احببتك يا سبب معاناتي *بقلم/مها أحمد

اختفاء مؤقت

هوباااااا رجعنا ليكو😁😁
واللهي أنا رقبتي اد السمسمه منكم🙈😂😂 بس واللهي التأخير بعذر كان عندي امتحانات ميد و الدكاتره عملوا معانا الصح🥺🥺 بس انا عندي ليكو مفاجأة ف اخر البارت يلا انشالله محد حوش 😂😂 عشان تعرفوا بس غلاوتكم عندي🤗🤗 و هحاول اطول البارت كمان ملكوش حجه اهه😅😅
المهم البارت اللي فات لو فاكرين... أو لو مش فاكرين عادي أنا هفكركم😂😂
كانت مفاجأة حمزه لندي الاوضه المشتركه بينها هي وحمزه اللي الفاصل بينهم جدار وباب.....
وكمان ميار قالت لحمزه مش يظلم ندي لأنها بنت ناس وطيبه.....
بعدين حمزه راح المستشفي وقال لمراته أنه اتجوز عليها والمفاجأة لحمزه أنها كانت مبسوطه.....
ملاك طلبت تقابل ندى وحمزه وافق، وف اليوم ده حمزه نام عند ملاك، وروح الصبح بدري عشان يخلص الشغل اللي اجله قبل السفر وهو كان في طريقه لأوضه المكتب شاف ندي بتتسحب وطالعه السطح بتاع البيت ف مشي وراها من غير ما هي تحس......
دي معظم الأحداث ف البارت اللي فات يلا نكمل.... ونبدأ بسم الله...وما يحلى الكلام إلا بذكر الحبيب المصطفي صلي الله عليه وسلم ❤️❤️
اكشننننن..........
******************
وعدتُك أن لا أحبَّك...
ثم أمام القرار الكَبيرَ،جَبُنْتْ...
وعدتُك أن لا اعودَ....
و عُدْتَْ....
وعدتُك أن لا اكونَ ضعيفاً.....
وكُنتْ......
وان لا امُوت اشتياقاً.....
ومُتْ....
وان لا اقولَ بعينيك شعراً
وقُلتْ.....
وعدتُ بأشياء اكبرَ منّي.....
فماذا بِنفّسي فَعلت؟!!
نزار قباني.....

تقدم حمزه بسرعه خاطفة ناحيه الجدار وقام بجذبها من ذراعها بقوه بعيداً عنه

حمزه موبخاً: ايه خلاص مفيش عقل...!!؟ الجنان هو اللي سيطر عليكي!!! نسيتي كلامك بالسرعه دي... نسيتي قولتي ايه!!! قولتي ربنا بيحب عبده ودايما بيساعده ويوقف جمبه وعمره ما كسر بخاطر حد ومسير الضيق اللي الشخص بيمر بيه ربنا يفرجها عليه بفرحه ينام لأجلها باكي؛ مش دا كلامك!!! دي مش الطريقه لحل المشاكل؛ اخر واحده اتوقع انها تفكر في حاجه زي دي يا خساره يا ندي.....بجد يا خساره....
كانت ندي تتابع كلامه بذهول شديد فهي لا تعلم عما يتكلم؟! او ماذا فعلت لكل هذا......
(ندي دلوقتي بتقول انا ايه اللي جابني هنا😂😂)

حمزه بغضب: انتي يا استاذه مش بكلمك ولا انا بكلم نفسي؟!
ندي بتعجب: ها!!! واللهِ الكلام دا طلع ليا؟!!!
حمزه بغضب شديد: اومال لامي....ايو الكلام ليكي...هيكون يعني لمين هو في مجنونه غيرك هنا...؟!!!
ندى ببلاهه: لأ...مهو دا اللي محيرني، انت قصدك ايه عشان مش فاهمه!!
حمزه بعصبية: يعني مجنونه وكمان غبيه؟! انتي مش كنتي بتحاولي تتزفتي تنتحري دلوقتي!!!!
ندي بتعجب: مين...؟! أنا!!!
حمزه: اه انتي...اومال انا؟!

