احببتك يا سبب معاناتي *بقلم/مها أحمد

مش هكمل....

إلا.... ايه رأيكم فيا وانا بثير الجدل 🙃😂😂

هنسيب إلا دى للآخر.

رجع الأسد اللهم لا حسد😂😂
اخباركم يا حلوين، يارب تكونوا دايما بخير و في احسن صحة واحسن حال❤️

وايوه أنا الحمد لله لازلت على قيد الحياة أبشروا😂
وبجد وحشتونااااي يا فانزاتشي ❤️
المهم انا راجعة ورقبتي قااااااد السستمة 😂
لأ بجد غبت كتير المرة دى، بس بعذرى والله ف البداية الابليكيشن اتمسح وحصل فيه مشاكل بس رجعته الحمد لله وبعد كده يكمل النحس فتحصل مشاكل ف النت هتقولوا طب مهو ظبط اهو، هقولكم اختكم اتسحلت سحلة سودة اي والله لا ومش كده وبس دا انا اتضحك عليا يا ناااااااس، المهم اتخصصت بايو كيمسترى وقال ايه هترتاحي ف التخصص كدب والله العظيم كدب ف اولى وتانية كنت بنزل وقت ما احب ويوم ما احب وزي ما احب ف تالتة اي التخصص بنزل تقريباً كل يوم ما عدا جمعة وسبت كتر خيرهم والله😢💔
المهم السنة دى حرفياً كانت اصعب سنة مرت عليا ونفسي اشوف اللى قال هترتاحي ف التخصص أو الأصح هترتاحي ف الكلية هعمل من وشه شورما بس اعرفه بس ولكن ديما بتعدى بكرم ربنا و فضله واخوكم بقا سنيوررر💃💃
و رجعتلكم يا بعد قلبي انتم🙈❤️

المهم عايزة اخد رايكم في حاجة وعليها هنعرف هنمشي بعد كده ازاى

اولا تجنباً للمشاكل بتاعة الابليكيشن ف انا بفكر اعمل جروب فيس بحيث يكون متاح طول الوقت

تاني حاجة هننشر الرواية من جديد بحيث نستعيد الأحداث سوا

*ياريت تعرفوني ف الكومنتس بجد رايكم يهمني.

نيجي بقا للمهم اللى هو  إلا؛  اللى اتكلمت عنها فوق، هو أنا مبكتبش عشان مقابل مادى وعشان أنا مبخبيش عليكم حاجة؛ والله العظيم أتعرض عليا اكتب في ابليكيشن تاني بدون ذكر اسماء 😂😂  بمقابل مادى وكان عرض مغري بصراحة بس اخوكم الفقرى رفض وقال الا حب الناس اللى مش موجود ده ايون الله ينور عليكم 😂😂

المهم ف اللى بيشجعنى اكتب هو والله التفاعل ورأيكم ف الكومنتس سواء مدح أو نقد بس ياريت لو نقد يكون بذوق شوي دى حتي الكلمة الطيبة صدقة و انا بنى آدم من لحم ودم بردو🥺🥺
فلما تكون الرواية معدية ٤٥ الف مشاهدة اللهم لاحسد 😂 لسه واخده بالي من الرقم والله، ومفيش فوت
ازعل ولا لأ
اكمل ولا لأ
ها اعمل انا ايه ف موقف زى ده 🥺🥺

فكل اللى متابع سواء بيتفاعل أو متابع ف صمت واخدلي بالك انت ياللى متابع ف صمت أنا عارفك بس مش هعرف اجيلك 😂  المهم الكل يتكلم ويقول رأيه وخلى بالك صوتك هيفرق ايوه دى انتخابات 😂😂
ودمتم في رعاية الله و وفقكم الله ورعاكم كان معكم ...
مها احمد بنت الشرقية واحدة منكم وزيكم وانتخبوه انتخبوه، أسفة انسجمت حبتين 😂😂

صحيح كل سنة وانتم طيبين وينعاد علينا و عليكم بالخير واليمن والبركات ❤️

مستنية رأيكم حبايب قلبي 😘❤️