თავი 10
ორშაბათიც დადგა და ჰანას მშობლები გაემგზავრნენ. გოგონა კი ჰაიამების სახლში გადავიდა.
-კეთილი იყოს შენი მობრძანება ჩვენთან! გაუღიმა ანამ.
-მადლობა ყველაფრისთვის. მიუგო გოგომ, თუმცა სინამდვილეში ფიქრობდა, რომ სახლში მარტო ყოფნა ერჩივნა.
-არა, რა შეწუხებაა.
-კოტარო! დაუძახა ქალმა შვილს. კიბეებზე მაღალი ქერათმიანი ბიჭი ჩამოვიდა თეთრ სპორტულებში გამოწყობილი, რომელიც ხელში კალათბურთის ბურთს ათამაშებდა.
-გამარჯობა, ჰანა-ჩან! უთხრა მან გოგოს და ბურთი თავზე დაიდო.
-რამდენჯერ უნდა გითხრა, რომ სახლში ბურთით არ ითამაშო. უსაყვედურა ქალმა შვილს.
-კაი რა დე. ყველაფერი კარგად არის. მე ხომ არაფერი დამიმტვრევია.
-ახლავე მომეცი. ბურთი გამოსტაცა ქალმა, მაგრამ შემდგომ ანას გაუვარდა ხელიდან და კალათბურთის ბურთი ძვირადღირებულ ვაზას მოხვდა, რომელიც იმ წამსვე დაილეწა.
-ეს ჩემი ბრალი არ იყო! იმ წამსვე იმართლა თავი ბიჭმა. ჰანას ჩაეცინა.
-კოტარო... ამაზე მერე ვილაპარაკოთ. მანამდე კი ჰანას თავისი ოთახი და სახლი აჩვენე.
-კარგი დე. მიუგო ბიჭმა და ჰანას მიუთითა, რომ მას გაყოლოდა. გოგონა ასეც მოიქცა.
ჰანამ იფიქრა კოტაროს WIFI- ის პაროლს ვკითხავო, მაგრამ სანამ კითხვის დასმა მოასწრო ბიჭმა მაშინვე უპასუხა.
-პაროლი Merrychristmas25 არის.
ჰანას გაეცინა.
-ორიგინალური პაროლია.
ბიჭმა თავი დაუქნია.
-მე მოვიფიქრე.
-მივხვდი.
-აი ეს არი შენი ოთახი. ირენმა ყველაფერი მოამზადა. მერე ირენს და კლაუდს გაგაცნობ. ირენი ჩვენი სახლის დიასახლია. ასაკში შესული საყვარელი ქალია, კლაუდი კი მისი ქმარი-მამას მძღოლია.
