻳﺒﻘﻰ ﻣﺜﻞ ﻣﺎﻫﻮ .. ﺗﻌﺮﻑ ﺟﻨﺎﻥ ﻣﺎﺗﻄﻠﻊ ﻣﻨﻪ ﻭﺍﻧﻲ ﻣﺎﺍﮔﺪﺭ ﺍﻋﻴﺶ ﺑﻲ .. ﮔﻮﻝ ﺍﻻﺧﺘﻚ ﺍﻟﻲ ﻣﺎﺧﺬ ﺍﺧﻮ ﺟﻨﺎﻥ ﻳﺠﻮﻥ ﻳﮕﻌﺪﻭﻥ ﻭﻳﺎﻫﻪ ..

ﻭﺍﺣﻨﺎ ﻧﻨﺘﻘﻞ ﻫﻨﺎﻙ ﻫﻢ ﺗﺒﻨﻲ ﺩﻳﻮﺍﻥ ﺍﻛﺒﺮ ﻣﻦ ﺍﻟﻲ ﻫﻨﺎ ﻭﺍﻟﻤﺰﺭﻋﻪ ﻗﺮﻳﺒﻪ ﻣﻮ ﺑﻌﻴﺪﻩ ﻭﺗﺴﻤﻰ ﻣﺰﺭﻋﻪ ﺍﻟﺸﻴﺦ ﺍﻣﻴﺮ ..

ﺍﻣﻴﺮ .. ﻫﻬﻬﻬﻪ ﻭﺍﻟﺸﻴﺨﻪ ﺍﺳﻰ

ﺍﻧﻲ 😂😂..

ﺍﻣﻴﺮ .. ﻧﻄﻴﻨﻲ ﻓﺘﺮﻩ ﺍﻓﻜﺮ ﻭﻧﺮﻭﺡ ﻧﺸﻮﻓﻬﺎ ﻭﻧﻘﺮﺭ ﺑﺲ ﺩﻭﺍﻣﺞ ﺷﻠﻮﻥ ﻭﺍﻟﺒﻴﺖ ..

ﺍﺳﻰ .. ﻋﺎﺩﻱ ﺍﮔﺪﺭ ﺃﺍﺟﻞ ﺍﻟﺴﻨﻪ ﺍﻟﻰ ﺍﻥ ﻧﺮﺗﺐ ﻭﺿﻌﻨﺎ #.. ﺷﻤﺲ

ﺭﺍﺣﻨﺎ ﺍﻧﻲ ﻭﺍﻣﻴﺮ ﻭﺷﻔﻨﺎﻫﻪ ﻭﻋﺠﺒﺘﻪ ﺣﻴﻞ ﺍﻟﺨﻀﺎﺭ ﻭﺍﻟﻄﺒﻴﻌﻪ ﻭﻗﺮﻳﺒﻪ ﺣﻴﻞ ﻳﻌﻨﻲ ﺣﺘﻰ ﻫﻮ ﺗﻌﺠﺐ ﺑﻴﻬﺎ ﻭﺍﺧﺘﺎﺭﻳﻨﺎ ﺍﻧﻲ ﻭﻳﺎﻩ ﺍﻟﺘﺼﺎﻣﻴﻢ ﺑﻨﻴﻨﺎ ﺑﻴﺖ ﻛﺒﻴﺮ ﺑﻮﺳﻂ ﺍﻟﻤﺰﺭﻋﻪ ﻭﺩﻳﻮﺍﻥ ﻛﺒﻴﺮ ﻭﺍﺛﺜﻨﺎﻩ ﻭﻭﺿﻒ ﻓﻼﺡ ﻟﻠﻤﺰﺭﻋﻪ ﻭﺯﺭﻉ ﻭﺭﺩ ﺑﺎﻟﻘﺪﻣﻪ ﻭﺭﺗﺒﻬﺎ ﻭﺑﻨﻴﻨﺎ ﮔﺮﺍﺝ ﺑﺒﺪﺍﻳﻪ ﺍﻟﻤﺰﺭﻋﻪ ﺻﺎﺭﺕ ﻓﺪ ﺷﻲ ﻛﻞ ﺍﻟﻲ ﻳﺸﻮﻓﻬﺎ ﻳﻨﺒﻬﺮ . ﻭﺫﺍﻉ ﺻﻴﺖ ﻣﺰﺭﻋﻪ ﺍﻟﺸﺸﻴﺦ ﺍﻣﻴﺮ ﻭﺣﺘﻰ ﺻﺎﺭﺕ ﺍﻟﺸﻴﻮﺥ ﺗﺠﻲ ﺗﺘﻮﻧﺲ ﻳﻤﻪ ﻣﻮ ﺷﺮﻁ ﺍﻛﻮ ﻣﺸﻜﻠﻪ ﺍﻭ ﺷﻲ .. ﻭﻛﺒﺮ ﺣﺒﻴﺒﻲ ﻭﺍﻧﻲ ﺻﺎﺭ ﻋﻨﺪﻱ ﺍﺛﻨﻴﻦ ﻭﻟﺪ ﺗﻮﺃﻡ ﺑﻌﺪ ﻋﺎﺩﻝ ﻭﺳﻤﻴﻨﺎﻫﻢ ﺣﺴﻦ ﻭﺣﺴﻴﻦ ..

ﻭﻋﺸﺖ ﺍﺣﻠﻰ ﺣﻴﺎﺓ ﻭﻛﻠﻬﻪ ﺣﺎﺳﺪﺗﻨﻲ ﻉ ﺍﻣﻴﺮ ﻭﺍﺧﺬﺕ ﻃﺒﻌﻪ ﻭﺣﺘﻰ ﻣﺮﺍﺕ ﻳﺴﺘﺸﻴﺮﻧﻲ ﺑﺸﻐﻠﻪ ﻭﺍﻧﻲ ﻛﻤﻠﺖ ﺩﺭﺍﺳﺘﻲ ﺑﺲ ﺑﻌﺪ ﻛﻢ ﺳﻨﻪ . ﻭﺻﺮﺕ ﺍﺳﻌﺪ ﺍﻧﺴﺎﻧﻪ ﺑﻔﻀﻞ ﺍﻟﻠﻪ ﻭﺍﻣﻴﺮ ..

ﺍﻟﻌﺒﺮﻩ ﺣﺒﻴﺒﺎﺗﻲ .. ﺻﺤﻴﺢ ﺍﻟﻘﺪﺭ ﻳﺎﺧﺬﻧﺎ ﺍﻟﺰﻭﺍﻳﻪ ﻣﻀﻠﻤﻪ ﺑﺲ ﻻﺯﻡ ﻳﺠﻲ ﻳﻮﻡ ﻭﻳﺘﻐﻴﺮ ﻗﺪﺭﻧﺎ ﺍﻟﻤﻬﻢ ﻣﺎﻧﻴﺄﺱ .. ﻭﺍﻥ ﺍﻟﻠﻪ ﻗﺎﺩﺭ ﻋﻠﻰ ﺍﻥ ﻳﻐﻴﺮ ﺣﻴﺎﺗﻨﺎ ﻣﻦ ﺣﺎﻝ ﺍﻟﻰ ﺣال

النهااااااية