َّسلَيِّلَ أّلَغٌضبِ

🌹بارت الثاني عشر🌹

كُل رِسآله آنطبعت چفوفك عليهآ

بـ گلبي ذِبهآ ..!!

حَته لو تِبدي بـ آكرهك آنه آحبهآ..

                           ________

سليل كمت نزلت جوه شفتهم ديحجون كعدت بصف بابا كتله بابا اريد اطلب منك طلب

ابو وسام..عيونج الج بابا

سليل..نزلت راسي حتى بعد ماعندي دموع ابجي خلصن دموعي كتله اريد بعد كل فتره نروح نشوف ماما

ابو وسام..كل فتره اخذج بس اني هم اريد اطلب منج طلب

سليل..امرني بابا

ابو وسام..اريدج تتعالجين يم دكتور نفسي

سليل..بابا اني مو مخبله

ابو وسام..منو كال مخبله يا ابويه بس اني خايف عليج

سليل..اني مو مخبله حتى اتعالج يم دكتور نفسي بابا ماريد لتخاف عليه

ساره..سليل راجعي احسن الج والنه حبيبتي

سليل..احسن الكم لتخافون مراح اگتلكم ادري محد بيكم يحبني بس ماما وراحت وعافتني يمكم عفتهم ودخلت لغرفتها وقفلت لباب كعدت بلزاويه طلعت من جيوبي مرايه مكسوره احسن شي اسوي هذا اروح يم امي احسن اريدها هيه عافتني هنا واهلي يخافون مني صرت مخبله يمهم شكيت ايدي وضليت كاعده وابجي ماما كتلج راح اجيج بسرعه وهاي هسه راح اجيج حبيبتي مر لوقت عيوني كامن يغوشن وبعد محسيت بشي بس حسيت احد يضربني على خدي فتحت عيوني شفته نفسه الدكتور الي عالجني من تخربطت رجعت غمضت عيوني واسمع اصوات وهوسه

ساره..دخلت سليل للغرفه اني مجان قصدي انو احنه نخاف منها لين نفسيتها تعبانه والله جان قصدي انو احنه دنخاف عليها تتعالج احسن الها شكد حاولت وياها مفتحت لباب مرت ساعات حتى مطلعت كلبي كام يوجعني رحت دكيت الباب سليل حبيبتي وينج والله مجان قصدي شي فتحيلي لباب حبيبي

رواد..ساره صارلها هوايه جوه

ياسر..دكسرو لباب خاف سوت شي بنفسها

وسام..هاي مفتاح النسخه ثانيه

ساره..فتح وسام لباب دخلنه كلنه باوعت سليل كاعده بلزاويه والكاع كلها دم وهيه فاقده الوعي جان منضرها مرعب نسيت كلشي وسام ورواد ركضو شالوها من شافها ابويه هيج رأسا تخربط عباله لاسامح الله ماتت اخذناهم للمستشفى رأسا للطوارئ الدكتور نفسه مال سليل الدكتور ضربها على خدها مرتين فتحت عيونها ورجع سدتها رأسا اخذوها للعمليات وابويه بلطوارئ صرت بين ابويه وبين سليل كمت الوم بنفسي اني جرحتها بلحجي ابويه رفض يبقى بلطوارئ واجه يمنه ضلينه واكفين الى ان طلع لدكتور

الدكتور..عمو مو كتلك خلي تتعالج علاج نفسي

ابو وسام..دكتور باجر كلت اخابرك ونتفق شلونها بنتي