َّسلَيِّلَ أّلَغٌضبِ

🌹بارت الرابع والعشرون🌹

تكسر وتجبر يـ گطعي

‏ضوگتني ملاهف الملگة وخنگتي

‏عيب اگلك تعبتني

‏عيب احشمك بالمحنة

‏انتَ الحنين الـ عودتني !

والله شدّه

هو ما راضي عليّه

وانا ما راضي عليْه

ولا يهدني ولا أهدّه

شلون شدّه !

لا السيف يفعل بي ما انت فاعلهُ

ولا لقاءُ عدوي مثل لقياكَ

لو باتَ سهمٌ من الاعداءِ في كبدي

ما نالَ مني ما نالتهُ عيناكَ

_________

سليل..الصبح خابرت نرجس وحجيتلها كلشي

نرجس..وهسه شلون سليل ماريدج ترجعين لغضب هوايه تأذيتي من ورا

سليل..هفف نرجس مادري شسوي بس ماريد انزل كلمه ابويه

نرجس..اني خايفه عليج سليل

سليل..ضليت ساكته

نرجس..اليوم اجي عليج واحجي ويا عمو حتى نطلع

سليل..وين

نرجس..نجهز للعرس استاذ سجاد خبص الدنيا من نجحنه

سليل..ههه روحو انتو اني شعندي جايه وياكم

نرجس..دمشي نشوف البدلات حبابه بعدين انتي مو اختي عيب تعوفيني بحدي

سليل..ههه اوك لحد العصر اجتي نرجس وحجت ويا ابويه وقبل بدلت لبست بنطرون اسود وقميص نيلي وقمصله هم نيلي وبوت اسود وشعري سويته ذيل حصان وطلعنه للمنصور جهزو كلشي مكياج عطورات ملابس وسجاد مكيف ويضحك كتله نقطيت خويه وجاي تضحك

سجاد..كلهن داسجلهن خيتي وحده وحده من نزوج اطلعهن

سليل..ياعزا بعينك ههههههه دخلنه محل مال بدلات حسيت احد لزم ايدي نداريت شفته غضب فتحت عيني

غضب..عندي واجب بل منصور اني وقائد كاعدين لمحت سليل ضليت صافن عليها جان وياها سجاد وصديقتها شفتها وكفت كدام محل مال بدلات نزلت من السياره ورحت لزمت ايدها

سليل..غضب

غضب..شعندج هنا

نرجس..اني ردتها ويايه دنجهز مال عرس

سليل..ضغط على ايدي قوي غمضت عيوني وفتحتها ايدي

غضب..تعالي احجي وياج

سليل..اشرت النرجس هسه اجي رحت يمه خير

غضب..عدلي اسلوبج احسلج

سليل..غضب رجاءا موكت عركات اني طالعه ويا صديقتي علمود عرسها

غضب..كتيلييي