#أبيلا_روحي❤️
الـحـلـقـة (18)
گـتـابـتـي #Koka_Saleh
:::::::::::::::::::::::::::::::::::::::::::::::::::::::::::::
ثم يأتي شخص ، و يجعلك تشكر الله على جميع من رحلوا 💚
:::::::::::::::::::::::::❤️❤️:::::::::::::::::::::::
لايك قبل القراية وتعليق برأيكن بعد القراية 😍
::::::::::::::::::::::🌷🌷::::::::::::::::::::::::::::::::::
#في_الحلقة_السابقة
( عند رجب )
من بعد اللي صار وهو ايفكر في كلام علي عالدواعش
وان يخدم امعاهم
وبعد تفكير واجد قرر يطلع الاقرب تمركز للجيش وايبلغ علي علي
طلع وركب في سيارته وكان متوجه الاقرب نقطة جيش
وفجأة قعدت وراه سيارة تلحق فيه واتضايق فيه في الطريق لعند معش تحكم في السيارة وطلعت منه عالطريق وخش في الساس وكانت الخبطة قوية بكل 💔
::::::::::::::::::::::::::::💛💛:::::::::::::::::::::::::::::
حادث رجب كان حادث علي طريق رئيسي وزي اي حادث ايصير في لحظات السيارات وقفن والتموا عالسيارة وسعفوا رجب اللي كان غارق في دمه للمستشفى 🥺
/
/
(عند محمد )
الرسائل اللي جنه من منار كانن صاعقة بالنسبة له
يسمع في تسجيلات الصوت وهو مصدوم
ايتفرج عالمقطع وهو متمني في قلبه لو يقدر ايكذب اوذانه واعيونه ولا غزل تطلع زي منار 💔
كان في موقف وشعور لا يحسد عليه
اول مرة ايحب اول مرة ايكون راغب بنت بالطريقة هذي وتطلع وحدة الدرجة مش قادر ايقول عليها اي كلمة غلط 💔
كل اللي كان علي السانه من الصدمة في لحظتها هو
محمد / اللهم يا مؤنسَ كلِّ غريب ويا صاحب كل وحيد ويا ملجأ كل خائف ويا كاشف كل كربة أسألك بأن تقذف رجاءك في قلبي حتى لا يكون لي هم ولا شغلُ غيرك وأسألك أن تجعل لي من أمري فرجًا ومخرجًا إنك على كل شيء قدير
وطلع مالدار ومالحوش كله 💔
/
/
(عند هانيبال )
حط تليفونه جنبه وتمدد عالسرير وغمض عيونه وصورة ابيلا ووجها محفروات في خياله
قعد يستغفر وكأنه ايشوف في جن قدامه
بس الصورة قاعدة وماحولتش
فتح عيونه
هانيبال / شن اللي قاعد ايصير امعايا ليش انفكر فيها
تنهد من وسط قلبه وقال
هانيبال / مرن في حياتي بنات اشكال الوان طول عمري انغض في بصري ولا بنت قدرت تضعفني حتى إسراء اللي زوجتي ماحسيت امعاها الإحساس هذا 💔
أنت تقرأ
أبيلا روحي ❤️
Misteri / Thriller"إنَّ الله يقذف الحب في قلوبنا، فلا تسأل مُحبًا.. لماذا أحببت!" 💛 قصتنا حتكون مختلفة من كل النواحي يجتمع فيها الحب والرومانسية والغموض والأكشن 💛
