َّسلَيِّلَ أّلَغٌضبِ

🙂بارت السابع والثلاثون🙂

كلها منك ..

شوغتي الرافگت ليلي،

والدموع التچوي خَدي

وطيحتي بكل مغربيه

و انعزالي الأذه اهلي،

وظلمة الغرفه التغثهم

مِن يشوفوني ضگت طعم الاذيه ..

وزادي اليصبوا وارفضه

يأذي امي المادرت شنهي القضيه

وأصدقائي المني مَلو

مِن نجي نگعد سويه

هَسه اني خلِ افترض أيامي

تِنساهن

ما عندي يمك صور ؟

بـَ الصدفه تلگاهن

شو اني من اختنگ

بـ الليل اطلع الصور 

واتعاتب وياهن !

احسد كلمن يخلص صبرة

وينزل دَمعةة گبال الوادم

هنيال اليتذكر ناسةة

ويظَل مِشتاگ ومَ نايم

اتمنى اضعف وابچي هوايةة

اكثَر حالةة تاذي الواحد

مِن يصير اقوى من اللازم ..

وارجع واگلك يَ گلب

بَسك ولك لا تحِن

صح هوَ يحلاله اللحِن

كل القوافي والوَّزن

بَس عافك بِـ ليلة سَهر

صاحب النجمات ومشه

وخله الگُمر كُله طَعن

بَسك ولك لا تحنّ !

                        _________

غضب..طلعي بره

سليل..نزلت واني دموعي تجري اني شريد ليش من اشوفه احنله وبعدين احجي حجي يجرح ليش

ساره..شبيج

سليل..مابيها شي يله طلعنه الطريق كوله اني ساكته وصافنه لحد مو صلنه نزلت كبل صعدت فوك للغرفتي شمرت عباتي وكعدت على الچربايه ابجي ضليت ابجي يمكن ساعه اني بس ابجي كمت دخلت للحمام سبحت وبدلت وطلعت حتى شعري ممشطت نمت مخدتي نترست دمع كل ماذكر شحجيت ويا وشلون جان نايم على عباتي كلبي يحركني نضراته من كتله انت مريض موتتني ليش هذا التناقض لبيه ليش اني احبه واريده بس صعبه ارجع واني اشوفه يخوني بس لفيديو هوا مخاني هفففف ربي اني بدوامه عايشه نمت من التعب والتفكير ثاني يوم جان العرس لبست فستان بيجي بطني بارزه بي ولبست حذاء كعب اسود شعري مسويت بي شي خليته مفتوح بس شلت من الجوانب شويه مكياجي بيجي صار وحمره وردي ازبري ساره ونرجس نفسي بكلشي اني وياهن سويه طالعين توم ههه سحور جانت طالعه اميره ابدلتها لبيضه ومكياجها ناعم تخبل حبيبتي اجه وسام اخذها ورواد اخذنه للقاعه دخلنه قبلهم لين هما يدخلون ويا فرقه كعدنه كدام وبدت الفرقه ادك اول دكه عبالي صارت حرب فزيت فزه هههه  وبدت الاغنيه تشتغل وهذله لبنانين يركصون يربي شكد حلو صارو بنص القاعه وسام اخذ سيف وساحره هم وضلو يركصون بلسيف وثنينهم خجلانين خو سحر خدهاا احمر من الخجل وسام يبتسم صار بنص الفرقه البنانيه ولزمو وضلو يركصون ويا وسحر لازمه لسيف وتركص وتبتسم