༺༻🌹༺༻
*🇿UℬAℛ*
*🇭AWAYE𝒩A*
֍
༺༻🌹༺༻
, . - . - , _ , " ;
) ' - . .> ' '(
/ 🌹🌹 '\
| 🌹 🌹🌹 |
\ 🌹 / /
'=(\ /.='
'-;'.-'
')| ,
|| _🍃. -'
,_|| \_,/
*Տᴛ⌾ℛℽ & 𝒲ℛⅈᴛᴛℰℕ*
*ɮ̋ʏ̋✍*
෴ℛαвⅈ́'α𝙩 ѕвѕ෴
❨ცıɠ ɠᵃ̨ι❩
*©®-Aɴᴀ ᴛᴀʀᴇ Wʀɪᴛᴇʀs Assᴏᴄɪᴀᴛɪᴏɴ ✍🏻*
▬▬▬▬▬▬▬▬▬▬▬
➛➛➛➛➛➛➛➛➛➛➛
(wє ѧяє ṭһє ɞєśṭ ѧṃȏṅɢ ѧʟʟ wяıṭєяś)📚
https://mobile.facebook.com/Anatarewritersassocian/
Jσเɳ ɱε σɳ ωαƭƭρα∂:@Bเɠ-ɠαℓ
*DA SUNAN ALLAH MAI RAHMA MAI JIN K'AI DUKKAN GODIYA YA TABBATA GA ALLAH MAD'AUKAKIN SARKI ME KOWA ME KOMAI. WANNAAN LITTAFI QIRQIRARREN LABARI NE BAN YI SHI DAN CIN MUTUNCIN WANI BA,IDAN YA YI SHIGE DA HALIN MUTUM TO YA YI HAQURI NA YI NE DOMIN FADAKARWA DA KUMA NISHADANTARWA.*
*YADDA NA FARA WANNAN SABON LITTAFI LAFIYA, INA ROK'ON ALLAH YASA NA GAMA SHI LAFIYA*
*WANNAN LITTAFI YANA DAUKE DA ABUBUWAN MAMAKI KALA-KALA TA FANNI SOYAYYA DA KUMA ZAMAN TAKEWA NA AURE, KADA KU BARI YA WUCE KU, IN SHA ALLAHU ZAI RUNQA ZUWAR MUKU A KULLUM KO KUMA DUK BAYAN KWANA DAYA SABIDA YANAYIN RASHIN SAMUN ISASSSHEN LOKACI.*
*🌹ℙᴀɢᴇ ☞1-2*
Kyakkyawar mace ce, doguwa, mara jiki, shape d'in bakinta gwanin ban sha'awa, gashin girarta ta cika sosai, gashinta na ido zara-zara, hancinta dogo ne dai-dai misali dan bai yi tsayi da yawa ba, kuma bai yi gajarta ba.
Fuskarta ita ba mai fad'i ba, kuma ba mai tsayi ba, idanuwanta dai-dai misali dan su ma ba su yi yawa ba kuma ba su yi k'anana ba, duk da cewa ba fara ba ce chocolate colour ce, hakan ba zai sa a ce ita ba kyakkyawa ba ce ba dan ta had'a dukkanin abubuwan da ake buk'atar a ga wajen 'ya mace da shi.
Ba ta da jiki, kuma ba siririya ba ce, dan babu wani mahaluk'in d'a namiji da zai ganta bai ji ya yaba da irin tsarin halittatta ba.
Haseena kenan wadda ba ta haura shekaru ashirin da biyar ba, ko ymurmushi ta yi sai ya ratsa ko ina na yjikin d'a namiji bare kuma kallonta mai cike da birgewa.
Zaune take gaban dressing mirror ta na shafa turaren jiki wato humra, kasancewar ita mace ce mai son k'amshi, ta na shafawa ne a duk bayan lokacin da ta kammala yin kwalliya, a yanzun ma kwalliyar ta kammala dan har ta saka kayanta.
Fuskarta babu wani makeup sosai daga powder sai gira da ta yi da kuma d'an lip stick da ta shafa a labb'anta.
