#سالوفه_وداعك_كلفني_عمر

جزء_رابع

م حمزه بدت تشغلني عدهه بلركص والدعاره وجان شرطي محد ينام ويايه قبلت وعلى هلحاله بقيت سنه عدهه طبعا ماجنت املك شي يمهه كل الوارد الهه وكلشي الهه الى ان فد يوم جنت مريضه وماكدرت اطلع للشغل بقيت بلشقه وبلشقه جنه خمس بنات جانت ام حمزه جايه ومسويه كعدت سكر بيهه دخلت عليه وكلتلي ابو مشتاق يريدج اني كتلهه مااطلع ولا اريده احنه مو متفقين محد ينام ويايه رفظت وكلمه مني وكلمه منهه ظربتني وهددتني بلشرطه ياخذوني بتهمة دعاره بقيت رافضه وماهمني شي بس الحقيره نفذت تهديدهه الي بعد الساعه خمسه الفجر هيه طلعت وعافت البنات كل وحده بغرفه وياهه رجال ومااشوف اله قوه من الشرطه اداهم الشقه وياخذونه بتهمة دعاره ويرحلونه لان مانملك اي مستمسكات تثبت هويتنه جانو البنات مو كلهم عراقيات قسم سوري ومغربي واني عراقيه من بينهم كل هذا العذاب وسموني بنت ليل حقكم هاي بنت الليل ....
المهم اترحلت للحدود عن طريق البصره اني ومجموعه من البنات هم جانو مرحليهم من الكويت والبحرين والامارات استلمنه واحد عبد من عبيد الزبير تعرفون ذوله الكيوليه والغجر بقيت وياهم لا حول الي ولا قوه اكيد محد يعرف عن اهلي وحياتي شي واكيد اسمي غير شكل مو زينب يسالوني واذكر عمر جان يسميني العنود لان مافد يوم قبلت ايبوسني او يحظني جنت اعانده فيسميني العنود جنت اكلهم هذا اسمي اكيد جانت العنود احلاهم طول وجسم وشعر وعيون وسيعه جانت تجذب الزلم اكثر واكثر للمكان الي هيه بيه والربح هواي كل مازادو المخمورين والهتليه كل مازاد الربح جنه نطلع حفلات وطكطه ومحد يعرفنه كل بنيه من مكان شكل بس اني جنت البس خمار وانزل شعري على اعيوني بلكت محد يعرفني وفد يوم من الايام طلبو الفرقه الاني بيهه العرس فد شيخ بلناصريه رحنه ست بنات ويانه الولد ١٠ بلدفوف والركص اهناك وبين الدنيه وبين كل الناس واشوف حبيبي عمر روحي نظر عيني ودنيتي مرادي من كل شباك وشمعتي بكل صينيه نذر اي هذا عمر الجان يلف يشماغه عليه يغطيني من الهوه هذا عمر الجان يرجف قلبي بمشيته وعيونه وخزرته هذا عمر حبيب عمري هذا الي من ودعته متت بيوم اوداعه وماخليته ايشوف اجنازتي هذا شبابي وظحكتي ودمعة اعيوني الحزينه لبست خماري وحليت شعري الاسود ونزلت بنصهم اركص وابجي على اغنيه رعد الناصري
القلب مامال للغير القلب عدكم وسألو
ادور وانشد الناس واعاين بس بلوجوه
لا اندل واجيكم واسألمن عليكم
اذا مو جيه بيكم عليه القلب ودوه