#أبيلا_روحي❤️
الـحـلـقـة (58)
گـتـابـتـي #Koka_Saleh
:::::::::::::::::::::::::::::::::::::::::::::::::::::::::::::
"گلما لملم قلبه ... يستقبل به طعنه جديده " 🖤🥀
:::::::::::::::::::::::::❤️❤️::::::::::::::::::::::::::::
لايك قبل القراية وتعليق برأيكن بعد القراية 😍
::::::::::::::::::::::🌷🌷::::::::::::::::::::::::::::::::::
#في_الحلقة_السابقة
(عند بدر وأبيلا )
امقمعز قدامها وفي يده المسدس ويضحكلها
بدر يضحك/ هذا المسدس اللي حينقتل بيه راجلك 😈
::::::::::::::::::::::::::::💛💛:::::::::::::::::::::::::::
أبيلا ساكته من برا بس داخلها ميته مالخوف قلبها ايدق بسرعة
وخايفة لو ايديرلها شيئ او ايدير الهانيبال حاجة قدامها
حتى لو هي صح كرهاته بعد اللي عرفاته عليه بس حبه مازال في قلبها ومااتمنش ان ايصيرله اي شيئ اييضره 🥺
/
/
(عند هانيبال والحاج بدر )
الحاج بدر / حتقدر توصله برقم تليفونه
هانيبال / فيه اجهزة مطورة توا ويقدرو يعرفو الشخص هذا وين من خلال رقم تليفونه واخر مكان كانت فيه الشبكة متوصله بالشفرة
الحاج بدر / ان شاءلله تلقاهم
هانيبال / ان شاءلله
الحاج بدر / اي حاجة اتصير امعاك كلمني
هانيبال / باذن الله
نزل الحاج بدر مالسيارة وهانيبال ولع وطلع
وهو في الطريق رن تليفونه وكان الشخص اللي كلمه بخصوص الرقم وهانيبال رد دغري
هانيبال / شن صار عرفت مكانه
هو / لا ماقدرتش انحدد المكان لان الرقم مقفل له فترة طويلة واخر مكان كان فيه مفتوح عنوانه -----
ومل عليه العنوان وكان عنوان شارع المزين
هانيبال / مافيش كيف انحددو المكان
هو / مافيش الا إن نرجو الرقم ينفتح وقتها بس نقدرو انحددو المكان
هانيبال / تمام وبارك الله فيك
وسكر وهو متضايق أكثر لأن عرف من خطف أبيلا بس مش قادر يعرف مكانها 💔
قعد ايدور في الشوارع بسيارته الهم راكبة
والخوف مسيطر عليه
والدنيا كلها اسكرت في وجه 💔
/
/
(عند جنة )
من طلعت ثابت يجري عرفت ان فيه شيئ صاير بس معش عرفت شن هو وقعدت مشغولة وحاولت اتكلم هلها كلهم
وماحصلتش حد فيهم
اللي ماايردش واللي مسكر تليفونه
ورقم ثابت ماكان عندها
قعدت مشغولة ومش عارفة شن اللي صاير
أنت تقرأ
أبيلا روحي ❤️
Mystery / Thriller"إنَّ الله يقذف الحب في قلوبنا، فلا تسأل مُحبًا.. لماذا أحببت!" 💛 قصتنا حتكون مختلفة من كل النواحي يجتمع فيها الحب والرومانسية والغموض والأكشن 💛
