أبو عائشة

قصة كوميدية عائلية خفيفة ظريفة ومليئة بالاحاسيس المرهفة🌸

قصة: أبو عائشة⁦ ♥️⁩

شخصية مستلهمة من والدي، استقامة ظهري بطلي وحبيبي الأول والاخير وإهداءا ليه ⁦♥️⁩ بما اني الفتاة الوحيدة بين تلات دكور، كانت معاملتو ليا دائما خاصة وتربيتو وكلامو كدالك وهاد النوع من الآباء عليهم غادة نتحدت ونتعمق بطريقتي واسلوبي الخاص وكدلك غانوضف معاه الكوميديا باش تنال اعجابكم إن شاء الله .

قالوا ناس زمان:يمشي زمان ويجي زمان الجيب عامر والراس فرغان..اللسان معسل والقلب ڨطران..تولي الڨربة عود..الراي للنسا والحكم لليهود

يولي زمان مهماج وتكثر فيه لهماجة..وفي اخر زمان يعلا البنيان..وتكثر لفتان ويقل الإيمان..تقل النصايح وتكثر لفضايح..ولي جاي كثر من لي رايح

تكثر النسا وتغلا اللبسة..والقلوب على بعضاها تقسى ..يولو الرجال كي النخل والنسا كي النحل قاالو على اخر زمان يقل فيه الحياء ويكثر الريا

يولي الخير مشتت والراي مفركت..والحي يغير من الميت

يولي الخير ياسر..ومول المال واصل..ومول العلم حاصل..تجي ذرية كي المدفع.... في الدنيا ماتنفع وفي الآخرة ماتشفع

يولي الراجل هايم ونسا بلاكمايم،مابقالك في الدنيا ماتلايم

يولي كل واحد وكاسو...وكلها ونعاسوا،وكل واحد هز الهمو فوق راسوا..لخوات يدابزو كي لحناش تقساح