أبيلا روحي ❤️

الجزء (15)

#أبيلا_روحي❤️

الـحـلـقـة (15)

گـتـابـتـي #Koka_Saleh

:::::::::::::::::::::::::::::::::::::::::::::::::

‏"نحن لا نُحب حين ننبهر، نحن نحب حين نطمئن".❤️👌

:::::::::::::::::::::::::❤️❤️:::::::::::::::::::::::

لايك قبل القراية وتعليق برأيكن بعد القراية 😍

::::::::::::::::::::::🌷🌷::::::::::::::::::::::::::::::::::

#في_الحلقة_السابقة

ابيلا عجبتها الاغنية وقعدت اتصفق وترقص بإيديها امعاها ومصعب امهيج وايغني فيها الابيلا وجنة من لاورة تضحك علي اهبالهم وكان جوهم ايهبل 🙈

كان وراهم سيارة اتبيب اتبيب ومعش سكتت بكل
ركز مصعب في مراية سيارته وشافها كانت سيارة هانيبال 😱

/

(عند جمال )

كيف خش للدار وسكر الباب وراه وقفله وتقدم خطوات لعند وصل للكوميدين اللي جنب سريره وفتحه وطلع منه تليفونه
لقى رسالة جايته لما فتح لقاها من روز وكان مضمونها

(Je pense qu'il a découvert quelque chose que vous faites, car votre nom est souvent mentionné ici, vous représentant vous-(même et Abella
(أظن أنه اكتشف أمر ماتفعله فإسمك يتردد هنا كثيرا انتبه لنفسك ولأبيلا )

/

(عند عامرية )

من بعد اللي داره بدر في الصبح وهي حابسة روحها في الدار

متمددة في سريرها وادموعها علي خدها واتفكر وكلام بدر ايرن في وذنها 💔

وبعد تفكير طويل صبت من سريرها ومشت للمراية قعدت اتشوف الروحها والوجها المتشوه 🥺

اخر شيئ نظرة الوجهها نظرة قوة وثقة وهي اتفكر
ومسحت ادموعها

عامرية / أنا لازم اندير الشيئ اللي من زمان كان لازم انديره
وطلعت مالدار

::::::::::::::::::::::::::::💛💛:::::::::::::::::::::::::::::

عامرية طلعت من دارها وطلعت من حوش جدها ومشت الحوش هلها اللي جنب حوش جدها
وصلت عند الباب وقعدت مصبية فترة طويلة وهي اتشوف للباب زين وبعدها رنت عالجرس وفتحتلها نجمة

نجمة / اوووو عامرية جتنا هنا غريبة 🙄

عامرية / باتي قاعد

نجمة / اها توا روح مالمزرعة اللوطانية قاعد ايدوش

عامرية / امي جوا

نجمة / اها خشيلها

خشت عامرية هي ونجمة ولقت امها في الصالة اتفرج عالتلفزيون واول ماخشت عامرية ناضت مفجوعة

أم عامرية بخوف / كنك جاية حنك ولا جدك فيهم حاجة

عامرية / مااتخافيش جاية نبي باتي بس