شموخ
بقلمي ... رونق السلطاني
شموخ ....❤️
أأخبرك شيئاً!!!
أنه كلما لملمت قلبي...زارني شوقي اليك وبعثره
فأنا لم احبك بعاطفه سبعين ام...
انا احببتك بعاطفه ام واحده.....كانت عقيمه وانجبت.
غالي ....❤️
أكتُب إليكِ هذه الرسالة
و أنا تحت تأثير الحُب الذي ينهشُ قلبي
أرى كُل الأشياء من حولي تتلاشى ،تتلاشى بوضوح ، لا ضوءَ بِها ولا وجود
وحدكِ الباقية .. الواضحة جِدًا و كُل ما أرى!
أتسأليني إن كُنتُ أحِّبُكِ ؟ ألم تعرفي بعد ؟ أنني تخطيتُ هذهِ المُقدمة
و أدعوا أن لا توجد بيننا خاتمة .
بعد ما ربي اكرمني وجبر بخاطرنا وعوضنا عن الم الحرمان
ونورت دموع حياتنا وملت الفراغ الي جنا نتوجع منه ........!
الأمومه شعور جميل تعجز كل كلمات الوصف عنه
ينضفون بيها اسمع صوتها تبجي واني ابجي وياها
نسيت الوجع والتعب ونسيت نفسي واني ادحك عليها
طلعوني من صالة الولاده غالي بوجهي كرفص كبالي
كضب اديه عصرها حيل معاني وجهه حزينه وعيونه مدمعه
-الحمدلله على سلامتج جثير خفت عليج عليش هالكثر باجيه
- الله يسلمك حلوه تخبل دموع سميتها دموع غالي
ابتسم بوجهي وباس راسي كام واخذني للغرفه
عاليه جابت دموع كالت يله غزالتنا رضعيها
اخذها غالي باس راسها وكبر بأذانها جابها حطها بحضني وطلع بسرعه
حطيتها على صدري ساعتني مياده تا ارضعها رضعت شويه واخذته عمه عاليه بعدها حسيت بنزيف اهجس روحي غابت بس اشرت لمياده
مياده ... اباوع عليها اخذها النزيف وتخربطت وغابت عن الوعي
انطوها ابر للنزيف وماكو فايد ظغطها صفر ونسبة الدم هبطت حطولها مغذي تكعد وترجع تغيب عن الوعي تخلبنا عليها
الدكتوره .. بسرعه جيبولها دم
غالي ... ما اثق بهذا الدم لعدكم اني اتبرع لها
مياده ... سحبو منه بطل ودارولها خطيه وجهه صار اصفر
والخوف واضح عليه كاعد يمها ولازم اديها ويبوس براسها مغمض عيونه وكل شوي يجر نفس
كولش قهرني حته بجي بجيت عليه بي خوفه لا يفقدها
عاليه ... هونها يبعد گلبي دحك مابيها شي ترا عادي هيج يصير
