َّسلَيِّلَ أّلَغٌضبِ

🍃بارت التاسع عشر🍃

ومَرّني كلشي

الشوارع والصحاري وصوت جاهل

واللافتات البيها إِسمَّك

وگُمر آخر ليله بِـ بغداد الحزينه

ومَرّني آخر طيف بِـ عيون المدينه

داس جدامي الدرب

صعد منهن خَدر للروح

وسكت گلبي وبقَت عيني

توزع الشوگ وضواها

وتبچي باچر

كلشي حاير كلشي ساكت . .

ياما گتلك گتلك الدنيا لوتني

وبيك احسني انسانة اقوه

ليش خليت العشگ بعيوني نزوه.

                              _________

سليل..انتهى كلشي بينه طلكني وطلع واحنه طلعنه رجعنه لبيتهم واني اريد ابجي اختنكت كلش لزمت ايد بابا وحجيت بابا اريد اروح ازور

ابو وسام..شبيج بابا

سليل..اريد ازور اخذني وخليني جوه ماريد اطلع

ابو غضب..غضب يابه وصلنه للحضره

سليل..وصلنه طلعت المناره مال لامام العباس عليه السلام نزلت من السياره وحتى محجيت شي كبل دخلت للتفتيش ودخلت ازور بيومها بجيت بجي شكد ممخنوكه ضليت ساعات جوه كاعده بلزاويه وابجي كعدت مره كبالي وطبطبت على ضهري

المره..يمه التبجين كومي صليلج ركعتين هنا يم قاضي الحاجات

سليل..هزيت راسي كمت صليت وخلصت وهيه المره كامت لزمتني من ايدي

المره..تعالي زوري منا

سليل..اخذتني للسرداب مابي هوايه عالم دخلت وهيه ويايه زرت ودموعي ابد موكفت شلال صارن لحد مهديت شويه واشكرت من المره وطلعت صار هوا كبالي مشفت لاابويه ولا ابو اجه لزمني من ايدي وعصرها قوي

غضب..صح طلكتج بس مراح اعوفج

سليل..حجيت بصوت مخنوك اي كامت توجعني

غضب..ليش هلكد باجيه

سليل..عفيه ايدي حل ايدي

غضب..امشي ابوج وابويه راحو للبيت قبلنه

سليل..مشينه لحد لسياره مالته فتحت لباب الوره وكعدت رجعنه لبيتهم نزلت صار هيفاء وبناتها كبالي عفتهم ودخلت يله بابا وسام ياسر خلي نرجع

ام غضب..لا يمه وين دنيا ليل صارت الطريق يخوف

سليل..لا خاله بالي يم ساره يله ياسر

ابو وسام..يله يابه

ابو غضب..ابو وسام هيه هاي هم طلعه يا خويه ضلو وباجر رجعو