#سالوفه_وداعك_كلفني_عمر

جزء_ثامن&تاسع

بده يتقربلي واني ارجع ليوره انفاسه ولهفته غظبه واعيونه التشدح نار بلظلمه الحد ماوصل يمي وصار وجهي بوجهه بقه يباوعلي واباوعله وادموعي تنزل سألني ليش بعتيني ؟
جاوبته خفت عليك يكتلوك
وراسا ظربني راشدي وكعت بلكاع رجع جرني عليه وسألني بكم حظن نمتي ؟
جاوبته الدنيه ذبتني بارخص حظن
ورجع ظربني راشدي بكل حركه منه وسألني شوصلج الهيج وشلون صرتي رخيصه ؟
جاوبته هوه جان يجبرني اصير هيج واذا مانفذ الي يريد يكول الى اهلي يكتلوك
رجع ظربني راشدي والنار تطلع ويه كل نفس من انفاسه وسألني من شوكت تربات ايدي رخيصه ؟
جاوبته من ماتت بحظن غيرك
رجع ظربني ويه كل سؤال وجواب يظربني وابجي وسحلني للغرفه قفلهه عليه وبقه كاعد بظهر الباب يبجي ويغلط ويسبني ويلوم حظه والدنيه بقيت كاعده وره الباب اسمعه واتوسل بي واحجيله كولشي وشلون اتعذبت من غيره وشنو شفت وشنو الي صارلي وابد ماهده بقه قافل عليه الباب ومن وره الباب يحجي الحد ماطلع الصبح سمعت تلفونه رن واتصلو عليه طلع وبقه الباب مقفول باوعت من شباك الغرفه عليه نزل وصعد سيارته وراح بقيت منتظرته الحد كم ساعه بعدهه غفيت على الجربايه وجانت اطول نومه نمتهه صح ظربني وصح سبني وغلط صح تهمني بلرخيصه وحقه كولشي يسوي بيه حقه جانت ظربته الي امان من دنيه وصخه جانت شوفته فرحه عمري صح بجيت بس اول مره ابجي من فرحتي اول مره انام على فراش دافي ومااتخيل احد يجي يعتدي عليه جان عندي يقين يرجع لهذا قلبي غفه مطمن من بعد هلسنين الراحت اول مره انام مرتاحه .
رجع للمغرب اجه وماحسيت عليه اله يكعدني ويكولي كومي اكلي
كعدني وكلمه ماحجه وطلع كمت اطلعت للحمام غسلت وجهي ونفسي وكعدت اكباله جان مخلي الاكل على الطبله وياكل مدنك اكل شويه وراح غسل واجه على قنفه نام ودار وجهه بهدومه وحذائه جان كلش تعبان انتظرت الحد مايغفه وكمت جبتله غطه من الغرفه وغطيته ونزعته حذائه اجيت اعدل المخده جوه راسه فتح اعيونه وخزرني اني ابتسمتله بس بقه يخزرني ورجع غطه وجهه ونام عفته ودخلت للغرفه بعدهه لليل كعد راسا فز واجه على الغرفه يباوع جنه جان خايف مايلكاني .
باوعتله ودنكت راسي ظل واكف يم الباب يباوعلي ويشرب جكاره وساكت جانت نظراته الي تموتني
كتله لو تظربني اهون مما واكف هيج تباوع عليه
جاوبني لو اموتج مايبرد بركان صدري
واجه يمي كعد راسا رفع الفستان الجنت لابسته وطلع رجليه وطفه جكارته برجليه ظليت اتوجع واحاول ابعد ايده بس ماكدرت ظربني وعافني وراح رجع قفل باب الشقه عليه وراح بقيت ابجي واتوجع ومالي حل طبعا مااطلع واعوفه خلي يموتني الموته على ايده جنه بقه كم ساعه بره ورجع بلوحده بليل من اجه بقه كاعد بلهول اجيت كعدت يم رجله وحاجيته ......

