#سالوفه_وداعك_كلفني_عمر

جزء_اخير

اتغيرت كل حياتي وماصدكت الي سواه الي عمر اتفاجئت من بعد شهرين جايب الشيخ وثنين اصدقائه عقد سيد عليه بجيت وفرحت وطرت وحلفت ماخونه ولا بنظره وشنو يريد مني اسويله وادلله لا زعلني بعد ولا ظربني ولا كولشي وين مايروح ياخذني حياتي من سعاده السعاده بس جان وجع براسي بين فتره والثانيه جان مئذيني وافقد الوعي ومادري بنفسي خطيه ماقصر افتر بيه من دكتور الدكتور حته الى اربيل الى ان طلع عندي مرض خبيث بلدماغ اظلمت الدنيه بعيونه هاي المره  الموت مامنه مفر جنت اشوفه مكسور واحاول اخفف عنه واظحكله وادلله وانطي كل وقتي  وابد مايفاركني اتمر الايام احس المرض بي مو بيه حته للناصريه كام مايروح ابد باقي يمي واني بديت اخذ كيمياوي واحاول اتعالج بس حكم رب العالمين اكبر الهنا يمكن ويخلص عمري يمكن رب العالمين عوضني بهلسنتين الراحت ويمكن الله خله بيه هذا المرض حته اقابله بوجه ابيض خام ونظيف احمدك ربي على كل حال اللك اتوب وارتجي تغفرلي وتسعد عمر وتعوضه بكل حزنه فرح اذا الي عمر اعيشه اشكرك خليتني اعيشه يمه ابيته وبحظننه وجوه ستره هذا بيتي وحياتي ومماتي عمر دنيتي وفرحتي دعائي ومرادي وكلشي حلو وحزين تمنيت يصير عندي طفل منه تمنيت ابقه وياه الى ان نعجز ونكبر سوه اتمنيت كلشي حلو لاكن لا اعتراض على حكم رب العالمين كتبتلكم سالفتي بكل تفاصيلهه يمكن هاي ايامي الاخيره ويمكن الله ينطيني عمر اكثر  اذا حبيتو قصتي ادعولي اعيش حته يفرح عمر شكرا لهتمامكم ......
ذكرتلي قصتهه من كانت طيبه وتترجه الحياه لاكن شاء الله بأن تختفي كل احلامهه وصوته وتفغه اعيونهه باحضان القبر وليس احضان عمر .... كتبت سالوفتهه من بعد ماجاني طيفهه ربي يرحمهه برحمته الواسعه اما عن عمر فما اعرف شي عنه ....