احببتك يا سبب معاناتي *بقلم/مها أحمد

لقاء الحبيب

هوبااا رجعنا ليكو 😁😁 مين اشتاقلى🤔😂😂بصراحه انا اشتقتلكم وايد وايد حلو الخليجى صح😂😂 زي ما انتو عارفين الفاينال اتأجال لأجازة نص السنه 🥳🥳 بس علفكره احنا كدا اتضحك علينا والاجازه هى اللى اتلغت🌚😂😂 المهم هحاول اعوضكم بس حسب وقت فراغي أنا عندى خطط ومشاريع كتيشرررره 😂😂
و البارت ده بهديه لكل حد استناني💞💞
يلا مش هطول عليكوا....
ف نبدأ بسم الله ❤️...
وما يحلىٰ الكلام إلا بذكر الحبيب المصطفي صلي الله عليه وسلم ❤️...
"""""""""""""***""""""""""""""
احببتُك...رغم اني لا احتضنك...
🖤.........ولا اراك دوماً
احببتُك وكتبتُ بك...وقرأت لك..
وضحكت من اجلك وتغيرت لأجلك..
احببتُك وانت بعيد كل البعد عني..
🖤......ولا أزال أحبك

***********
مر الوقت وانقضت الساعات ووصل حمزه ومن معه إلى البيت بسلام بعد كل تلك المغامرات التى حدثت معهم اليوم؛ وما أن دخلت السياره حدود المنزل حتى نزلت ندى من السياره و توجهت إلى غرفتها بدون أن تنطق بكلمه واحده....
أما حمزه فلم يعقب على ذالك و أخذ ملاك إلى غرفتهم وأمر ام السعد أن تحضر بعد المشروبات البارده ليخفف عن ملاك عناء الطريق ثم تباشر بعد ذالك فى إعداد وجبة الغداء؛ متجاهلاً ندى التى تكاد تغلى من شدة الغضب والحزن....

في غرفة ندي.........
ندى بحزن: أنا تعبت... بجد تعبت، هو ليه بيعاملنى كدا؟!! أنا مستهلش ده كله!! عملت ايه عشان يكسرنى للدرجادي، عملت ايه عشان يجرحني و يأذينى ويسبب لى المعاناة والقهر؟!!! ها عملت ايه...؟!! عارفه انى عنده ولا حاجه بس انا مستهلش ده كله والله العظيم ما استاهل..بجد كدا كفايه...كفايه؛ قولنا اللى بيحب بيسامح وانا اكبر غلطة عملتها ف حياتى انى حبيتك.. حبيتك وانت مش حاسس بيا.. مش حاسس بمشاعرى اللى بتزيد جوايا يوم عن التانى، وكل يوم بتجرحنى عن اللي قبله اكتر واكتر...خايفة رصيدك معايا يخلص يا حمزه وتكون عندى ولا حاجه زى ما أنا كدا بالنسبالك....
مسحت ندى تلك الدموع المتجمعه فى عيونها ورسمت ابتسامه مكسوره على وجهها تعبر عن نفسها المكسورة، وتوجهت الي الحمام ل تتوضئ وتؤدي فرضها وتبث شكواها الي خالقها فهو منصفها الوحيد....

عند حمزه وملاك.........
حمزه بقلق: ملاك انتى بخير؟!! طمنينى...!!!
ملاك بهدوء تام: سيبك منى دلوقت، انت ازاى بتاعمل ندى كدا؟!! هى عملت ايه لده كله يا حمزه؟!! اوعي تكون دى الطريقه اللى بتعاملها بيها علطول!!!
حمزه ببرود: انتى عارفه محبش حد يتكلم ف حاجه مش تخصه وهى أتدخلت بينى و بين هشام و افتكر أن دى حاجه متخصهاش..
ملاك بغضب: انت اتجننت يا حمزه!!! الراجل كان عايز ياخد البنت معاه فاهم عايز ياخدها، دا غير أنها وقفت جمبي وقت ما حضرتك كنت سايبنا لوحدنا؛ اقدر اعرف انت اتأخرت كدا ليه؟!!
حمزه بلا مبالاة: مفيش اتأخرت وخلاص، عادى يعنى محصلش حاجه لده كله....
ملاك بغضب شديد وصوت عالي نسبياً: يا برودك يا اخى بقولك البنت كانت هتتخطف عينى عينك كدا وانت اصلا مش مهتم..
حمزه بحده: ملاااااك صوتك ميعلاش، عشان متحصلش حاجه مش تعجبك فاهمه....
وفي تلك الأثناء دخلت ام السعد بالمشروبات كما أمرها حمزه ثم غادرت بهدوء شديد....
حمزه بهدوء: اشربي يا ملاك وهدى اعصابك وكل حاجه هتنحل أن شاء الله...
لم تجيبه ملاك واكتفت بإدارة وجهها الناحيه الاخرى دليل على غضبها منه...
حمزه بقلة حيلة وصوت حنون: متزعليش منى على حساب صحتك ريحي نفسك وهدى اعصابك، و صدقيني هحاول اعتذر لندى...أنا بقولك اهو هحاول، وضغط على اخر حروف حتى يصل إليها ما يلمح إليه فمن سابع المستحيلات أن يعتذر النمر إلى أحد حتى لو كان على وشك الموت وخلاصه الوحيد هو ان يعتذر فيفضل الموت على الاعتذار...
ثم تركها ودخل إلى حمام الغرفه لكى يبدل ملابسه إلى أخرى مريحه.....