Book1: A Night With You

Chapter 7

-Seven-

Tapos na ang isang araw na kontrata ko ng pagtatrabaho sa NAS. Ang totoo nalungkot talaga ko, kasi kahit masungit ang boss ko, I enjoyed the job. Kaya naman ng matapos na ang araw, nahiling ko na sana ay mabigyan ako ng pagkakataong makapagtrabaho kahit hindi na bilang secretary.

Luckily, bago pa man matapos ang araw kahapon, nilapitan ako ni Mr. Sobremonte at sinabihang bumalik kinabukasan for I dont know what reason. Ganon man, I feel hopeful.

Ngayon nga ay paakyat ako sa floor kung saan naron ang office of the CEO pero ganon man ay si Mrs. Santillan ang pakay ko. Balita ko ay ngayon ang balik ng nag-leave na secretary ni Mr. Sobremonte.

Pumasok na ako sa loob ng elevator and press for the floor kung saan ako bababa. The door was about to close when I saw a girl na nagmamadaling tumakbo palapit. I immediately press a button para pigilan ang pagsara ng pinto ng elevator. Agad na pumasok sa loob ang babae.

"Hooh! Muntik na yun ah! By the way thanks." She said smiling na sinuklian ko naman while fixing her blouse na bahagyang nagusot Nakatingin ito sa repleksyon nito sa may pinto habang inaayos ang medyo nagulo nitong buhok. "Syet, late nanaman ako. For sure madadali na naman ako ni boss nito. Lintek naman kasing taxi driver yun, ang kupad! Pero kung makasingil naman ng metro tinalo pa si flash! Nakanaman oo."

Hinayaan ko na lang siya sa ginagawa niyang pagmo-monologue at hindi na pinansin pa. Maya nyan masabihan pa akong papansin kapag sumabat ako gayong hindi naman ako kinakausap.I took out my phone at tsaka itinext si Lilang para kumustahin kung kumain na ba si Rui. Alas sais trenta pa lang kasi ay umalis na ako ng bahay at alas siyete pa magigising si Rui, since alas-otso ang pasok nito at malapit lang ang eskwelahan.

Agad namang nagreply si Lilang at sinabing ihahatid niya na si Rui sa eskwelahan. I'm currently typing my message when I heard the lady beside me talk again.

"Sa top floor ka din pala? Anong gagawin mo dun? New employee ka ba? kasi parang ngayon pa lang kita nakikita eh."

"Huh? A-ah ... oo. Ako yung temporary secretary ng CEO kahapon since on leave yung secretary niya. Nandito lang ako kasi pinababalik ako." I slid my phone back to my bag at tsaka hinarap ang babae.

"Aaaahhhh ... ikaw pala." She's smiling widely while looking at me. "By the way, ako nga pala si Luz, Luz Emran. Ako yung secretary ni Mr. Sobremonte." Inilahad nito ang palad sa akin na agad ko namang tinanggap.

"Shiinel Vinicio. Nice to meet you." Kimi akong nakipagkamay at tsaka muling nanahimik sa isang tabi. Akala ko naman sa pananahimik ko ay ganon din ang gagawin nito pero nagkamali ako. Patuloy ito sa pagsasalita ng kung ano ano, na yung iba ay halos hindi ko na maintindihan. Ayoko namang magmukhang impolite kaya kahit medyo naririndi na ako ay nagkunwari na lang akong nakikinig. How I wish na makarating na kami sa top floor.

"Alam mo kasi si sir, sobrang sungit nyan. Grabe, parang wala na akong ginawang tama sa kanya, puro na lang mali, puro na lang kulang. Aba bakit? Kasalanan ko bang hindi ko mapantayan ang napakataas na standards niya? Ay naku talaga, alam mo kung hindi lang maganda magpasweldo ang NAS at hindi ko kailangan ng pera, hindi ako magtitiis kay sir Nick na talo pa si Bill Gates sa sobrang hirap abutin!"

"Talaga?" Yan lang ang tanging nasagot. Sa haba naman kasi ng sinabi niya ay hindi ko na alam kung ano ba ang dapat kung sabihin. I dont mean to be rude, pero yung totoo? Hindi ba makaramdam ang babaeng to na ayoko nang makipag-usap?

"Yah, pero siyempre char lang yung hindi ako magtitiis, kasi naman girl ... ayyiee." Hindi niya nga ramdam, uggh. Para pa itong teenager na kinikilig at hinampas ako ng mahina sa braso. "Ang gwapo gwapo kaya ni sir Nick! Okay lang na utos siya ng utos basta ba palagi niya akong pinapapasok sa loob ng office niya. Kaso hindi eh. Nakakainis nga, sinasarili niya yung trabaho niya at humihingi lang ng tulong kapag kailangan niya talaga. Minsan nga sinadya ko na lang magkamali sa pinapaggawa niya para lang ipatawag niya ako at makita ko s---Oopps." Napahawak ito sa bibig at tsaka gulat na napatingin sa akin.