َّسلَيِّلَ أّلَغٌضبِ

🌸بارت العشرين🌸

يمّ بابَك تراب أنطُفي

و أنباگ و أتوزّع ضِحك

چّم ثوب إلك جاسَه المُطر

بطُولك عِثر ذاك النَهر

ما صحّ عُطر ..

يَـ التسبَح برُوحي شبَعد !

حُضنك بُرد ..

سولفنّي يمّ گلبك حَزن

بلچن تحنّ و ترد حَضن .

ومِن بَعدتي

يَا وَردتي

مِن القهَر حَسيت گلبيّ

يريد يريد يطلع من مچانه

ومِن مَشيتيّ وحَلّ صُبحنّا

أدور بروحي عَليه ومامش آنه !

                            _________

سليل..حضني قوي كتله بيتنه محلو بدونها وعائلتنه مو نفسها قبل

رواد..والله نفسها قبل واحله بس شنو ساره لين موزين عليها تمشي فا احنه يمها بعدين انتي موتدرين هيه مريضه واحنه يمها لازم نطيها معنويات حتى يجي ايهومي بخير

سليل..هزيت راسي شوكت نطلع

رواد..شويه لخ نطلع هسه وسام يجي ونطلع

سليل..ضليت كاعده ربع ساعه واجه وسام وطلعنه من المستشفى للبيت دخلت شفت ساره كاعده بل حديقه وصافنه من اجيت كامت بسرعه اجتي يمي

ساره..سوده عليه يعمر ساره حياتي شبيج

سليل..مابيه شي حبيبي شويه تعبت وهسه صرت زينه انتي شعندج هنا مو حلفتج متتحركين

ساره..والله جنت خايفه عليج يروحي

سليل..بستها من خدها واخذتها للغرفه ترتاح نطيتها دواها نيمت اساور واني نمت بصفهن الصبح حسيت اساور تكعدنه

اساور..نوووموووو يا تساله نوومو( كومو يا كساله كومو)

سليل..ههههه اشش ولج ماما نايمه

اساور..نعانه(جوعانه)

سليل..حبيبي اخذتها سويت ريوك وصبيت كعدنه نتريك ويسولفون ويايه ويشاقون ادري هما تعبو ويايه هوايه باوعت على بابا الدمعه بعيونه ويضحك لزمت ايده وبستها اسفه بابا

ابو وسام..على شنو باباتي

سليل..هوايه اذيتك وهوايه خليتك تخاف عليه وقلقتك حبيبي اني اسفه

ابو وسام..حبيبتي اسو  انتي قويه واعرف بيج انتي اقوه كل اخوانج واعرف بيج راح ترجعين على رجلج واقوه هم حبيبتي انتي

سليل..ابتسمت طلعو لكل للشغل بقينه بس اني واساور وساره نضفت البيت وخلصت ادور على اساور ماهيه طلعت للحديقه لباب مال شارع مفتوح لبست لبشت مالي حتى بدون حجاب نسيت البسه شكد منخبصت وين راحت لبنيه عزا طلعت دورت عليها وصلت النص الشارع ايدي نجرت باوعت شفته غضب