أبيلا روحي ❤️

الجزء (13)

#أبيلا_روحي❤️

الـحـلـقـة (13)

گـتـابـتـي #Koka_Saleh

:::::::::::::::::::::::::::::::::::::::::::::::::

" و كاد صوتها أن يغلب قلبي
فنظرت إلى عينيها فغلبت كلي "💜🌸

:::::::::::::::::::::::::❤️❤️:::::::::::::::::::::::

لايك قبل القراية وتعليق برأيكن بعد القراية 😍

::::::::::::::::::::::🌷🌷::::::::::::::::::::::::::::::::::

#في_الحلقة_السابقة

مشى الوقت لعند جت الساعة 3 في الليل

(في حوش عمي منعم )

أبيلا كانت راقدة عالسرير هي وجنة ووعت وهي غارقة في النوم ومازال النعاس مسيطر عليها بس كانت تبي الحمام
صبت وطلعت مالدار وكانت لابسة بيجامة نوم عبارة عن كت وشورت قصير
وطلعت في ممر الديار وكان الحمام نهاية الممر وكان ضي الممر كله طافي ومافيش الا ضي بسيط طالع مالحمام اللي كان نهاية الممر
طلعت طول ووصلت للحمام وخشت وقضت حاجتها وطلعت منه لكن وهي رادة لخبطت بين الديار وبدون مااتركز خشت الدار هانيبال وطاحت عالسرير وعلي طول ماخذاها النوم

/
/

هانيبال بعد عركته مع مصعب طول وهو برا الحوش وكانت أول مرة في حياته ايروح للحوش متأخر

خش للحوش وتوجه دغري الداره 😱

::::::::::::::::::::::::::::💛💛:::::::::::::::::::::::::::::

وصل لعند الدار وفتحها وخش
كانت مضلمة ومافيهش ولا بصيص ضوء
من دون ماايولع الضي حول الجلابية وعزقها عالسرير وحول السروال وقعد بالتوته الداخليه
حول البطانية من علي سريره وخش بس في لحظتها حس بثقل البطانية وكأن فيه حد عليها
قعد ايتلمس ولمس جسم بإيده
صبى بسرعة وولع الضي وانصدم أول ماشاف أبيلا بوضعها اللي هي عليه ولبستها 😳

تلخبط وتوتر وقعد يرعش الأول مرة ايشوف بنت قدامه باللبس هذا 😱

نزل راسه وقعد بستغفر
هانيبال / استغفر الله العظيم استغفر الله العظيم

وخر وصبى عند الباب وهو الدنيا مضببة عنده من كثر العصبية وعظ علي اسنونه ويحكي بشويش
هانيبال منزل راسه / انتي هاااي نوضي صبي

أبيلا كانت في سابع حلامة ولا كأنها حاسة بشيئ 😴

هانيبال لاقادر يرفع وجه ولا قادر ايعيط بصوت عالي خايف هله يسمعوه وايشوفها في الدار امعاه😳
شن حيكون موقفه ومببره بوضعها هذا وبلبسها اللي عليها

هانيبال بعصبية بس من دون ماايعلي صوته / انتي ه نوضي اطلعي من هنا😡

أبيلا /😴

هانيبال/ تي نوضي ينعن ام الساعة اللي شفناك فيها

أبيلا 😴