Ta yi kyau sosai musamman irin tsarin shigar da ta yi na riga da skirt na atampar, d'inkin ya da ce da jikinta, haka kalar kayan blue da yellow abin gwanin birgewa.
Gyara mayafin da ke kafad'arta ta yi, yayin da take k'ok'arin d'auko wata k'aramar jaka mai dogon hannu wadda ta yi dai-dai da kalar kayan jikinta ta d'ora akan mayafin, ta k'ara kallon madubi sannan ta juya ta fita cikin salon takun tafiyarta mai kama da tafiyar maciji.
Falo ta isa inda Lateef ke zaune jikin kujera ya na danna wayar da ya saba wadda a kullum ba ya iya gajiya da hakan.
Wani lallausan murmushi ta saukar ya yin da idanuwanta ke duban inda ya ke, cikin zazzak'ar muryarta me kama da sarewa ta yi masa magan "toh ni zan tafi sai na dawo" a fusace Lateef ya d'ago kai yana dubanta bayan da ya gama k'are mata kallo ya ce "ke wai wacce irin mara tunani ce mara hankali duk abubuwan da za ki har kin gama yin su kenan da ki ke shirin tafiya?
In ban da tsabar iskanci ma da hulak'anci sanarwar ma in za ki ba za ki iya zuwa in da na ke ki fad'an ba sai a hulak'ance za ki fad'an" saukar da murya Haseena ta yi ta na dubansa "haba Alhaji me kuma ka ke so na ce maka? Na ga duk abinda zan yi muku na gama yin sa iya ka ci ku yi breakfast kuma shi ma duk na had'a muku.
Me yasa dan Allah kai dai ba ka son zaman lafiya, duk lokacin da zan fita sai ka nemi rai ya b'aci, ko me na yi maka sai ka ce bai maka ba me kuma ka ke so? ina cewa kai da kanka ka ce mun na daina zuwa dab da inda ka ke duk ranar da ka ke amfani da waya, kuma na yi hakan duk bai yi maka ba?"
Ransa a b'ace ya mike tsaye yana dubanta "bana son maganar banza ni ki ke fad'awa wannan maganar? ke bari ki ji duk abin da ya ke damun ki zan maganinsa wallahi, dan baki isa ki kawon rainin hankali a cikin gidan nan ba, ni na ke aurenki ba ke ki ke aurena ba".
Kau da kai Haseena ta yi dan bata son tashin hankali da sanyin safiya,ta lura abinda ya ke nema da ita kenan dan haka ba ta biye masa ba, ta juya tana shirin tafiya "Ka ga ni sai na dawo dan na kusa makara wallahi, yanzu kafin na samu mota ma aiki ne, in ka je school d'in ma ka zama kai ne k'arshe ni bana so, na fi so na zauna a gaba".
Ta juya ta fita, ta na ji ya na mata magana ta yi banza kamar bata ji me ya ke cewa ba, sam! ba ta saurare shi ba.
Fitar ta ke da wuya Safwan ya tashi daga bacci a guje ya k'araso wajen Lateef ya ruk'e shi yana murza idonsa cikin shagwab'a ya ce "Abbah yunwa na ke ji", wani bak'in ciki ne ya tokarewa Lateef a zuciya ya ce "zo mu je ka yi brush sai ka zo mu yi breakfast ka ji" Daga nan ya ja shi su ka tafi zuwa toilet, tun kan su k'arasa Yesmin ta fito ita ma a guje "Abbah ni ma yunwa na ke ji" haka ya jasu zuwa toilet dan yin brush.
𑁍𑁍𑁍𑁍𑁍
Haseena kuwa bayan fitar ta daga gida kai tsaye bakin titi ta nufa, takaici da bak'in cikin abin da Lateef ya yi mata kawai ta ke, inda sabo ta ruga da ta saba ta na tafe ta na ta tunani da sak'e-sak'e gami da zancen zu ci.
