თავი 11
ჰანას მშობლები და ტრინა ორშაბათს უნდა ჩამოსულიყვნენ, რაც იმას ნიშნავდა, რომ გოგონა კიდევ 2 დღეს დარჩებოდა ჰაიამების სახლში. ჰანას ძალიან უნდოდა ეს 2 დღე გამოეყენებინა და კოტაროს დახმარებოდა, მაგრამ, როგორც ჩანს ბიჭს მისი დახმარება საერთოდაც არ სჭირდებოდა. კოტარო თავის ჩვეულ ცხოვრების რეჟიმს დაუბრუნდა, რომელშიც მხოლოდ კალათბურთი არსებობდა.
-კოტარო, დღეს კარგ ხასიათზე ჩანხარ. მიუგო აკაშიმ ლანჩზე.
ქერათმიანმა ბიჭმა თავი დაუქნია.
-რა თქმა უნდა, 1 კვირაში კაიჯოსთან მატჩი გვაქვს. ერთი სული მაქვს კისეს ვეთამაშო.
-კოტარო, კისეს ვერ მოუგებ. მშვიდად უთხრა კაპიტანმა.
აკაშის სიტყვებზე ბიჭს სახე აელეწა.
-კოტარო, მე ის ვიგულისხმე, რომ შენ მარტო არ ხარ! ჩვენ ერთად დავამარცხებთ კისესა და კაიჯოს გუნდს! უპასუხა აკაშიმ.
კაპიტნის ამ სიტყვებზე ყველა გამხიარულდა.
-აი აკაში ტყუილად კი არ ხარ ჩვენი კაპიტანი. ყოველთვის იცი რა უნდა თქვა! მიუგო ეიკიჩიმ და წითელთმიან ბიჭს მხარი გაჰკრა. აკაშის გაეღიმა.
-გამარჯობა! შეიძლება თქვენთან ერთად დავჯდე? ჰკითხა ჰანამ.
-ჰანა-ჩან, ამას კითხვაც არ უნდა. უპასუხა პირგამოტენილმა ეიკიჩიმ.
-ჯერ დაღეჭე და მერე ილაპარაკე, შე დაკუნთულო გორილა! მიაძახა კოტარომ.
ჰანა აკაშის გვერდით დაჯდა. ბიჭმა გოგოს ხელი გადახვია.
-ჰანა-ჩან, დღეს რაღაც აღელვებული ჩანხარ.