Unicode
အဝေးကြီးကိုရောက်သွားပြီဖြစ်တဲ့ရှန်ယွီကတော့သူ့နောက်မှာကျန်ခဲ့တဲ့ကျောင်းသားမိဘတွေဆွေးနွေးပြောဆိုနေကြတာတွေကိုမသိနိုင်တော့ပါဘူး။ရှန်ယွီဒီနေ့ကျောင်းကိုလာရတဲ့ရည်ရွယ်ချက်ကနှစ်ခုပဲရှိသည်။တစ်ခုကထန်လီနဲ့လိန်ယွီမန်တို့ကဘယ်လိုပတ်သက်မှုရှိလဲဆိုတာစုံစမ်းဖို့ရယ်၊နောက်တစ်ခုကကျောင်းကဆရာဆရာမတွေနဲ့ကျောင်းသားတွေကထန်လီကိုဘယ်လိုဆက်ဆံလဲဆိုတာသိနိုင်ဖို့ရယ်ပဲဖြစ်သည်။
တကယ်လို့ထန်လီပြောတဲ့အတိုင်းသာဖြစ်နေရင်တော့...
အဲဒီအကြောင်းကိုတွေးလိုက်မိတာနဲ့သူ့စိတ်တွေလေးလံလာသည်။သူ့ရဲ့မူလကအေးအေးဆေးဆေးနေတတ်တဲ့အမူအရာကလည်းတဖြည်းဖြည်းကြောက်ဖို့ကောင်းအောင်အေးစက်လာသည်။သူထန်လီကိုဒီကျောင်းကိုပို့ထားပေမဲ့ဗီလိန်လေးကိုတခြားသူတွေအနိုင်ကျင့်နေတာကိုတော့သူအေးအေးဆေးဆေးလက်ပိုက်ကြည့်နေမှာမဟုတ်ဘူး။
ဒါပေမဲ့သိပ်မကြာခင်မှာပဲတစ်ခုခုတော့မှားနေတယ်ဆိုတာသူသိလိုက်ရသည်။သူနဲ့ဦးလေးကျန်းတို့ထန်လီနောက်ကလိုက်ပြီးမာလ်တီမီဒီယာစာသင်ခန်းထဲရောက်တော့အခန်းထဲမှာကျောင်းသားတွေနဲ့မိဘတော်တော်များများရောက်နေနှင့်ကြတာကိုတွေ့လိုက်ရသည်။သူတို့ကထန်လီကိုမချေမငံဆက်ဆံကြလိမ့်မယ်လို့ရှန်ယွီထင်ထားခဲ့ပေမဲ့ကျောင်းသားတွေကိုကြည့်ရတာတော့ထန်လီရောက်လာတာကိုတော်တော်လေးပျော်ရွှင်နေကြပုံပါပဲ။
သူတို့ထိုင်ရမယ့်နေရာကိုမရောက်သေးခင်မှာပဲတက်ကြွနေတဲ့ကျောင်းသားအုပ်စုကသူတို့အနားမှာဝိုင်းလာတော့သည်။
"ထန်လီ သူကမင်းရဲ့အကိုကြီးရှန်ယွီလား။သူမင်းထက်ပိုကြည့်ကောင်းတယ်နော်။"
"ဝိုး ငါသူ့ကိုအခုမှအပြင်မှာပထမဆုံးတွေ့ဖူးတာပဲ။ငါသူ့ပုံကိုငါ့အဖေကုမ္ပဏီကအစီအရင်ခံစာတွေထဲမှာပဲတွေ့ဖူးတာ။ဪပြီးတော့ဟိုတစ်ခေါက်တရားရုံးကအင်တာဗျူးမှာရောပဲ။ဟ ဟ"
"ကိုကြီးရှန် အဲ့ဒီသတင်းထောက်တွေကိုသင်ခန်းစာပေးနေတုန်းကကိုကြီးအရမ်းမိုက်တာပဲ။ကျွန်တော့်မိဘတွေဆိုမကောင်းသတင်းတွေလျှောက်ရေးခံရမှာစိုးလို့သတင်းထောက်တွေရှေ့မှာအီးတောင်ကျယ်ကျယ်မပေါက်ရဲကြဘူး။"
![](https://img.wattpad.com/cover/236825929-288-k1505.jpg)
YOU ARE READING
ဗီလိန်လေးအားမွေးစားခြင်း
RomanceOriginal author - Sweet And Greasy Millet Porridge English title - After Being Transported into a Book,I Adopted the Villain Original publisher - jjwxc Type - Web Novel This story is not mine...