Me yasa Lateef ya ke mata haka, yanzu har sun kai matsayin da hakan zai faru tsakanin su?, ta tambayi zuciyarta ko da yake ba laifinsa ba ne laifin iyayensu ne, ta k'ara lumtse idanuwanta da sauri ta bud'e ta ke ta katse tunanin da ta ke a kan Lateef ya yin da ta ke ci gaba da tafiya, ta danne zuciyarta ta fara tunanin zuwan ta makaranta.
Ko da ta k'arasa bakin titi ba ta wani juma da tsayuwa ba ta samu mota kamar an jefo mata ita nan ta hau ta tafi.
Minti arba'in su ka yi suna tafiya sannan su ka isa makaranta.
Cikin hanzari ta sauka sabida k'arfe takwas ta kusa, saurin ta runk'a zabgawa kamar ta tashi sama, amma a haka in ka dubeta kamar ba saurin take ba sabida yana yin nutsuwar tafiyarta.
Ta na cikin tafiya ta ji wayarta na ruri alamar kira ya shigo, ba ta bi ta kan wayar ba ta ci gaba da saurin da ta ke, duk da cewa ta san Dr. Sadad ne ko ta makara zai iya barinta ta shiga amma hakan bai sa ta fasa saurin da ta ke ba, dan bata son darasin ya wuce ta tafi so a fara da ita a kuma gama da ita, tafiya ta ke ta na duban agogon da ke mak'ale a hannunta tuni har takwas ta yi.
Haka kuwa a kai tun kan ta k'arasa Dr.Sadad har ya shiga ta na isa kai tsaye ta shiga ba tare da ya dakatar da ita ba, dan ko sauran 'yan ajin ma suna mamakin irin yadda Dr.Sadad ya ke wa Haseena wasu su ce sonta ya ke duk da sun san ta na da aure, wasu kuma su ce mutumci dai kawai ya ke mata.
Haseena Allah ya yi mata farin jinin mutane ba iya maza ba har mata dan haka ko ina ta shiga sai ta samu masoya, wannan ya sa wasu matan su ke nuna kishi a kanta sabida kowa na nuna sonta a fili.
Ko da Haseena ta nemi waje ta zauna ba ta saurari kowa ba, ko k'awayenta ba ta bi ta kansu ba dan ta san lokacin karatu ne ba lokacin surutu ba, face bin su da kallo kawai da ta yi ya yin da suma su ka kalleta tare da murmushi.
Jakarta ta bud'e in da ta zaro biro da memo wanda za ta yi rubutu jiki.
Har kawo lokacin kira bai daina shigowa wayar ta ba, amma ba ta d'auka ba, sai duban wayar kawai da ta yi bayan da ta fito da ita daga cikin jaka, number ce kuma ba ta san number ba dan haka ta yi gaggawar katse kiran, ganin ta na cikin aji yasa ta maida wayar silent.
𑁍𑁍𑁍𑁍𑁍
Lateef kuwa duk da k'uncin da ya ke ciki shi ya shirya Safwan, Yesmin kuwa da kanta ta shirya, sannan su ka yi breakfast, bayan shi ma ya yi wanka ya kimtsa daga bisani ya kwashe su zuwa gidan su in da zai ajjiye su sabida ba makaranta, shi kuma ya wuce zuwa wajen aikinsa.
𑁍𑁍𑁍𑁍𑁍
Su Haseena ba su bar makaranta ba sai k'arfe hud'u, ta na hanyar komawarta gida ne kuma aka k'ara kiranta da number da aka kira ta da safe, kamar ba za ta d'aga kiran ba sai kuma wata zuciyar ta ce ta d'aga dan ba mamaki daga gida ne aka kira ta ko wani abun ne ya faru.
Kiran ne ya shigo a karo na gaba dan haka ta latsa wayar ta karata a kunne ya yin da ta yi sallama, mamaki ne ya kamata jin muryar da ta amsa sallamar✍🏻
*_TAB'A KA LASHE, YAWAN COMMENT YAWAN TYPING_*
🌹☞ℬıɠ ɠᗅ̨ι *¢ɛ✍🏻* *_2021_*
YOU ARE READING
ZUBAR HAWAYENA
Short StoryLittafi ne me k'unshe da sark'ak'iya kala-kala ta fannin rayuwa da kuma zamantakewar aure.
