#سالوفه_وداعك_كلفني_عمر

جزء_سادس & سابع

ومن بعد كم يوم اتحرارلي صديقي عن الفرق الموجود وطلبت منه القبظ على اكبر واحد بيهم او افهم واحد يسمونه الدليل مالتهم وعدته انو اطلعه ومااسجنه بس يحجيلي تفاصيل الفرق والدعاره وين اتكون ومنو البنات الموجودات
بده يحجيلنه فرقه فرقه ويفصل الدعاره عن الركص عن الي يتاجرون بلاسلحه وعن الي يتاجرون بلحشيش وصل الفرقه البحارنه الي هيه الفرقه الجانت جايه بعرس ابن عمي اتذكرت الدفوف مالتهم مكتوب بي البحارنه فحجالي عنهم واحد واحد وكلي ذوله البنات بيهم تركمانيه وموصليه وبيهم بنات رحلوهم من دبي والكويت يسموهم بدون اهناك اجوي مطرودين مناك كللنه كلهم يشتغلون البنات ويعاشرون زلم الى وحده اسمهه العنود هاي ابد ماتقبل وماطخ راس الاحد اتريد تبقه تركص وبس وسولفلنه على واحد رايد يعتدي عليهه وكاتلته خلاص طلبت من صديقي انو ايكله هاي اريدهه بدون مايكوله عني كتله هاي اريدهه شكد يطلب ادفعله بيهه اخذه وطلع بره المركز كله هاي السياره الك بس اريد العنود وكلهه ايردوج سهره خاصه بس ركص انهيئلك المكان يوم الخميس اريدهه وخلينا ايروح....
منتظر يوم الخميس يوم يوم واحسب ساعات هيئت كلشي وانتظرت العنود تجي اجه وجايبلي وحده غير الي شفتهه ايكولي هاي راسا ظربته ودميته وكتله اذا ماتجي ذيج نهايتك اصير على ايدي وبعدين كال انهزمت منهم لان رايدين يكتلوهه بعد ماكتلت الي راد يعتدي عليهه وين ادورهه ضاعت مني من جديد ....
ظليت اتحره وادور بكل مكانات الدعاره حولت شغلي على اداب بكل مكان ادورهه ومالكاهه اي بيت اسوي عليه كبسه ادور البنات وحده وحده واسالهم ومااعرف شي عنهه كلت اكيد جانت مو هيه ارجعت البغداد الشغلي من بعد سنه واني ادور تعبت وارجعت مثل كل يوم سهران بواحد من هلفنادق ونزلت وحده تركص نفس الشعر نفس الطول نفس الجسم هاي زينب فزيت من مكاني وصعدت للطابق الثاني كعدت اهناك وظليت اباوع عليهه وعيني مليانه دموع وبيه ناررر مااوصفهه غيره وحركت قلب ماتنحجي الف سؤال بروحي شوصلهه الهناا بقيت اباوع الحد ماخلصت وراحت سالت عليهه صاحب البار وكلي هلبنيه صارلهه سنه شغلتهه بس تركص مانكدر انطلعهه الك ماتقبل ومانكدر نخسرهه خاف اتروح ظليت اراقبهه وين تروح وين تجي ماتطلع الي مكان من الشقه للبار وهكذا بعد شهر اتفقت ويه صاحب البار ايجيبهه الي واذا رفضت كتله يطردهه ويهددهه واذا ماكدر البار مالته ينسد وبلفعل سوه الي كتله عليه وهيئتلهه شقه جهزتهه كامرات لان جنت ناوي احبسهه وماخليهه بعد تطلع كعدت بلظلمه وعفت الباب مفتوح وانتظر .........
______________________جزء سابع

