ᑕᕼᗴᖇIՏᕼ

Chapter-1

Unicode

ပြင်းရှရှWhiskeyတစ်ခွက်။
တငွေ့ငွေ့လောင်မြိုက်နေတဲ့ Cigarette တစ်လိပ်ရဲ့ထိပ်ဖျား။
ခပ်ပြင်းပြင်းရှိုက်လိုက်တော့ လည်ချောင်းကနေ အဆုတ်ထဲပြေး၀င်သွားတဲ့ အခိုးအငွေ့ကရူးလောက်စရာ။
Cigaretteငွေ့ကို Whiskeyနဲ့မျှောချလိုက်တော့ ပူဆင်းသွားတဲ့အခိုက်အတန့်က လူ့စည်းစိမ်တစ်မျိုးလိုလို။

မီးရောင်တွေ စုံတယ်။
လူတွေအားလုံးလည်း ကနေတယ်။
ယောကျ်ား၊မိန်းမ ကိုယ်လုံးချင်းတိုးဝှေ့ပွတ်သပ်နေကြတာက ဒီနေရာမှာတော့ အထူးအဆန်းမဟုတ်ဘူး။
တစ်သီးတစ်သန့် တစ်ယောက်တည်းထိုင်နေတဲ့ကျွန်တော်ကသာထူးဆန်းနေတာ။

Clubလာတဲ့လူတို့ရဲ့သဘောသဘာ၀ကိုက သောက်မယ်၊ကဲမယ်၊ကမယ်၊အထာပေးမယ်။
မျက်စိကျတဲ့သူတွေ့ရင် ကပ်တိုးလေးညှိကြည့်
အဆင်ပြေရင် တစ်ညတာကတော့ဘေးမှာလူတစ်ယောက်နဲ့ပေါ့။

ကနေတဲ့လူတွေဘက်ကိုကြည့်ရင်း ခေါင်းတွေနောက်လာတယ်။
တီးလုံးသံကလည်း နားထဲကိုဆောင့်တိုး၀င်နေသလိုပဲ။
လူအုပ်ကြီးကို ကျောခိုင်းပြီး Cigarette ကိုခပ်ပြင်းပြင်းထပ်ရှိုက်လိုက်တယ်။

ဒီနေရာနဲ့မအပ်စပ်တဲ့ကျွန်တော်က ဒီနေရာမှာအကြာကြီးဆက်ထိုင်နိုင်ဖို့ဆိုရင် Cigaretteတစ်ဘူးလောက်တော့ အနားရှိနေမှ‌ဖြစ်မယ်။
မလိုက်မဖြစ် မလာမဖြစ်တဲ့အကြောင်းအရင်းကြောင့်သာ ဒီနေရာမှာရှိနေရတာ။
မဟုတ်လို့ကတော့ ယောင်လို့တောင်ခြေဦးလှည့်ချင်တာမဟုတ်ဘူး။

နောက်ဘက်ကနေ ပခုံးကိုလာပုတ်တဲ့လက်တစ်ဖက်က ကျွန်တော့်ရဲ့စိတ်ညစ်မှုတွေအဆုံးသတ်တဲ့အချိန်ရောက်ပြီဆိုတာအချက်ပြလိုက်သလိုပဲ။

လှည်ကြည့်လိုက်တော့ 'သူ'ဆိုတာလုံး၀မလွဲ။

ခါတိုင်းတလက်လက်တောက်နေတဲ့သူ့မျက်၀န်းတွေက ရီဝေဝေဖြစ်နေပြီဆိုတော့ အရက်ရှိ‌န်လေးတက်နေပြီထင်တယ်။

သူ့ခါးကိုသိုင်းဖက်ထားတာက sexyကျကျမိန်းကလေးတစ်ယောက်။

အဲ့ဒီမိန်းကလေးက သူ့ရင်ဘတ်ကိုပွတ်သပ်နေတဲ့အပြင် ကပ်ပါးတစ်ကောင်လိုတွယ်ကပ်နေတော့သူ့ရဲ့မျက်ခုံးတွေသိသိသာသာတွန့်ချိုးလာပြီးမျက်နှာထက်မှာလည်း သဘောမကျဘူးဆိုတဲ့အရိပ်အယောင်တွေကအပြည့်။