َّسلَيِّلَ أّلَغٌضبِ

🌺بارت السابع عشر🌺

‏يا ساكنين بلادًا لستُ أُدرِكها

‏ولا إليها بهذا الوقتِ مِن سُبل ِ

‏بلا وداع ٍ تفارَقنا ولا أمَل ٍ

‏ولا عُهودٍ ولا قول ٍولا قبَلِ

‏كيفَ التلاقي؟ وهلْ ألقاك

‏في زمَن ٍوأنت عنّي

‏ببُعْدِ الأرض ِعنْ زُحَل ِ

‏ما أبْعَدَ الدارَ مِنْ داري وأقرَبَها

‏منّي ومَا بيْننا بعضٌ مِنَ الدّوَلِ
  
                               ___________

سليل..واني مااكدر ارجعلك وماريدك

غضب..باعي بعيوني واحجي

سليل..ماريد اساور تعالي اخذتها من ايدها ومشيت وبدت دموعي تجري شلون اباوع بعيونه واني اموت عليهن شلون اكله اني ماحبك وصلت للبيت مسحت دموعي ودخلت جوا شفت ساره كاعده ولازمه بطنها كبارن صاير حلو دخلت بشهر الخامس هسه

ساره..سليل حبيبي العصريه نروح اني وياج للدكتوره نشوف جنس الحلو مادري الحلوه

سليل..صار ساره بعيوني

ساره..سليل شو مو على بعضج شبيج عمري

سليل..مابيه شي حبيبي بس تعبانه راح اصعد انام

اساور..ابب انليوم سفنه ابب(غضب اليوم شفنه غضب)

ساره..اووف يا غضب شوكت ناوين نخلص من هلسالفه

سليل..صعدت سبحت وبدلت وجيت نمت حتى ممشطت شعري ماريد افكر بي ولا ابجي نمت رأسا فزيت على صوت ساره تكعدني نروح للدكتوره كعدت غسلت وبدلت مالي واهس وغصه بداخلي طلعنه الطريق كله ساره وكيان واساور يشاقون واني صافنه على الجامه كمت اخاف ارجع الحالتي قبل اخاف ارجع انتحر اخاف احد من اهلي يصير بي شي مو كافي امي ماتت بسببي اني السبب بموتها اني لسبب هيه عافتنه وراحت واخذت حيلي وياها فزيت من صفنتي على ايد اساور ادغني باوعت عليها ها اساوري

ساره..وين صافنه سليل

سليل..هيج داباوع على العالم

كيان..بيج شي سليل

سليل..لا كيان سلامتك وصلنه للدكتوره طبعا نفسها دكتورتها من جانت حامل بأساور حاجزين قبل منجي بس كدامنه كم مره كعدنه اني وساره واساور نسولف لحد مأجه دورنه دخلنه تلاثتنه هيه رأسا كامت

الدكتوره.. هله بأم اساور هله اسو

ساره..هله بيج دكتوره

الدكتوره..شلونج

ساره..بخير الحمدالله وانتي

الدكتوره..عايشين خير حبيبتي خو مابيها شي اساور

ساره..ههههه لا مابيها شي هياتها بس جيتج اشوف صحت النونو الجديد شلونه

الدكتوره..هههه تفضل على السديه نشوفه