/// شموخ ///
بقلمي (( رونق السلطان))
✨✨✨✨✨✨✨✨✨✨
على الود والمحبه يتجدد لقائي بكم بروايه جديده
اتمنى تنال اعجابكم 🌸
وعذلتُ أهل العِشقِ حتى ذُقتهُ
فعجبتُ كيفَ يموتُ من لايعَشقُ
وعذرتهم وعَرفتُ ذنبي أنني ..
عيّرتُهم فَلقيتُ منهم ما لَقوا !!!
في احد الاقضيه التابعه لمحافظه الانبار ❤️
الساعه خمسه الصبح كعدت على صوت تلفون يرن يم راسي دحكت عليه ابويه يدك يوميه يكعدني على صلاة الفجر رديت عليه
اي يابه كعدت لا ما ارجع انام اريد اطلع للمزرعه سديته وكمت بعدني نعسان بس شسوي لازم اطلع كمت تضويت وصليت حدرت
لكيتهم كلهم كاعدين جدتي وعمتي صارلهن يومين يمنا ارتاح بجيتهن هي لربتني ومتعلق بيها جثيرر لو بس تجي تعيش يمنا
ما ترضى تفارك بيت جدي شكد اتحايل عليها تجي تگضي جم يوم يمنا وترجع لبيتها
امي واكفه تخدر جاي وتحضر الريوك ريحته الجاي دكت براسي دخلت عمتي عاليه شايله الخبز والريحه تنفنف من شميت رحيته جعت
كعدت يم جدتي بست راسها... لو الله يهديج وتضلين هين يمنا وجودج بركة مدكوليلي شعندج لازكه هناك يم راجحه
ردت ببتسامه والتجاعيد تزين وجهها النوارني .... يول غالي مو تدري بيه يجده مكدر افارك حجرت جدك روحي معلك هناك مو بيدي تراني مو جاي اجي يمك كل ما حدرت هين انت راح يضل شغلك هناك بالفلوجه عليش ما تنقل هين مو احسلك
كضبت اديها وبستها .... تضلين هين انقل واكابلج واكعد تروحين ارجع لدوامي
طب ابويه يمسح بوجهه كال ... وانت لخاطر جدتتك تجي واحنى شنهو خراعين خضره مو بعينك گط عليه الخاولي
ضحكت ... حشاك يابه انتو الخير والبركه بس تعرفني جدتي روحي بيها مكدر على فراگج يحلوه
تضحك كالت ... وانت يسعد تغار من ابنك عبن يحبني
لا يمه لا عليش ما اغارر بس شويه
عدلت شيلته وضمت شعراتها لونين ابيض وبرتقالي ... مبين بس شويه اشوف شرار الغير كام يتتطافر علينا هالوحيد وتغار منه عجل لو عندك ثلاثه اربعه شسوي
- كل شي ما اسوي راضي والحمدلله يمكن لو عندي تلاثه واربعه وشالعين گلبي شسوي بيهم ربي رزقني واحد بار بيه ومريحني هاي تسوى عندي عشر ولد
وبنواتي زوجتهن ومرتاحات ببيوتهن هاي هم نعمه بس فيه اااخ كل ما ادحك عليها گلبي ينعصر لو بيدي اخذ من عافيتي وانطيها
