أبيلا روحي ❤️

الجزء (45)

أبيلا_روحي❤️

الـحـلـقـة (45)

گـتـابـتـي #Koka_Saleh

:::::::::::::::::::::::::::::::::::::::::::::::::::::::::::::

‏"ربما في نقطةٍ ما، علينا التوقّف
عن الاهتمام، عن القلق، عن الخوف
وصراعات الشوق والغيرة على أشخاصٍ
لا تفورُ مشاعِرُهم لنا بنفس الطريقة."

:::::::::::::::::::::::::❤️❤️::::::::::::::::::::::::::::

لايك قبل القراية وتعليق برأيكن بعد القراية 😍

::::::::::::::::::::::🌷🌷::::::::::::::::::::::::::::::::::

#في_الحلقة_السابقة

هانيبال قرب خطوتين منها وهو ايديه في ايديها وضاغط بقوة / ماتهزيش انتي جد حياتك في خطر الموضوع اكبر ماتصوري وافقي علي زواجنا عشان نقدر نحميك منهم

أبيلا شافتله / مستهدة انموت ولا نجوزك وكرت ايديها منه ولفت شور الباب وفتحت قفل الدار بتطلع

هانيبال / عمي جمال كان في منظمة سرية هو وامك المنظمة كبيرة واي تنظيم إرهابي تحت المنظمة هذي والمنظمة هذي هي اللي قتلتهم وقبل ماايموت وصاني عليك لان خايف عليك منهم

أبيلا لفت عليه وشافتله بعيون مليانة ادموع 🥺

هانيبال قرب منها ومسك وجهها بين ايديه/ وافقي علي زواجنا ونا نوعدك حنحافظ عليك ونحميك

::::::::::::::::::::::::::::💛💛:::::::::::::::::::::::::::

أبيلا بعدت منه بسرعة/ ايوا بان هلي هقيقتك أنت واهد كذاب تهحكي هكي بس هشان نقبل نزوجك

هانيبال / والله مانكذب عليك اللي قلته بخصوص هلك صح وباتك قبل لا ايموت وصاني عليك لان عارف اكويس اني نقدر نحميك

أبيلا بعصبية/ بابا لو هرف هقيقتك اللي نا هرفتها مستهيل ايوصيك هليا أنت واهد إرهابي ماليك أمان

هانيبال بعصبية / معش اتقولي إرهابي نا مش هكي 😡

أبيلا / لاااا انت هكي أنت إرهابي تقتل في أرواح الناس البريئة
خنت اهلك وناسك واتخون في بلادك ومش هكي وبس خنت هتى دينك قدام العالم لأنك أنت واللي زيك شوهتوه وخليتو كل هد مش مسلم لما ينقال كلمة مسلم قدامه ماايفكرش الا في القتل والدم والذبح والتفجير ويهساب ان كل مسلم هكي
والكلام هذا غلط لان زي مافيه ناس بلا ضمير زيك فيه واجد زي همي منهم ومهمد ايهببوك في الإسلام ويهطوك صورة اكويسة هليه نا لو فكرت نسلم واقتنعت بيه حنقتنع هشانهم مش هشانك بعداته من قدامها وجت بتطلع وفي آخر لحظة لفت عليه

أبيلا / نا كرهتك وكرهت كل لهظة امهاك كنت نهسابها هلوة
وندمت إني هرفتك واني جيت هنا أساساً نكرهك ياهانيبال نكرهك لهند ماانموت وطلعت وخلاته