#أبيلا_روحي❤️
الـحـلـقـة (35)
گـتـابـتـي #Koka_Saleh
:::::::::::::::::::::::::::::::::::::::::::::::::::::::::::::
لا اعتقد أنني سألتقي بشخص يمكن مقارنته معكِ ، ولا اعتقد أن يلفت إنتباهي أحدًا غيركِ ، يمكن أن أتحدث مع جميع أنواع البشر ، لكنني دائمًا ما أجد نفسي أفكر ؛
- لماذا هم ليسوا ساحرين مثلكِ ؟! 🖤✨
:::::::::::::::::::::::::❤️❤️::::::::::::::::::::::::::::
لايك قبل القراية وتعليق برأيكن بعد القراية 😍
::::::::::::::::::::::🌷🌷::::::::::::::::::::::::::::::::::
#في_الحلقة_السابقة
(عند هدية )
كانت تشتغل في شغلها في المستشفى واتنظف في الأقسام من قسم القسم
وبعد كملت تنظيفها خذت في يدها معدات التنظيف ومشت بيهن شور غرفتهن الخاصة
هي وصلت للغرفة وفيه حد وراها غملها خشمها وفمها بمادة مخدرة لعند أغمى عليها
/
هانيبال قرب من أبيلا / خلاص اهدي كل شيئ له حل
أبيلا بعصبية / اللي اليوم كان بيقتلني كال ان بيكتلني زي ماكتل بابا ونا هارفة ان بابا مات مشنق روهة تقدر انت اتفهمني اللغز هذا
هانيبال معش عرف ايرد عليها وسكت
أبيلا بعصبية / فهمني كيف قتل بابا وبابا مات مشنق روهة 😡
هانيبال / بعد انروحوا الليبيا حنفهمك كل شيئ
أبيلا زادت عصبت / نا مش ماشية الاي مكان نا خلاص بنموت هنا
هانيبال بصوت حاد / بتسافري امعايا وغصبن عنك 😠
أبيلا بعصبية / قتلك لا مش ماشية وانت اللي لازم تمشي مانبيش انشوفك لما يقتلوك كدامي وبسببي وقعدت تبكي بهستيريا وادف في هانيبال تبيه يمشي 😭
هانيبال زاد قرب منها ومسك ايديها بقوة
هانيبال بعصبية / ونا نبي انموت امعاك وعشانك لأني انحبك 😡
::::::::::::::::::::::::::::💛💛:::::::::::::::::::::::::::
أبيلا الكلمة نزلت عليها زي الصاعقة وحست برعشة قوية في كل جسمها
وفي لحظة وقفت عن البكى قعدت امبلمة عيونها واتشوف الهانيبال زييين 😳
أبيلا بصدمة وصوت فيه رعشة / أنت سمهت شن قلت توا
هانيبال تنهد من وسط قلبه وشافلها بنظرة كلها حب
هانيبال/ قلت انحبك ومش عارف إذا اللي قلته صح ولا غلط بس نا معش نقدر اندس حبي اكثر من هكي
سكت اشوي وقعد ايشوف العيونها بنظرة كلها حب وحنان
هانيبال / من اول يوم شفتك فيه وحسيت بشعور غريب في الاول كنت نحسابه كره بس مافيش حد يكره حد يقعد يبيه جنبه طول الوقت مافيش حد يكره حد يقعد ايغار عليه ومايبيش حد يحكي امعاه
كنت لو نلقى اندسك جوا قلبي وماحد ايشوفك غيري ولا يسمعك غيري 💛
أنت تقرأ
أبيلا روحي ❤️
Mystery / Thriller"إنَّ الله يقذف الحب في قلوبنا، فلا تسأل مُحبًا.. لماذا أحببت!" 💛 قصتنا حتكون مختلفة من كل النواحي يجتمع فيها الحب والرومانسية والغموض والأكشن 💛
