///شموخ///
بقلمي (( رونق السلطاني ))
✨✨✨✨✨✨✨✨
نحن لا نختار اقدارنا
ولا نختار من نحب
فأن القلوب هي التي تفتح أبوابها ويدخل ما تحب
أهو القدر التي يمشي على أقدام النصيب
لا تسألني ....فانا من كم تلك النساء
كم أحببت هذه المرأه وكم تلك هذا الحب التي يسكن بين أضلعي وحنايا قلبي لها
نعم أحببتها ونعم احبها
ويشهد قلبي .وحنايا واضلعي ونبض قلبي و ما بين الشريان
ويجري كل هذا أقدام النصيب
❤️
كل مره يطلع بوجهي ويعترض طريقي .. هل هي صدفه لو مراقبني ومتقصد لو ترتيب من رب العالمين وهيج كل مره نتلاكه !
يمشي بتجاهي مبتسم تكرب يمي فتح المي وغسل ايده
وهمس بنفس نبرت صوته الدافيه
گلبي عشگج يبنيه
من كال هيج طبيت اركض وسديت الباب انلطخت بسميه صاحت بيا
- هي شبيج جفلتيني ( فززتيني ) يولي بس لا طلع احد شافج ؟
اطرافي ثلجت وجمسي يختض مرتبكه گلبي يدك والهث عبالك دا اركض رديت عليها متلعثمه واخربط ... هااا لا شسمه بس سمعت الباب مدري منو فتحه وطبيت اركض ... مشيت من يمها بسرعه
كبل صعدت فوك افرك بيدي وخايفه لمست وجهي حاررر ناررر
افتر بالغرفه وايدي على راسي .. ياربي شسوى بيا هذاا حتى بيتنا طلعلي .. هذاك اليوم يكولي يروحي وهساع گلبي عشگج يبنيه
يمااا ولا يخاف بله لو واحد من الولد طالعين وشايفيني ويااا لو سامعين كلامه ... غير يذبحوني ويسوني هبيط ويركصون عليا چوبي
يولو شنهو هذا بكل جرئه وبدون مقدمات حتى من شافني
ما رجع وانتظرني افوت !.... اجى يتمشى عبالك بيت الخلفه ويعترف لي بحبه !
مثل المخبله بالغرفه افتر واحاجي روحي مره ابتسم وافرح ومره تجيني خوفه واهجس جسمي يتكهرب وانتفض
انفتح الباب بقوه جفلت بمكاني ... گلبي وكع بين رجليه .. اسمع حس شررروق تلعلع
- الله يطيح حظج وگبر طمج الدنيا مكلوبه جوه وانتي هين شسويييين صارلنا ساعه انصيح صخام الطام نعال كل هذا ما سمعتي امي اكلت اصابعها وهي تعض بيهم شبيج مو وياج وجهه القندره صمخه متسمعين
- نعلا على بليسج محد وجهه القندره غيررج يا نعال عليش هالصياح صعدت ابدل ثوبي ولي من وجهي
- تبدلين ثوبج شاخه على نفسج كل ساع تبدلين امشي حدري الهول مليان نسوان
