#سالوفه_وداعك_كلفني_عمر

جزء_ثالث(وداعك_كلفني_عمر)

فجئه انفتح باب الغرفه الاني بيهه ودخل محمد عليه وهوه ساكت بده يتقربلي ويبتسم بخبث ويحاجيني بستهزاء (وشحالهه العراكيه الشريفه انتي تعرفي وشسويتي مايستوي عليج السويتي وانه دافع فيج الف دولار هلحين ابغاج طيوبه وحليوه علشان بتخلص ساعتش والحين ولا نفس اسمع منج ) قصده مايحتاج الي سويته وهوه دافع بيه الف دولار وايريدني اسكت ومايسمع مني ولا نفس الى ان يخلص ساعته ويايه بس اني ماسكتت بقيت ادفع بي وابعده عني كل ماحاول يتقرب بس هوه جان قوي كولش ومااكدرله كل ظربه منه اتخليني اموت الى ان انتهيت من الالم جان ياخذ مني الي يريده ويستلذ والساعه اخذت ليله كامله ومن بعد ماشبع كلي البسي اهدومج وخلي السايق يوصلج البيتج اتحسبت بالله وطلعت واني ابجي وميته بناري ووجعي وصلت البيتي ولكيت الكرن كاعد ينتظرني وبدال لايسالني شسوالج كلي شنطاج باوعتله بنظره حقد وتفلت عليه ودخلت الغرفتي بعد منهه وابد ماتقربلي عافني سبوع وماطلب مني بعد شي ومرعلى زواجنه سنه اجاني بطلب جديد ياخذني اركص باحد فنادق دبي المعروفه او اكضي ليله ويه واحد ثاني او يخابر اهلي ويكلهم بنتكم انهزمت خاينه وجان دائما ايهددني بفديو مصوره محمد الي واني وياه ايشوفه الى اهلي وعمر وطبعا جنت اختار الموت ولا عمر ينكسر من يشوفني هيج
قبلت اروح اركص وليله وره ليله الحد ماجرت ٥ اشهر وهوه يلم الفلوس من جوه رجليه ليله اكثر افلوسهه من السابقه الى ان فد يوم وصلني للفندق وعافني كلي خلي السايق يرجعج عندي شغل كملت ركصتي ونتظرته ومااجه اضطريت ارجع ويوم بعد يوم وهوه ماكو ماله اي خبر ولا اكو عنه شي كل ملابسه موجوده عدا جوازي والفلوس والذهب وبعد ايام توصلني ورقه طلاق غيابي انجنيت ماعرفت شسوي وين اروح وين انطي وجهي صح اني سنه ونص يمه بس جان بيده كلشي اروح واطلع وياه وبعد سبوع ثاني اجاني شخص طلب اخلي الشقه خلال يومين لان الحقير بايعهه اله ماعرفت شنو اسوي ونطاني ظرف مخلي عنده الظرف بي مفتاح قاصه لمن فتحتهه لكيتهه فارغه بي تلفون بيهه فتحت التلفون وطلع بي تصويرات فديو الي واني بلفندق وتصوير الي اني ومحمد راسله الى اهلي ورسايل وتسجيل مكالمات من اخويه ايهدده يقتله ويقتلني وعرفت ابويه متوفي من شايف الفديو هذا كله واني مااعرف شي حابسني عنده بين الحرام والضياع والرخص ظاعت ايامي حرت شنو اسوي اتذكرت باخر مره اكو مريه جانت تتردد على الفندق انطتني رقمهه وكلتلي اذا تعوفين زوجج تعاليلي كلت خل اتصل بيهه بلكت تلكالي حال رحبت بيه اول مره اجت بنفسهه اخذتني
بقيت عدهه شهر حجيتلهه شلون اني انجبرت هيج اسوي على الركص والمذله وطلبت منهه تساعدني بلبدايه جانت حبابه بس بعدهه شرطت عليه اشتغل لحسابهه واركص بلنوادي والفنادق وافقت لان ماعندي حل ثاني مقابل محد ينام ويايه هيه وافقت جان اسمهه ام حمزه .....