#سالوفه_وداعك_كلفني_عمر

جزء_خامس

اني عمر ابن شيخ واصلي اشيوخ عمري ٣٤ سنه حجتلكم الحبيبه عني شويه بس ماكلتلكم شسوت بيه من اجيت ودورتهه ومالكيتهه جانت العنود روحي ونظر عيني جانت هواي الاتنفسه عشر سنين من العذاب عايشهم بين صورهه وذكرياتهه وظحكتهه امر ابابهم واتذكرهه من امتانيتني اعاين بشباكهه واتخيلهه لا ليلي ولا نهاري نهار جنت ادرس كليه عسكري من راحت صح مامتت بس اني والميت سوه بدلت حياتي وطبعي صرت كولش قاسي وكولش جسر وهواي اشرب وهواي اسوي علاقات حته انساهه بعد خمس اسنين من زواجهه ازوجت بنت عمي عادي بدون اي وعي عشت وياهه وجنت انهزم واتحجج بشغلي حته اجنب زوجتي  ودوره وره دوره وترقيه الى ان صرت نقيب وتركت ديرتي واهلي وبقيت بس ابغداد اداوم وتمر الايام على هلحاله ماعرفت ابد شي عن زنوبه كلت اكيد نستني سألت هواي عنهه ماعرفت اي شي كل الي اعرفه اخوهه استشهد وابوهه توفه وبقه بس اخوهه بلديوانيه واني ابد ماوصلت بعد لهناك حته زوجتي خليتهه تعيش يم اهلهه بلناصريه وكل فتره والثانيه اروحلهه فد يوم صار عرس ابن عمي رحت من الدوام حته ماغيرت بدلتي العسكريه والمظيف والخيم مليانه ناس كالوو الولد اليوم جايبين فرقه من البصره وياهم وحده اسمهه العنود كلهم ميتين عليهه
اني من سمعت باسمهه قلبي ظل يوجعني واتذكرت اسم زنوبه من جنت اسميهه العنود من اتعاندني جريت نفس شك صدري ودنكت راسي مرت الساعات وبده العشه وبعدهه نزلت الفرقه براقصاتهه جانت من بينهم وحده تركص بس بخمار شعرهه نفس شعر زينب طولهه نفسه اعيونهه نفسهه جانت تجنبني من تركص وادير وجهه بسرعه جنت اتخيلهه زنوبه بكل حركه واكول مستحيل هيه سبع اسنين فاتت مستحيل ايجوز لان شربت وكمت اخربط خل اروح واستر على روحي اتحاشيتهه وكمت اريد اروح قبل ماروح  جان تفقد الوعي وتوكع وكع خمارهه صار نص شعرهه على وجهه اجه واحد راد يشيلهه فبين زندهه اثر جويه انجنيت اتخبلت بس شسوي لا اكيد سكران لا هاي هيه لا اكيد سكران مو هيه لالا موهيه زنوبه شيجيبهه ويه ذوله هاي منووو وظليت بحيرتي وشكي وكل شويه يمر ابالي الاثر نفسه اثر جويه محبسي من حميته وطبعته بزندهه حته اعاقبهه اوف اتذكرت من جانت تبجي من جويتهه وبقيت ابجي على بجيتهه
اتذكرت كلشي مثل الحلم جنه البارحه ولا جنه فاتت اسنين وبقيت بشكي ردت اسال حاولت محد عرفهه ولا احد شايف شكلهه كامل وبعد العرس مباشرتا راحت الفرقه بقيت اسال وماعفت الشغله صدفه صديقي واخويه علاء سافر للامارات بشغل الشركه النفط كتله يسألي عن العراقين الي اهناك ماعرف شي عنهه بس عرف عن زوجهه مسافر الى الى المانيا بس وحده من ٦ اسنين زين زنوبه وين مااعرف وهذا ليش وحده هم مااعرف بعد كل هلتحريات صديقي بلديوانيه ضابط طلبت منه يلقي القبظ على اخوهه احسان يحقق وياه وبعدين انكله اسفين مشتبه بيك وبلفعل نفذلي الي اريده
وجان صديقي ذكي يعرف اشلون يستجوب ولان ضابط تحقيق سهل عليه هوايه شغلات
كلمه منه كلمه من اخوهه عرفت انو هيه منهزمه من زوجهه وزوجهه مسافر من اسنين اتخبلت كل اكيد هاي هيه ماكو غيرهه رحت للبصره ولان احنه ضباط واصدقاء وناس تعرف ناس طلبت من صديق الي يشتغل بمركز ان يدليني بلمكانات التتواجد بيهه مكانات الدعاره ......