თავი 8დილით რეომ და კოტარომ კალათბურთის ვარჯიში გააცდენეს. ეს დამთხვევა იყო. გუშინდელი ამბის გამო არა მხოლოდ რეო, არამედ კოტაროც იყო გაღიზიანებული. ამას დაემატა კოტაროს მამის- ტაიგერ ჰაიამას ჩხუბი. კაცი შვილის გატაცებას კალათბურთითა და სკეიტბორდით დროის კარგვას მიიჩნევდა და ძალიან ბრაზდებოდა, როდესაც მისი შვილი სწავლის ნაცვლად კალათში ბურთს აგდებდა.
-კოტარო, ვარჯიშზე სიარულს უნდა მოუკლო. უთხრა კაცმა შვილს.
-რატომ?
-იმიტომ, რომ რა დროსაც კალათბურთის თამაშს ანდომებ, ჯობია ეგ დრო სწავლითვის გამოიყენო.
-მამა, ჩვენ ამაზე უკვე ვილაპარაკეთ. მე სპორტზე უარს არ ვიტყვი.
-არც გეუბნები, რომ უარი თქვა. ჰობიდ დაიტოვე.
-მე უკვე გითხარი, რომ კალათბურთის თამაშს სერიოზულად ვაპირებ. შენი ხათრით უნივერსიტეტშიც ვაბარებ. კიდე რაღა გინდა? განრისხდა ქერათმიანი ახალგაზრდა.
-მე მინდა? ნუთუ ვერ ხვდები, რომ ბურთის კალათში ჩაგდება და დაფაზე სრიალი შორს ვერ წაგიყვანს? ისევ NBA-ზე ოცნებობ? რამდენჯერ უნდა გითხრა, რომ ეგ ფიქრები თავიდან ამოიგდო. მომავალში უფრო სერიოზული საქმეები გაქვს. ბოლოს და ბოლოს შენ ჩემი ერთადერთი ვაჟი ხარ და მომავალში ოჯახის უფროსი გახდები.