#سالوفه_وداعك_كلفني_عمر

جزء_ثاني(وداعك_كلفني_عمر)

جنت اشمئز من زوجي وعدم غيرته وتصرفاته الغير رجوليه جان مقرف الى درجه فد يوم طلب مني اروح الحفله وياه الواحد غني بلامارات رفضت واتلقيت الظرب جواب الرفضي اضطريت اروح جان محظرلي فستان مخلع من لبسته استحيت من نفسي هلكد مايجذب ورحت وياه اول مادخلنه القصر مالتهم الكل انجذب الي والملابسي والشكلي جانت اعيونهم تاكلني وهوه يظحك وفرحان جنت اكرهه اكثر واكثر كل ماشوف اعيونهم اتنخر بجسمي واذكر عمر واحبس عبرتي بصدري واسكت اوف ياعمر وينك تجي تسترني من اعيونهم
مرت الليله وهوه ايعرفني وكل واحد يجي يمي ويسولف وعادي عنده احاول اثير غيرته والكاه صفر الى ان صاحب الحفله راد يتحارش بيه ويتقرب مني اختنكت وطلعت بحديقه قصرهم فااجه ورايه جان اسمه محمد حاول بلبدايه يجذبني بكلامه الى ان انفعل وجرني اله صرخت وظليت اظربه حته ابعده عني وبعدهه صارت هوسه والكه اجه فتهمني اني الي حاولت اغري وهوه شارب اخذني زوجي وكلمه ماحجه ويايه واني احاول ادافع عن نفسي واحلفله كذب وصلنه للشقه ومااشوفه اله ظربني ونزع احزامه ويظربني وكل الي يكوله شلون اسوين هيج ويه امير محمد خيري منه خربتي عليه شغلي وياه بعد منين اخذ فلوس منين اعيش هذا جان كلامه من جان يصرخ عليه ماهمه اني والي صار همه الفلوس وشغله مرت ليلتين واجه طلب مني اروح واعتذر الصاحب السمو بشرط اكون كاشخه الحفله خاصه واذا مااوافق يرجعني الى اهلي بتهمه بنتكم خاينه طلع يعرف بكلشي وبكل تفاصيل قصتي ويه عمر خفت على عمر اذا درو اشلون راح يصدكون اكيد وافقت ورحت وياه عافني بلقصر وحدي وطلع
جان القصر فارغ بس الخدم شفتهم يحظرون بقيت وحدي كاعده منتظره المجهول الى ان فرغ المكان حسيت بلباب انغلقت بقيت افتر بلمكان ماكو احد افتح الباب ماينفتح وفجئه دخل محمد من الباب الثاني للغرفه الي اني بيهه .......