وهنا انفجرت ندي ف الضحك ولم تستطيع التوقف حتي كادت أن تختنق من كثرة الضحك على تفكيره، فهي لم تكن تريد من كل ذالك سوى مشاهدة شروق الشمس كعادتها.....
ندي بكلام متقطع: يعني هههه انت مفكرني هههه اني بحاول انتحر ههههه
حمزه بتعجب: اه!!
ندي: دا انت خيالك واسع اوي يا حمزه ههههه انتحار ايه يا شيخ!!! دا انا كنت بحاول اشوف شروق الشمس بس زي مانت شايف السطح متقفل والطريقة الوحيده اني اقف على السور ده ههههه
حمزه بذهول: لا يا شيخه؟!!!
ندي: اه واللهي ههههه
حمزه بغضب: يا شيخه كان يوم اسود يوم ما شوفتك....هو أنا ناقص جنان!!! أنا لو قعدت معاكي اكتر من كدا مش بعيد اتحول وابقى زي زيك.
ندى بمرح: يا ريت واهو المجانين يزيدوا واحد هههههههه
حمزه بعصبية: خلصتي يا بنت المجانين؟!!
ندي: روق يا عم محدش واخد منها حاجه.... وعلى ذكر الترويق انا عاوزه اتروق؟!!!!
حمزه بمكر: بس كدا....غالي والطلب رخيص؛ جيسيكااااا....جووولد....
ندي بفزع من تلك الأسماء: لأ مش الترويق ده يخربيتك....مش ده....
حمزه بعدم فهم مصطنع: هو في غير ده؟!!!
ندي: الترويق ف لبنان يعني الفطار واسمه ترويئه فهمت يا ناصح......
حمزه وهو يجاهد ضحكته: اااااه....يعني عاوزه تفطري، طيب ولما تخربي بيتي هتفطري منين...؟!!!
ندي: مقصدش بس هي اللي جت كدا.....المهم الكلاب هتيجي هنا ولا ايه؟!!
حمزه بجديه مصطنعه: اه...طالما أنا ناديتهم هيجوا.
ندي بفزع: يمااااااع.....بالله عليك لأ انت عارف انا بخاف منهم، ولو كان السطح مفتوح كنت نطيت، انا اهون عندي ان رقبتي تتكسر ولا أن كلب يمد بوئه عليا وانت فاهم.
وهنا لم يتماك حمزه نفسه وانفجر أخيراً ضاحكاً على سذاجة تلك الفتاه، فهي دائماً تصدق ما يقوله....
ندي بتعجب: بتضحك على ايه؟!
حمزه: عليكي هههههه، طلعتي بتصدقي اي حاجه هههههه، كلاب ايه اللي هتطلع هنا دلوقتي هههههه
ندي بغضب: على فكره الهزار مش لايق عليك يا كلب يا جر....
وفي اقل من ثانيه تبدلت ملامح حمزه وأمسك معصمها بكل قوه وكانت تلك اليد التي اصابتها بالأمس......
حمزه بعيون تبعث بالشرار: قسماً بالله العظيم يا ندي لو سمعت الاسم ده تاني لهيكون اخر يوم ف عمرك، أنا اه بهزر بس محبش اللي يستخف بيا ولازم تعرفي كويس أن النمر ده مش من فراغ...فاهمه؟!!
ندي بألم: اه...فهمت سيب ايدي بقا ياحمزه...
ترك حمزه يد ندي وقد لاحظ الاصابه التي في كف يدها إلا أنه تجاهلها، وتركها ونزل الي غرفة المكتب...بينما تمالكت ندي نفسها وتحملت ألمها ولم تبكي على الرغم من ألمها الشديد وحتي أن اصابع حمزه قد تركت علامه على يدها بسبب قوة قبضته إلا أنها لم تبكي؛ فقد أخذت عهد على نفسها انها لن تبكي عليه أو حتي لأجله، ثم نزلت هي الاخري ولكن ذهبت الي غرفة ميار....