"هو انا هفضل ع طول ف الضغط دا.... هم ليه مش عايزين يسبوني ف حالي ... انا كبرت وعارفه انا بعمل ايه كويس ... ومن حقي اختار شريك حياتي وبمزاجي وع كيفي"
_ ي بنتي هتفضلي ترفضي كدا كتير ومن غير اسباب واضحه حتي
= ي ماما انتو ليه مش عايزين تفهموا أن دي حياتي وانا اللي اختار مش حد تاني
_ احنا معترضناش اختاري بس تفكري وتتعرفي عشان تعرفي تختاري مش لا كدا وبس
= انتو ضاغطين عليا جامد ... انا عارفه أن اللي قدي اتجوزوا واللي اصغر مني بقا معاهم عيال ... وان تعليمي مش هيفيدني واخري بيتي وجوزي وبلا بلا بلا
كفايه بقا الأسطوانة دي زهقت وشبعت منها ... انا بشر وبحس ومن حقي أقرر واختار مستقبلي هيبقي ايه .... تقدري تقوليلي هي الناس بتتجوز ليه!!!!
_ يعني ايه ليه انتي هتستهبلي !!!
= شفتي ي ماما حتي انتي مش لاقيه إجابة اقولك انا ليه
_ بت انتي العريس زمانه ع وصول مش فاضيه لمحاضراتك دي ...
= طبعا لما تحسي اني صح عايزه تهربي من كلامي اللي هيصحي جواكي حاجات ياما ...
هقولك بس أن الحياه مشاركه وانا من حقي اختار اللي يشاركني حياتي مش واحد يأمر وعايز اللي ينفذ ... عايز حقوقه من غير ما يعرف واجباته ايه!!!
_ بقولك ايه هتطلعي تقابليه ومتتاخريش بلا وجع دماغ بنات اخر زمن
" يوووووه هو انا ليه محدش فاهمني.. ليه محدش حاسس بيا .... طيب ي ست ماما هطفشهولك وقاعده ع قلبكم لحد ما الاقي اللي ع مزاجي "
طلعت طبعا لا هتكسف ولا هتخجل ... هو جاي يعاين وانا كمان هعاين هو هيتجوز لوحده 🙂 ايه القمر اللي قاعد داااا .... بردو لا كلهم صنف **** وشبه بعض ولا يهزني"
= السلام عليكم
° وعليكم السلام ورحمه الله وبركاته
°أزيكِ
" ايه ازيك دي.. دا جاي يتعرف ولا يصاحبني دا "
= اه تمام
° مش هتسأليني أخبارك ايه!!
= نعمممم ... هو انا اعرفك !!!
°اه دبش من أولها!
= ايييييه دبش انا دبش ي ماما شايفه المعامله انا مش موافقة ....
° مش موافقه ع ايه انا مطلبتش حاجه لسه اصلا
_ي بنتي اسمعيه للآخر هعملكم حاجه تشربوها وارجع الاقي نتيجة...
"خرجت ماما وانا بقيت مش ع بعضي ولا قادرة اقعد حاسه نفسي مكسوفه جداااا دا طلع الموضوع محرج اوووي .... بيبص عليا كتير اوووي كأنه هياكلني بعينيه زي اي راجل اصلا هم كلهم كدا .... بصيت عليه عمل نفسه من بنها... وبعدين بقا هو سكت ليه وليه حاسه أنه فجأة قرر يتكلم بنظراته وبس اووووف وبعدين بقا"
° طبعا بتسألي نفسك سكت ليه!!
=انا!!!! إطلاقا ي بني ... بس نفسي اخلص من القعده دي
° وانا كمان والله
= نعمممم ... هو انت كمان حد غاصبك تيجي
° يعني انتي مغصوبه انك تقابليني !!!!,
=لاااا... بصراحه اه واخلع بقا عشان معندناش بنات للجواز
° اممممم طب بصي انا جيت هنا عشان حاجه كان نفسي اقولها من سنتين بس طالما انتي ....
= حاجه ايه!!!
° لا مش هتنفع هنا ولا هتنفع غصب
= امااااال
° مش طالب غير معااااد وهتعرفي كل حاجه واي إجابة لاي سؤال جه ف دماغك
" ايه هو دا كمان دا مجنون رسمي ميبنش عليه ولا ع الشياكه دي ... دي طريقة جديدة للشقط شكلها "
° ايه روحتي فيييين ... عموما بكره الساعه 4 ف الكافيه اللي جنبكم دا
=مش ها......
° هتيجي وانا متاكد من دا ... اشربي الشاي انتي وماما بقا😂
.....
