თავი 5სკოლის შემდეგ ჰანა სახლში გაიქცა. დიახ, გაიქცა. ამ სიტყვის პირდაპირი გაგებით. სულ რაღაც 4 საათში აკაშისთან პაემანი ჰქონდა და ამისთვის არც მორალურად და არც ფიზიკურად არ იყო მზად.
-ჰანა, კარგად ხარ საყვარელო? ჰკითხა დედამ, როდესაც აქოშინებულ შვილს სახლის კარი გაუღო.
-კი. წყალი მომიტანე გთხოვ. მიუგო ჰანამ და ამოისუნთქა.
-ჰანა. მორბოდი? ჰკითხა ქალმა და შვილს წყლით სავსე ჭიქა გაუწოდა. გოგონამ თავი დაუქნია.
-სკოლიდან მთელი მანძილი მორბოდი? გაოცდა ქალი. ჰანამ წყლით სავსე ჭიქა ჩაცალა და დედას თავი კვლავ დაუქნია.
-დაიცადე, სკოლიდან სახლამდე 8 კილომეტრია.
-14 სიმღერაში მოვასწარი. ტრანსპორტით 20 სიმღერით მჭირდება ხოლმე.
-ჰანა, საყვარელო, ეს სიგიჟეა. ტანაც, შენი ორგანიზმი მიჩვეული არ არის ამდენ სირბილს. უსაყვედურა ქალმა.
-ო კაი რა დე.
-ჰანა, მე არ ვხუმრობ. შენ ცხოვრებაში არ გივარჯიშია.
- აი ეს კი სიცრუეა. შეეწინაღმდეგა მოზარდი ქალს.
-საყვარელო, მე-2 კლასის სპორტის გაკვეთილები ვარჯიშად არ ითვლება.
-კარგი ხო, გავიგე. ახლა კი მაპატიე დე. საქმე მაქვს. თქვა გოგონამ და კარადის კარი გამოაღო. იქიდან კი მთელი ბღუჯა ტანსაცმელი გადმოყარა.