Unicode
တဟုန်ထိုးတိုက်ခတ်နေတဲ့လေရဲ့တဝီဝီအသံက ဆောင်းထားတဲ့ဆိုင်ကယ်ဦးထုပ်ကိုဖြတ်ပြီးနားထဲမှာပဲ့တင်ထပ်နေသလို လေရဲ့ဦးတည်ရာကိုဆန့်ကျင်လို့သွားနေတဲ့ဆိုင်ကယ်ရဲ့အရှိန်ကြောင့် ရှောင်းကျန့်မျက်ခုံးတွေခပ်လှုပ်လှုပ်ရယ်။
မနေ့ကကားသိမ်းသွားတဲ့အဖိုးကြောင့် taxiစီးပြီးရုံးကိုသွားဖို့လုပ်ပေမယ့် ရိပေါ်ကဆိုင်ကယ်နဲ့သွားကြဖို့အတင်းဆော်ဩနေတာကြောင့် ရှောင်းကျန့်လည်းမငြင်းသာတော့။
ညတုန်းက အဖျားတွေတက်ပြီးကယောင်ကတမ်းတွေပြောနေတဲ့ရိပေါ်ကအခုကျသူမဟုတ်တဲ့အတိုင်း လန်းဆန်းလို့ရယ်။
ရုံးမတက်ပဲနားပါဦးလို့အတန်တန်ပြောနေတာတောင် အဆင်ပြေပါတယ်ချည်းပြောပြီး အတင်းဆိုင်ကယ်ထုတ်လာတဲ့ရိပေါ်ကိုရှောင်းကျန့်လည်းမတားနိုင်။
လူကောင်သေးသလောက် ခေါင်းကြောအရမ်းမာတဲ့ဟာလေး။
ခုလဲ ဖင်ကုန်းစီးရတဲ့ဆိုင်ကယ်ကြီးကို အသားကုန်လီဗာကုန်ဆွဲပြီးမောင်းနေလို့ အနောက်ကနေဘုရားတပြီးလိုက်နေရတယ်။
ဒါက ပထမဆုံးအကြိမ်ဆိုင်ကယ်နောက်ကထိုင်လိုက်ဖူးတာဆိုတော့ မကြောက်စဖူးနည်းနည်းတော့ကြောက်နေမိတယ်။
ကိုယ်ကသာ ဆိုင်ကယ်နောက်မြီးကိုတင်းကြပ်နေအောင်ကိုင်ထားတာ။
ရှေ့ကပေါက်စီလုံးကတော့ ဆိုင်ကယ်ဂွကြားညှပ်လိုက်တာနဲ့ ဇောင်းတန်းကလွှတ်လိုက်တဲ့မြင်းလို ဒရောသောပါးမောင်းထွက်တော့တာပဲ။
ကားတွေကြပ်နေတဲ့ကြားက ကွေ့ဝိုက်ပြီးမောင်းနေတာတောင် လက်ကိုင်တစ်ချက်မယိုင်တဲ့ရိပေါ်ရဲ့ skillကသေးတော့မသေးဘူး။
ဒါပေမယ့်လည်း အခန့်မသင့်ခဲ့ရင် လူပျိုဘ၀လေးနဲ့သေသွားရမှာကိုနှမြောမိတာကြောင့်
"ဟေ့ကောင်! အရှ်ိန်လျှော့ပြီးမောင်းစမ်းကွာ၊ငါမသေချင်သေးဘူးကွ!"
"ဟမ်!"
"အရှိန်လျှော့လို့ပြောနေတာအဖေရဲ့!!!"
"ဘာပြောတာလဲ မကြားရဘူး!!"
ဆိုင်ကယ်ဦးထုပ်တွေဆောင်းထားတဲ့အပြင် ပတ်၀န်းကျင်ကလေသံတွေနဲ့ဆိုင်ကယ်စက်သံတွေကဆူညံနေတာကြောင့် ရှောင်းကျန့်ပြောနေတာကို ရှေ့ကရိပေါ်ကကြားပုံမပေါ်။
YOU ARE READING
ᑕᕼᗴᖇIՏᕼ
Fanfiction"မင်းထားခဲ့ရင် ငါ..ငါ ရူးမှာ" "မင်းကို ငါကထားရက်ပါ့မလားရှောင်းကျန့်ရာ" Zhanyi Fanfiction "မင္းထားခဲ့ရင္ ငါ..ငါ ႐ူးမွာ" "မင္းကို ငါကထားရက္ပါ့မလားေ႐ွာင္းက်န္႔ရာ" Zhanyi Fanfiction
