أبيلا روحي ❤️

الجزء (19)

#أبيلا_روحي❤️

الـحـلـقـة (19)

گـتـابـتـي #Koka_Saleh

:::::::::::::::::::::::::::::::::::::::::::::::::::::::::::::

- لعل الأبتلاء الذي لا تحبه يقودك الى قدر أفضل لم تحلم به 💗...

:::::::::::::::::::::::::❤️❤️::::::::::::::::::::::::::::

لايك قبل القراية وتعليق برأيكن بعد القراية 😍

::::::::::::::::::::::🌷🌷::::::::::::::::::::::::::::::::::

#في_الحلقة_السابقة

برا في المستشفى كانوا كلهم لاهيين ويحكوا عاللي صار والكل مشغول في موضوع هدية

فيه حد استغل انشغال الكل وتسلل بشويش لعند خش للعناية علي رجب

::::::::::::::::::::::::::::💛💛:::::::::::::::::::::::::::::

الشخص خش علي رجب للعناية وكان مغطي وجه بغطاء وجه أسود مش باينات منه الا اعيونه وفمه

رجب اول ماشافه خش وسكر الباب حاول ايصبي بس كان مش قادر بسبب العملية اللي دايرها

كان ايحاول يحكي بتعب / من أنت شن تبي هنا ?

هو قرب من رجب ورجب مش قادر ايدير شيئ من الالم ومن الأجهزة اللي عالقات فيه

وصل في رجب اللي كان مستسلم وعارف انها حتكون نهايته 💔

هو طلع موس من جيبه وحطه علي ارقبت رجب

هو / ايسلم عليك علي وايقولك اللي صار فيك هالمرة انذار والمرة الجاية لو حاولت توصل للشرطة واتبلغ عليه حيقتلك ان شاءلله كنت في وسطهم وانت عارف اكوبس ان نقدروا نوصلولك في أي مكان

رجب كان ايشوف بعيونه ومصدوم ماللي يسمع فيه
وفي لحظة ابتعد الشخص هذا من رجب وطلع بسرعة مالعناية

وقعد رجب يحمد في ربه إن مازال عايش
بس كان مصدوم في قوة الناس هذوما كيف يقدروا ايديروا اي شيئ لو حتى الواحد قتل صاحبه مقابل ان ايعيش هو عادي 💔

/
/

(عند هدية )

خش بيها نجيب وهو ايكر فيها وهو ماسك وشاحها وشعرها من تحت الوشاح وعزقها في الحوش

نجيب بعصبية / تبي اتجيبلي العار قدام الناس قاعدة في المستشفى لعند الفجر

هدية تبكي / نا نخدم مش بيدي موعد الترويح والدكتور هو اللي قال ماحدش ايروح

نجيب بعصبية / تكذبي عليا تبي اتركبيلي قرون وربي ندفنك في مكانك ولا اديريلي العار

هدية صبت وبعصبية / حنريحك بكل والخدمة معش ماني ماشيتلها

نجيب بعصبية وصوت عالي/ وبالك نا اللي نبيك تخدمي اندفسي هنا ولا عاد فيه طلعة لا خشة لعمد مااتموتي