بعد مااجت وطلعت يمهه بقيت افور عليهه بين احظنهه لواظربهه شلون اعاقبهه شنو اسألهه ويه كل سؤال اجاوبني واظربهه حيل قسيت عليهه وادري يمكن راح تكرهوني لان عذبتهه بس هاي تربات ايدي واعرفهه من تتعاقب تعترف بغلطهه بقيت اظربهه وحبستهه الليل كله اغلط عليهه واسبهه واهينهه وهيه تحجيلي عذابهه مااعرفت شسوي بعدهه اجاني اتصال لازم اطلع وارجع للدوام قفلت الباب عليهه ورحت ورجعتلهه جايب اكل اجيت ولكيتهه نايمه ماحست عليه ابد جانت غافيه كعدت يمهه على الجربايه ظليت اباوع عليهه واتلمس ايدهه اعاين على شعرهه على وجناتهه على شفايفهه وجسمهه اتقرب الهه واشم ريحتهه وانفاسهه اعاين ادور على ذيج البريئه الطفله وادورهه وين ماالكاهه النايمه كبالي شبه ميته وين ظحكتهه وين نظرات اعيونهه ولهفتهه الي وين ذيج الكصايب السوده الجنت احير ششتريلهم قراصات وين خلخالهه الجنت اذوب من اسمع جرصاته من وره الحايط اوف ياازينب اوف ياسباحه قلبي ووردتي الربيتهه وسكيتهه بيدي كبرتج اكبال عيني بس رحتي عني ظعتي داسو عليج المايعرفون ايشمون ريحتج جنت اخاف اتقربلج ماردتج تذبلين ردتج تبقين نظيفه الى اول ليله عرس بينه بقيت اسولف ويه روحي واعتب الدنيه واشكي الى الله حالي وحالهه وبعدهه كعدتهه حته تاكل عفتهه تاكل ورحت غسلت وتمددت على القنفه ودرت وجهي الهه مادري شكد غفيت
بس من كعدت كعدت مرعوب فزيت كبل على غرفتهه ادورهه لكيتهه كاعده وعينهه على باب جنهه دكلي هياتني لا تخاف ماروح بقيت ساكت اباوعلهه بقيت واكف واشرب جكاير وعيني عليهه
هيه مدنكه راسهه كلتلي لو تظربني اهون عليه من نظراتك كتلهه مايطفه بركان صدري لو شنو اسوي بيج
جيت وكعدت يمهه رفعت فستانهه وجريت رجليهه كتلهه هاي رجليج الحلوه الجنت استحي اباوعلهن هانت عليج نفسج شكو رخيص يشككهن بعيونه  وطفيت الجكاره بيهه وظربتهه لبست جاكيتي وطلعت واني اسمع بجيهه وكل عبره تنزل منهه تجوي قلبي بس من لا جاره هيج اصرف
عفت الشقه وطلعت رجعتلهه بعد كم ساعه جيت كعدت بلهول وره شويه اجت يم رجليه كعدت وايدهه على ايدي خلتهه اتباوع بعيوني واشوف اعيونهه جمر من البجي ظليت ساكت اسمعهه.....
*عمر
*عمري
*لو تموتني احسن موتني اذا هذا يريح قلبك اتريد تاخذ ثارك مني اخذه بعد روحي ودنيتي كلشي بيدك اسوي سوي اني وروحي وكلشي بيه ايروحلك فدوه
*عمرر تذكر من جان عمري ١٠ سنين وجنه رايحين *للمدرسه اني وياك نمشي وتعبت وشلتني على ظهرك حمال باشي
*تذكر من مره امين جرني من شعري واجيتك ابجي *ورحت كتلته وكسرت سنه وفصلوك من المدرسه شهر
*تذكر مره من بلغت وماخلوني العب بعد وياك اشسويت
*اي زعلت منج وطلعتي انتي وعمتج وظربتج بلطوبه حته اشوفج وجع افراكج شلونه
*وبقيت اني ابجي لان ظربتني على صدري واذيتني
*مو اجيتج اركض ومسحت على صدرج وانتي سكتي
*اي سكتت لان راح الوجع بلزمه ايدك
*تذكر مره بلعاشر مال محرم من جان ابوك يطبخ ويصير عدكم اقرايه ااحنه يمكم ختلنه اني وياك وره البيت وبقينه ساكتين وواحد يباوع على ثاني ونظحك
*اي بوكتهه ردت ابوسج وظربتيني على ....... كرهتج بوكتهه اذيتيني
*وسميتني العنود
*بس العنود صارت برخص التراب
*بدونك صارت برخص التراب ارجع وخليهه يمك اذا اهلهه رخصوهه والي باعوهه اله باعهه ارجع اشتريهه خليهه يمك خليهه تنولد من جده وجديد وياك لو تموتهه بيدك وتدفنهه اذا هذا يغسل عارهه بعيونك
*مااكدر اموتهه وروحي معلكه بيهه
وبلا وعي جريتهه بحظني وبجينه اني وياهه تشهك مثل الطفله بحظني مكسوره ومابيهه حيل تحجي