واني اركص وابجي تعبت ووكعت وماحسيت جنت اتغاضه اعيونه ومااباوعله خاف يعرفني من اعيوني ومن فقدت الوعي وصحيت جانت الحفله خلصانه والعرس خلص ماخليتهم يباتون راسا كتلهم خل نرجع رجعنه المكانه وبعد اتلاث ايام واحد من الولد اتهجم عليه وراد يعتدي عليه جانت يمي سجينه ذبحته بيهه ولميت شكو غراض عندي ونهزمت بقيت بلجول والخرايب ابات ومن مكان المكان الدنيه ظاكت بيه الحد ماوصلت البغداد واهناك صعدت ويه سايق تكسي كتله وديني الى اي ملهى ومرقص ليلي تعرفه بكل صلافه نزلني بشارع ابو نؤاس بقيت لليل افتر بلشارع الى ان شفت ب١٢ بليل بنات بعمري مبينين طالعين من ملهه اجت وحده يمي وكلتلي اذا ماعندج مكان امشي ويانه كتلههم ماعندي احد ظلو البنات يسالوني منين انتي شتشتغلين وين اهلج مااجاوبهم بلصح واكلهم اهلي ماتوو واني وحدي همه هم طلعو مثل حالي كلولي راح ناخذج ويانه وشيطلع بلنص وبيناتنه ايجار الشقه والاكل ومالهم دخل بيه همه هم فقيرات مثل حالي بديت اروح وياهم للمراقص والنوادي احصل افلوس على الركص والي بيهم يريد ايكضيله ليله جنت اكون حذره بس بعد العناد بوضعي مايفيد من ظياع الظياع ومن مر الشي امر جنت ارجع من كل سهره اغسل واصلي واستغفر وابجي الحد ماانام جنت اكره روحي اكثر واكثر اباوع على عمري صار ٢٨ سنه ليش ظعت شذنبي اني وهيج مصيري صار جنت اكوله ربي لو تحبني لو تكهرني المن خلقتني عذبتني اشد انواع العذاب لو تاخذ روحي احسن ولا هلوصخ
مرت سنه على هلحاله ركص بسهر بتحرش بناس وصخه وعيشه اوصخ .....
فد يوم ابو النادي طلبني بموضوع ورحتله جان اكو شخص يريدني اروحله ودفعله بي سعر جكساره حسب ماهيج كال ماعرفت السعر شكد المهم اكيد رفضت طردني من النادي وطلب من البنات يطردوني وهددني يحبسني ويعتدون عليه ومحد يخلصني منهم ذوله كولشي يسون خفت صح اتوصخت بس ماريد انزل الهذا الوحل من ينام ويايه واحد وره الثاني وره الثالث معناهه راح اصير حاويه زبل ياهو اليجي يذب وصخه عليه ويروح وافقت اروحله وكلي سياره راح تاخذج واجيبج
جهزت نفسي ورحت دخلت الشقه صغيره بس حلوه ماجان بيهه احد راسا اذكرت قصر محمد نفس الوضع ينعاد بقيت واكفه بلهول وجانت باب غرفه ظلمه مفتوحه واساسا الشقه كولهه ظواهه باهت ظوه واحد جان مشعول باناره باهته واسمع طكطت ايدين على الميز دون مااعرف الشكل ولا شفت وجهه منوو احجي وياه وهوه ساكت
منو انته؟
ليش جبتني اهنا؟
ليش طافي الظوه؟
شنو حتبقه اهناك؟
تعال اهنا؟
خليني اشوفك؟
شكو جبتني ؟
شبيك؟
اسأله ماجاوبني عليهه ابد ساعه كامله واسمع دكات ايده ويه دكات الميل بديت اخاف بده يتقرب الي عطره نفس عطر عمر مشيته هاي نفسهه
بيني وبين نفسي اسولف واكول لا موعمر
ياريت اموت ولا عمر
ربي لا تخلي عمر
لا موعمر
يارب ساعدني
يارب اخذني
صارت المسافه بيني وبينه اطول من عمري وعمره هوه يتقدم واني ارجع
وصل يمي وصارت عيني بعينه دكات قلبي وانفاسي تتسارع ويه كل نفس تطلع روحي
بده يحجي واول ماحجه ليش هيج بعتيني .....