شموخ
بقلمي ...رونق السلطاني
دامك سكنت بداخل القلب يرعاك،؛
هـذا خفوقي وانشده كيف يغليك،؛
قلبي واعــرفـه بالـغـلا كـم تمناك،؛
مدري على كثر الـغـلا وين اوديك؟؟
___________________
شموخ ... الووو عمري
غالي ... يبعد الوو والعمر كله شنون اصدك صرتي مرتي هاا
شموخ ... عجل اني شكول اجيتو بغفله مو زين ما وكف گلبي
غالي ... سلامة كلبج نبض كلبي ودكاته وين كاعده انتي
شموخ ... من وصلتني الرساله صعدت اركض فوك كاعده بالغرفه
غالي ... وين بغرفتج
شموخ ... لا بالغرفه لخ مسويها مخزن غرفتنا بيها نزال ومرته الجديده
غالي ... يولي خاف يطلعلج شي شون كاعده بيها كومي حدري جوى
شموخ ... لا لا نظيفه الغراض مرتبه وبيها سرير مفروش مرات
امين ينام هينه
غالي ... تهيري باجر امر عليج اخذج
شموخ ... يماا وين تاخذني
غالي ... اخطفج وانهزم بيج اطلع ظيم كلبي
شموخ ... لتخوفني منك عفيه
غالي ...نسوي تحليل تا امشي معامله نكطع مهر بالمحكمه
شموخ ... كول هيج عليش تخوفني
غالي ...شنون اني اضل مدوهن ودايخ بيج بويه شتاكلين كطن ، غيم ،هيج ناعمه وترفه لهل الحزه اتحسس مكان ايديج بيدي جثير حجي ومشاعر مدفونه بكلبي ما ادري شنون ابدي وشنون احجي كل الي اريده اخذج بعيد وحدنا واضمج بحضني
شموخ ... حيل احبك غالي
غالي ... حته هالكلمه اهجسها ماتكفي وتشرح عشكج بكلبي جنت اسمع بعشگ الزغيرونه واضحك اكول مو لهل الدرجه اثاري طلع اكثر من من لي سمعته من اول مره شفت بيها ذيج العيون الصوبت گلبي ليل نهار افكر بيج
بنفس اليوم حلمت بيج واكفه فوك راسي وقفلت عليج لو انتي لو ما ازوج
كل اهلي كالولي زغيره عليك ماتفيدك اذاني ماجنت اسمع بيها غير صدى صوتج وعيوني ما ادحك غير عيونج جنها عيون الغزال ضوه عيون غالي
اني جاهز ما اريد جر وعر اسبوعين تجهزين بيها نفسج واخذج يانفسي
شموخ ... اسبوعين خاف ما الحك اريد حفله وتباها بيك يالعمر
غالي ... يجرالج يالروح عجل اني ما اريد اتباها بيج هاليومين نكمل المحكمه واخذج لبغداد اخذي ليعجبج وسوي ليتريدي وجهزي للمدرسه
شموخ ... شهكت ونزلت دموعي من الفرحه الله عليك تخليني ادرس
غالي ... عجل شنون مو كايلج من كبل ادرسي وانجحي اريدج ترفعين راسي بنجاحج
شموخ ... ابويه انت وكل اهلي جثير احبك حته گلبي يوجعني من حبك ومن اشتاكلك
غالي ... عليش صوتج مخنوك وتبجين ما اريد هالعيون تنزل دمعه ما يلوكلج شحلاته عيونج من تخجل مني يايابه من وصلتج للمدرسه بذاك اليوم روحي تلوب عليج بلكوه كاضب نفسي منج ما اريد اسوي شي بالحرام حتى الكلمه جنت احسبلها الف حساب اريد ابنيها وياج بالحلال تا ربي يبارك بينا
